நிருபாதி⁴கே பரஸ்மிந்நாத்மநி சித்³தா⁴தாவநாத்³யவித்³யாகல்பிதோபாதி⁴க்ருதமஶநாயாதி³மத்த்வம் வஸ்துதஸ்து தத்³ராஹித்யமித்யுபபாத்³யாநந்தரப்ரஶ்நமுத்தா²ப்ய ப்ரதிவக்தி —
தத்ரேத்யாதி³நா ।
கல்பிதாகல்பிதயோராத்மரூபயோர்நிர்தா⁴ரணார்தா² ஸப்தமீ । யோ(அ)த்யேதி ஸ ஸர்வாந்தரத்வாதி³விஶேஷணஸ்தவா(அ)(அ)த்மேதி ஶேஷ: ।
நநு பரோ நாஶநாயாதி³மாநப்ரஸித்³தே⁴ர்நாபி ஜீவஸ்ததா² தஸ்ய பரஸ்மாத³வ்யதிரேகாத³த ஆஹ —
அவிவேகிபி⁴ரிதி ।
பரமார்த²த இத்யுப⁴யத: ஸம்ப³த்⁴யதே । ப்³ரஹ்மைவாக²ண்ட³ம் ஸச்சிதா³நந்த³மநாத்³யவித்³யாதத்கார்யபு³த்³த்⁴யாதி³ஸம்ப³த்³த⁴மாபா⁴ஸத்³வாரா ஸ்வாநுப⁴வாத³ஶநாயாதி³மத்³க³ம்யதே தத்த்வம் வஸ்துதோ(அ)வித்³யாஸம்ப³ந்தா⁴த³ஶநாயாத்³யதீதம் நித்யமுக்தம் திஷ்ட²தீத்யர்த²: । அஶநாயாபிபாஸாதி³மத்³ப்³ரஹ்ம । க³ம்யமாநமிதி வத³ந்நாசார்யோ நாநாஜீவவாத³ஸ்யாநிஷ்டத்வம் ஸூசயதி ।
பரமார்த²தோ ப்³ரஹ்மண்யஶநாயாத்³யஸம்ப³ந்தே⁴ மாநமாஹ —
ந லிப்யத இதி ।
பா³ஹ்யத்வமஸம்க³த்வம் ।
லோகது³:கே²நேத்யயுக்தம் லோகஸ்யாநாத்மநோ து³:க²ஸம்ப³ந்தா⁴நப்⁴யுபக³மாதி³த்யாஶங்க்யா(அ)(அ)ஹ —
அவித்³வதி³தி
அஶநாயாபிபாஸயோ: ஸமஸ்யோபாதா³நே ஹேதுமாஹ —
ப்ராணேதி ।
அரதிவாசீ ஶோகஶப்³தோ³ ந காமவிஷய இத்யாஶங்க்யா(அ)(அ)ஹ —
இஷ்டமிதி ।
காமபீ³ஜத்வமரதேரநுப⁴வேநாபி⁴வ்யநக்தி —
தேந ஹதி ।
காமஸ்ய ஶோகோ பீ³ஜமிதி ஸ காமதயா வ்யாக்²யாத: ।
அநித்யாஶுசிது³:கா²நாத்மஸு நித்யஶுசிஸுகா²த்மக்²யாதிர்விபரீதப்ரத்யயஸ்தஸ்மாந்மநஸி ப்ரப⁴வதி கர்தவ்யாகர்தவ்யாவிவேக: ஸ லௌகிக: ஸம்யக்³ஜ்ஞாநவிரோதா⁴த்³ப்⁴ரமோ(அ)வித்³யேத்யுச்யதே । தஸ்யா: ஸர்வாநர்தோ²த்பத்தௌ நிமித்தத்வம் மூலாவித்³யாயாஸ்தூபாதா³நத்வம் ததே³ததா³ஹ —
மோஹஸ்த்விதி ।
காமஸ்ய ஶோகோ மோஹோ து³:க²ஸ்ய ஹேதுரிதி பி⁴ந்நகார்யத்வம் தத்³விச்சே²த³ இத்யத்ர கார்யகரணஸம்கா⁴தஸ்தச்ச²ப்³தா³ர்த²: ।
ஸம்ஸாராத்³விரக்தஸ்ய பாரிவ்ராஜ்யம் வக்துமுத்தரம் வாக்யமித்யபி⁴ப்ரேத்ய ஸம்க்ஷேபத: ஸம்ஸாரஸ்வரூபமாஹ —
யே த இத்யாதி³நா ।
தேஷாமாத்மத⁴ர்மத்வம் வ்யாவர்தயிதும் விஶிநாஷ்டி —
ப்ராணேதி ।
தேஷாம் ஸ்வரஸதோ விச்சே²த³ஶங்காம் வாரயதி —
ப்ராணிஷ்விதி ।
ப்ரவாஹரூபேண நைரந்தர்யே த்³ருஷ்டாந்தமாஹ —
அஹோராத்ராதி³வதி³தி ।
தேஷாமதிசபலத்வே த்³ருஷ்டாந்த: —
ஸமுத்³ரோர்மிவதி³தி ।
தேஷாம் ஹேயத்வம் த்³யோதயதி —
ப்ராணிஷ்விதி ।
யே யதோ²க்தா: ப்ராணிஷ்வஶநாயாத³யஸ்தே தேஷு ஸம்ஸார இத்யுச்யத இதி யோஜநா ।
ஏதம் வை தமித்யத்ரைதச்ச²ப்³தா³ர்த²முஷஸ்தப்ரஶ்நோக்தம் த்வம்பதா³ர்த²ம் கத²யதி —
யோ(அ)ஸாவிதி ।
தச்ச²ப்³தா³ர்த²ம் கஹோலப்ரஶ்நோக்தம் தத்பதா³ர்த²ம் த³ர்ஶயதி —
அஶநாயேதி ।
தயோரைக்யம் ஸாமாநாதி⁴கரண்யேந ஸூசிதமித்யாஹ —
தமேதமிதி ।
ஜ்ஞாநமேவ விஶத³யதி —
அயமித்யாதி³நா ।
ஜ்ஞாத்வா ப்³ராஹ்மணா வ்யுத்தா²ய பி⁴க்ஷாசர்யம் சரந்தீதி ஸம்ப³ந்த⁴: ।
ஸம்ந்யாஸவிதா⁴யகே வாக்யே கிமித்யதி⁴காரிணி ப்³ராஹ்மணபத³ம் தத்ரா(அ)(அ)ஹ —
ப்³ராஹ்மணாநாமிதி ।
புத்ரார்தா²மேஷணாமேவ விவ்ருணோதி —
புத்ரேணேதி ।
ததோ வ்யுத்தா²நம் ஸம்க்³ருஹ்ணாதி —
தா³ரஸம்க்³ரஹமிதி ।
வித்தைஷணாயாஶ்ச வ்யுத்தா²நம் கர்தவ்யமித்யாஹ —
வித்தேதி ।
வித்தம் த்³விவித⁴ம் மாநுஷம் தை³வம் ச । மாநுஷம் க³வாதி³ தஸ்ய கர்மஸாத⁴நஸ்யோபாதா³நமுபார்ஜநம் தேந கர்ம க்ருத்வா கேவலேந கர்மணா பித்ருலோகம் ஜேஷ்யாமி । தை³வம் வித்தம் வித்³யா தத்ஸம்யுக்தேந கர்மணா தே³வலோகம் கேவலயா ச வித்³யயா தமேவ ஜேஷ்யாமீதீச்சா² வித்தைஷணா ததஶ்ச வ்யுத்தா²நம் கர்தவ்யமிதி வ்யாசஷ்டே —
கர்மஸாத⁴நஸ்யேதி ।
ஏதேந லோகைஷணாயாஶ்ச வ்யுத்தா²நமுக்தம் வேதி³தவ்யம் ।
தை³வாத்³வித்தாத்³வ்யுத்தா²நமாக்ஷிபதி —
தை³வாதி³தி ।
தஸ்யாபி காமத்வாத்ததோ வ்யுத்தா²தவ்யமிதி பரிஹரதி —
தத³ஸதி³தி ।
தர்ஹி ப்³ரஹ்மவித்³யாயா: ஸகாஶாத³பி வ்யுத்தா²நாத்தந்மூலத்⁴வம்ஸே தத்³வ்யாகா⁴த: ஸ்யாதி³த்யாஶங்க்யா(அ)(அ)ஹ —
ஹிரண்யக³ர்பா⁴தீ³தி ।
தே³வதோபாஸநாயா வித்தஶப்³தி³தவித்³யாத்வே ஹேதுமாஹ —
தே³வலோகேதி ।
தத்ப்ராப்திஹேதுத்வம் ப்³ரஹ்மவித்³யாயாமபி துல்யமிதி சேந்நேத்யாஹ —
ந ஹீதி ।
தத்ர ப²லாந்தரஶ்ரவணம் ஹேதூகரோதி —
தஸ்மாதி³தி ।
இதஶ்ச ப்³ரஹ்மவித்³யா தை³வாத்³வித்தாத்³ப³ஹிரேவேத்யாஹ —
தத்³ப³லேநேதி ।
ப்ராகே³வ வேத³நம் ஸித்³த⁴ம் சேத்கிம் புநர்வ்யுத்தா²நேநேத்யாஶங்க்ய ப்ரயோஜகஜ்ஞாநம் தத்ப்ரயோஜகமுத்³தே³ஶ்யம் து தத்த்வஸாக்ஷாத்கரணமிதி விவக்ஷித்வா(அ)(அ)ஹ —
தஸ்மாதி³தி ।
ப்ரயோஜகஜ்ஞாநம் பஞ்சம்யர்த²: । வ்யுத்தா²ய பி⁴க்ஷாசர்யம் சரந்தீதி ஸம்ப³ந்த⁴: ।
வ்யுத்தா²நஸ்வரூபப்ரத³ர்ஶநார்த²மேஷணாஸ்வரூபமாஹ —
ஏஷணேதி ।
கிமேதாவதேத்யாஶங்க்ய வ்யுத்தா²நஸ்வரூபமாஹ —
ஏதஸ்மிந்நிதி ।
ஸம்ப³ந்த⁴ஸ்து பூர்வவத் ।
யா ஹ்யேவேத்யாதி³ஶ்ருதேஸ்தாத்பர்யமாஹ —
ஸர்வா ஹீதி ।
ப²லம் நேச்சா²தி ஸாத⁴நம் ச சிகீர்ஷதீதி வ்யாகா⁴தாத்ப²லேச்சா²ந்தர்பூ⁴தைவ ஸாத⁴நேச்சா² தத்³யுக்தமேஷணைக்யமித்யர்த²: ।
ஶ்ருதேஸ்ததை³க்யவ்யுத்பாத³கத்வம் ப்ரஶ்நபூர்வகம் வ்யுத்பாத³யதி —
கத²மித்யாதி³நா ।
ப²லைஷணாந்தர்பா⁴வம் ஸாத⁴நைஷணாயா: ஸமர்த²யதே —
ஸர்வ இதி ।
உபே⁴ ஹீத்யாதி³ஶ்ருதிமவதார்ய வ்யாசஷ்டே —
யா லோகைஷணேதி ।
ப்ரயோஜகஜ்ஞாநவத: ஸாத்⁴யஸாத⁴நரூபாத்ஸம்ஸாராத்³விரக்தஸ்ய கர்மதத்ஸாத⁴நயோரஸம்ப⁴வே ஸாக்ஷாத்காரமுத்³தி³ஶ்ய ப²லிதம் ஸம்ந்யாஸம் த³ர்ஶயதி —
அத இதி ।
அதிக்ராந்தா ப்³ராஹ்மணா: கிம் ப்ரஜயேத்யாதி³ப்ரகாஶிதாஸ்தேஷாம் கர்ம கர்மஸாத⁴நம் ச யஜ்ஞோபவீதாதி³ நாஸ்தீதி பூர்வேண ஸம்ப³ந்த⁴: ।
தே³வபித்ருமாநுஷநிமித்தமிதி விஶேஷணம் விஶத³யதி —
தேந ஹீதி ।
ப்ராசீநாவீதம் பித்ரூணாமுபவீதம் தே³வாநாமித்யாதி³ஶப்³தா³ர்த²: ।
யஸ்மாத்பூர்வே விசாரப்ரயோஜகஜ்ஞாநவந்தோ ப்³ராஹ்மணா விரக்தா: ஸம்ந்யஸ்ய தத்ப்ரயுக்தம் த⁴ர்மமந்வதிஷ்ட²ம்ஸ்தஸ்மாத³து⁴நாதநோ(அ)பி ப்ரயோஜகஜ்ஞாநீ விரக்தோ ப்³ராஹ்மணஸ்ததா² குர்யாதி³த்யாஹ —
தஸ்மாதி³தி ।
‘த்ரித³ண்டே³ந யதிஶ்சைவ’ இத்யாதி³ஸ்ம்ருதேர்ந பரமஹம்ஸபாரிவ்ராஜ்யமத்ர விவக்ஷிதமித்யாஶங்க்யா(அ)(அ)ஹ —
த்யக்த்வேதி ।
தஸ்ய த்³ருஷ்டார்த²த்வாந்முமுக்ஷுபி⁴ஸ்த்யாஜ்யத்வம் ஸூசயதி —
கேவலமிதி ।
அமுக்²யத்வாச்ச தஸ்ய த்யாஜ்யதேத்யாஹ —
பரிவ்ராஜ்யேதி ।
ததா²(அ)பி த்வதி³ஷ்ட: ஸம்ந்யாஸோ ந ஸ்ம்ருதிகாரைர்நிப³த்³த⁴ இதி சேந்நேத்யாஹ —
வித்³வாநிதி ।
ப்ரத்யக்ஷஶ்ருதிவிரோதா⁴ச்ச ஸ்மார்தஸம்ந்யாஸோ முக்²யோ ந ப⁴வதீத்யாஹ —
அதே²தி ।