அஜ்ஞாநாதி³நிக்³ரஹம் பரிஹரந்நுத்தரமாஹ —
ஸ ஹோவாசேதி ।
ஸ்மரணார்தோ² க³ந்த⁴ர்வால்லப்³த⁴ஸ்ய ஜ்ஞாநஸ்யேதி ஶேஷ: ।
கிமுவாசேத்யபேக்ஷாயாமாஹ —
அக³ச்ச²ந்நிதி ।
அஹோராத்ரமாதி³த்யரத²க³த்யா யாவாந்பந்தா² மிதஸ்தாவாந்தே³ஶோ த்³வாத்ரிம்ஶத்³கு³ணிதஸ்தத்கிரணவ்யாப்த: ।
ஸ ச சந்த்³ரரஶ்மிவ்யாப்தேந தே³ஶேந ஸாகம் ப்ருதி²வீத்யுச்யதே । ‘ரவிசந்த்³ரமஸோர்யாவந்மயூகை²ரவபா⁴ஸ்யதே । ஸஸமுத்³ரஸரிச்சை²லா தாவதீ ப்ருதி²வீ ஸ்ம்ருதா’(ப்³ரஹ்மபுராணம் 23-3)இதி ஸ்ம்ருதேரித்யாஹ —
த்³வாத்ரிம்ஶதமித்யாதி³நா ।
அயம் லோக இத்யஸ்யார்த²மாஹ —
தாவதி³தி ।
தத்ர லோகபா⁴க³ம் விப⁴ஜதே —
யத்ரேதி ।
உக்தம் லோகமநூத்³யாவஶிஷ்டஸ்யாலோகத்வமாஹ —
ஏதாவாநிதி ।
தமிதி ப்ரதீகமாதா³ய வ்யாசஷ்டே —
லோகமித்யாதி³நா ।
அந்வயம் த³ர்ஶயிதும் தம் லோகமிதி புநருக்தி: ।
தத்ர பௌராணிகஸம்மதிமாஹ —
யம் க⁴நோத³மிதி ।
உக்தம் ஹி -
‘அண்ட³ஸ்யாஸ்ய ஸமந்தாத்து ஸம்நிவிஷ்டோ(அ)ம்ருதோத³தி⁴: ।
ஸமந்தாத்³க⁴நதோயேந தா⁴ர்யமாண: ஸ திஷ்ட²தி ॥’ இதி ।
தத்³யாவதீத்யாதே³ஸ்தாத்பர்யமாஹ —
தத்ரேதி ।
லோகாதி³பரிமாணே யதோ²க்தரீத்யா ஸ்தி²தே ஸதீதி யாவத் ।
கபாலவிவரஸ்யாநுபயுக்தத்வாத்கிம் தத்பரிமாணசிந்தயேத்யாஶங்க்யா(அ)(அ)ஹ —
யேநேதி ।
வ்யவஹாரபூ⁴மி: ஸப்தம்யர்த²: ।
பரமாத்மாநம் வ்யாவர்தயதி —
யோ(அ)ஶ்வமேத⁴ இதி ।
ஸுபர்ணஶப்³த³ஸ்ய ஶ்யேநஸாத்³ருஶ்யமாஶ்ரித்ய சித்யே(அ)க்³நௌ ப்ரவ்ருத்திம் த³ர்ஶயதி —
யத்³விஷயமிதி ।
உக்தார்த²ம் பத³மநுவத³தி —
ஸுபர்ண இதி ।
பூ⁴த்வேத்யஸ்யார்த²மாஹ —
பக்ஷேதி ।
நநு சித்யோ(அ)க்³நிரண்டா³த்³ப³ஹிரஶ்வமேத⁴யாஜிநோ க்³ருஹீத்வா ஸ்வயமேவ க³ச்ச²து கிமிதி தாந்வாயவே ப்ரயச்ச²தி தத்ரா(அ)(அ)ஹ —
மூர்தத்வாதி³தி ।
ஆத்மநஶ்சித்யஸ்யாக்³நேரிதி யாவத் । தத்ரேத்யண்டா³த்³பா³ஹ்யதே³ஶோக்தி: । இதி யுக்தம் வாயவே ப்ரதா³நமிதி ஶேஷ: । ஆக்²யாயிகாஸமாப்தாவிதிஶப்³த³: । பரிதோ து³ரிதம் க்ஷீயதே யேந ஸ பரிக்ஷித³ஶ்வமேத⁴ஸ்தத்³யாஜிந: பாரிக்ஷிதாஸ்தேஷாம் க³திம் வாயுமிதி ஸம்ப³ந்த⁴: ।
முநிவசநே வர்தமாநே கதா²மாக்²யாயிகாஸமாப்திஸ்தத்ரா(அ)(அ)ஹ —
ஸமாப்தேதி ।
வாயுப்ரஶம்ஸாயாம் ஹேதுமாஹ —
யஸ்மாதி³தி ।
கிம்புநர்யதோ²க்தவாயுதத்த்வவிஜ்ஞாநப²லம் ததா³ஹ —
ஏவமிதி ॥2॥