ப்ரஶ்நப்ரதிவசநயோரநநுரூபத்வமாஶங்கதே —
ஸ ஹோவாசேதி ।
த்³ருஷ்டாந்தமேவ ஸ்பஷ்டயதி —
அஸாவித்யாதி³நா ।
ப்ரத்யக்ஷம் கா³மஶ்வம் வா த³ர்ஶயாமீதி பூர்வம் ப்ரதிஜ்ஞாய பஶ்சாத்³யஶ்சலத்யஸௌ கௌ³ர்யோ வா தா⁴வதி ஸோ(அ)ஶ்வ இதி சலநாதி³லிங்கை³ர்யதா² க³வாதி³ வ்யபதி³ஶத்யேவமேவ ப்³ரஹ்ம ப்ரத்யக்ஷம் த³ர்ஶயாமீதி மத்ப்ரஶ்நாநுஸாரேண ப்ரதிஜ்ஞாய ப்ராணநாதி³லிங்கை³ஸ்தத்³வ்யபதி³ஶதஸ்தே ப்ரதிஜ்ஞாஹாநிரநவதே⁴யவசநதா ச ஸ்யாதி³த்யர்த²: ।
ப்ரதிஜ்ஞாப்ரஶ்நாவநுஸர்தவ்யௌ பு³த்³தி⁴பூர்வகாரிணேதி ப²லிதமாஹ —
கிம் ப³ஹுநேதி ।
ப்ரத்யுக்திதாத்பர்யமாஹ —
யதே²தி ।
ப்ரதிஜ்ஞாநுவர்தநமேவாபி⁴நயதி —
தத்ததே²தி ।
கதமோ யாஜ்ஞவல்க்யேத்யாதி³ப்ரஶ்நஸ்ய தாத்பர்யமாஹ —
யத்புநரிதி ।
ந த்³ருஷ்டேரித்யாதி³வாக்யஸ்ய தாத்பர்யம் வத³ந்நுத்தரமாஹ —
தத³ஶக்யத்வாதி³தி ।
ஆத்மநோ வஸ்துத்வாத்³க⁴டாதி³வத்³விஷயீகரணம் நாஶக்யமிதி ஶங்கதே —
கஸ்மாதி³தி ।
வஸ்துஸ்வரூபமநுஸ்ருத்ய பரிஹரதி —
ஆஹேதி ।
க⁴டாதே³ரபி தர்ஹி வஸ்துஸ்வாபா⁴வ்யாந்மா பூ⁴த்³விஷயீகரணமிதி மந்வாந: ஶங்கதே —
கிம் புநரிதி ।
த்³ருஷ்ட்யாதி³ஸாக்ஷித்வம் வஸ்துஸ்வாபா⁴வ்யம் ததஶ்சாவிஷயத்வம் ந சைவம் வஸ்துஸ்வாபா⁴வ்யம் க⁴டாதே³ரஸ்தீத்யுத்தரமாஹ —
த்³ருஷ்ட்யாதீ³தி ।
த்³ருட்யாதி³ஸாக்ஷிணோ(அ)பி த்³ருஷ்டிவிஷயத்வம் கிம் ந ஸ்யாதி³த்யாஶங்க்யா(அ)(அ)ஹ —
த்³ருஷ்டேரிதி ।
யதா² ப்ரதீ³போ லௌகிகஜ்ஞாநேந ப்ரகாஶ்யோ ந ஸ்வப்ரகாஶகம் ஜ்ஞாநம் ப்ரகாஶயதி ததா² த்³ருஷ்டிஸாக்ஷீ த்³ருஷ்ட்யா ந ப்ரகாஶ்யத இத்யர்த²: ।
த்³ருஷ்டேர்த்³ரஷ்டைவ நாஸ்தீதி ஸௌக³தாஸ்தாந்ப்ரத்யாஹ —
த்³ருஷ்டிரிதீதி ।
லௌகிகீம் வ்யாசஷ்டே —
தத்ரேதி ।
பாரமார்தி²கீம் த்³ருஷ்டிம் வ்யாகரோதி —
யா த்விதி ।
நந்வாத்மா நித்யத்³ருஷ்டிஸ்வபா⁴வஶ்சேத்கத²ம் த்³ரஷ்டேத்யாதி³வ்யபதே³ஶ: ஸித்⁴யதி தத்ரா(அ)(அ)ஹ —
ஸா க்ரியமாணயேதி ।
ஸாக்ஷ்யபு³த்³தி⁴தத்³வ்ருத்திக³தம் கர்த்ருத்வம் க்ரியாத்வம் சா(அ)(அ)த்⁴யாஸிகம் நித்யத்³ருக்³ரூபே வ்யவஹ்ரியத இத்யர்த²: ।
ஆத்மநோ நித்யத்³ருஷ்டிஸ்வபா⁴வத்வே கத²ம் ‘பஶ்யதி ந பஶ்யதி சே’தி காதா³சித்கோ வ்யவஹார இத்யாஶங்க்யா(அ)(அ)ஹ —
யா(அ)ஸாவிதி ।
யா ப³ஹுவிஶேஷணா லௌகிகீ த்³ருஷ்டிரஸௌ தத்ப்ரதிச்சா²யேதி ஸம்ப³ந்த⁴: । ததா² ச யா தத்ப்ரதிச்சா²யா தயா வ்யாப்தைவேதி யாவத் ।
கிமித்யௌபசாரிகோ வ்யபதே³ஶோ முக்²யஸ்து கிம் ந ஸ்யாதி³த்யாஶங்க்யா(அ)(அ)ஹ —
ந த்விதி ।
த்³ருஷ்டேர்வஸ்துதோ ந விக்ரியாவத்வமித்யத்ர வாக்யஶேஷமநுகூலயதி —
ததா² சேதி ।
உக்தே(அ)ர்தே² ந த்³ருஷ்டேரித்யாதி³ஶ்ருதிமவதார்ய வ்யாசஷ்டே —
தமிமமித்யாதி³நா ।
உக்தமேவ ப்ரபஞ்சயதி —
யா(அ)ஸாவிதி ।
ந த்³ருஷ்டேரித்யாதி³வாக்யார்த²ம் நிக³மயதி —
தஸ்மாதி³தி ।
உக்தந்யாயமுத்தரவாக்யேஷ்வதிதி³ஶதி —
ததே²தி ।
உக்தம் வஸ்துஸ்வாபா⁴வ்யமுபஸம்ஹ்ருத்ய ப²லிதமாஹ —
ஏஷ இதி ।