ஸம்ப்ரதி ப்ரக்ருதே வாக்யே பாரிவ்ராஜ்யவிதி⁴மங்கீ³க்ருத்ய ஸ்வயூத்²ய: ஶங்கதே —
வ்யுத்தா²யேதி ।
கா தர்ஹி விப்ரதிபத்திஸ்தத்ரா(அ)(அ)ஹ —
பாரிவ்ராஜ்யேதி ।
லிங்க³ம் த்ரித³ண்ட³த்வாதி³ । ‘புராணே யஜ்ஞோபவீதே விஸ்ருஜ்ய நவமுபாதா³யா(அ)(அ)ஶ்ரமம் ப்ரவிஶேத்’ ‘த்ரித³ண்டீ³ கமண்ட³லுமாந்’ இத்யாத்³யா: ஶ்ருதய: ஸ்ம்ருதயஶ்ச ।
ஏஷணாத்வாத்³யஜ்ஞோபவீதாதீ³நாமபி த்யாஜ்யத்வமுக்தமித்யாஶங்க்ய ஶ்ருதிஸ்ம்ருதிவஶாத்³வ்யுத்தா²நே ஸம்கோசமபி⁴ப்ரேத்யா(அ)(அ)ஹ —
அத இதி ।
உதா³ஹ்ருதஶ்ருதிஸ்ம்ருதீநாம் விஷயாந்தரம் த³ர்ஶயந்நுத்தரமாஹ —
நேத்யாதி³நா ।
ததே³வ விவ்ருணோதி —
யத்³தீ⁴த்யாதி³நா ।
தஸ்யா(அ)(அ)த்மஜ்ஞாநாங்க³த்வே ஹேதுமாஹ —
ஆத்மஜ்ஞாநேதி ।
ஏஷணாயாஸ்தத்³விரோதி⁴த்வமேவ குதஸ்ஸித்³த⁴ம் தத்ரா(அ)(அ)ஹ —
அவித்³யேதி ।
தர்ஹி யதோ²க்தாநாம் ஶ்ருதிஸ்ம்ருதீநாம் கிமாலம்ப³நம் ததா³ஹ —
தத்³வ்யதிரேகேணேதி ।
ஆஶ்ரமத்வேந ரூப்யதே வஸ்துதஸ்து நா(அ)(அ)ஶ்ரமஸ்ததா³பா⁴ஸ இதி யாவத் ।
தஸ்யா(அ)(அ)த்மஜ்ஞாநாங்க³த்வம் வாரயதி —
ப்³ரஹ்மேதி ।
அத² வ்யுத்தா²நவாக்யோக்தமுக்²யபாரிவ்ராஜ்யவிஷயத்வமேவ லிங்கா³தி³விதா⁴நஸ்ய கிம் ந ஸ்யாத்தத்ரா(அ)(அ)ஹ —
ந சேதி ।
ஏஷணாரூபாணி ஸாத⁴நாநி யஜ்ஞோபவீதாதீ³நி தேஷாமுபாதா³நமநுஷ்டா²நம் தஸ்யா(அ)(அ)ஶ்ரமத⁴ர்மமாத்ரேணோக்தஸ்ய யதோ²க்தே ஸம்ந்யாஸாபா⁴ஸே விஷயே ஸதி ப்ரதா⁴நபா³தே⁴ந முக்²யபாரிவ்ராஜ்யவிஷயத்வமயுக்தமித்யர்த²: ।
கத²ம் புநர்முக்²யபாரிவ்ராஜ்யவிஷயத்வே யஜ்ஞோபவீதாதே³ரிஷ்டே ப்ரதா⁴நபா³த⁴நம் ததா³ஹ —
யஜ்ஞோபவீதாதீ³தி ।
ஸாத்⁴யஸாத⁴நயோராஸம்கே³ தத்³விலக்ஷணஸ்யா(அ)(அ)த்மநோ ஜ்ஞாநம் பா³த்⁴யதே சேத்கா நோ ஹாநிரித்யாஶங்க்யா(அ)(அ)ஹ —
ந சேதி ।
பி⁴க்ஷாசர்யம் தாவத்³விஹிதம் விஹிதாநுஷ்டா²நம் ச யஜ்ஞோபவீதாதி³ விநா ந ஸம்ப⁴வதீதி ஶ்ருத்யைவா(அ)(அ)த்மஜ்ஞாநம் யஜ்ஞோபவீதாதி³விரோதி⁴ பா³தி⁴தமிதி ஶங்கதே —
பி⁴க்ஷாசர்யமிதி ।
ஶங்காமேவ விஶத³யதி —
அதா²பீத்யாதி³நா ।
யதா² ஹுதஶேஷஸ்ய ப⁴க்ஷணம் விஹிதமபி ந த்³ரவ்யாக்ஷேபகம் பரிஶிஷ்டத்³ரவ்யோபாதா³நேந ப்ரவ்ருத்தேஸ்ததா² ஸர்வஸ்வத்யாகே³ விஹிதே பரிஶிஷ்டபி⁴க்ஷோபாதா³நேந விஹிதமபி பி⁴க்ஷாசரணமுபவீதாத்³யநாக்ஷேபகமித்யுத்தரமாஹ —
நேத்யாதி³நா ।
த்³ருஷ்டாந்தமேவ ஸ்பஷ்டயதி —
ஶேஷேதி ।
தத்³ப⁴க்ஷணமிதி ஸம்ப³ந்த⁴: । அப்ரயோஜகம் த்³ரவ்யவிஶேஷஸ்யாநாக்ஷேபகமிதி யாவத்।
யத்³வா தா³ர்ஷ்டாந்திகமேவ ஸ்பு²டயதி —
ஶேஷேதி ।
ஸர்வஸ்வத்யாகே³ விஹிதே ஶேஷஸ்ய காலஸ்ய ஶரீரபாதாந்தஸ்ய ப்ரதிபத்திகர்மமாத்ரம் பி⁴க்ஷாசர்யமதோ ந தது³பவீதாதி³ப்ராபகமித்யர்த²: ।
கிஞ்ச பி⁴க்ஷாசர்யஸ்ய ஶரீரஸ்தி²த்யைவா(அ)(அ)க்ஷிப்தத்வாந்ந தத்ரா(அ)பி விதி⁴ர்தூ³ரே தத்³வஶாது³பவீதாதி³ஸித்³தி⁴ரித்யாஹ —
அஸம்ஸ்காரகத்வாச்சேதி ।
ததே³வ ஸ்பு²ட்யதே —
ப⁴க்ஷணமிதி ।
‘ஏககாலம் சரேத்³பை⁴க்ஷம்’(ம.ஸ்ம்ரு. 6। 55) இத்யாதி³நியமவஶாத³த்³ருஷ்டம் ஸித்⁴யது³பவீதாதி³கமப்யாக்ஷிபதீதி சேந்நேத்யாஹ —
நியமேதி ।
விவிதி³ஷோஸ்ததி³ஷ்டமபி நோபவீதாத்³யாக்ஷேபகம் ஜ்ஞாநோத்பாத³கஶ்ரவணாத்³யுபயோகி³தே³ஹஸ்தி²த்யர்த²த்வேநைவ சரிதார்த²த்வாதி³தி பா⁴வ: ।
தர்ஹி யதா²கத²ஞ்சிது³பநதேநாந்நேந ஶரீரஸ்தி²திஸம்ப⁴வாத்³பி⁴க்ஷாசர்யம் சரந்தீதி வாக்யம் வ்யர்த²மிதி ஶங்கதே —
நியமாத்³ருஷ்டஸ்யேதி ।
பி⁴க்ஷாசர்யாநுவாதே³ந ப்ரதிக்³ரஹாதி³நிவ்ருத்த்யர்த²த்வாத்³வாகஸ்ய நா(அ)(அ)நர்த²க்யமித்யுத்தரமாஹ —
நாந்யேதி ।
நிவ்ருத்த்யுபதே³ஶேந வாக்யஸ்யார்த²வத்த்வே(அ)பி தது³பதே³ஶஸ்ய நார்த²வத்த்வம் கூடஸ்தா²த்மஜ்ஞாநேநைவ ஸர்வநிவ்ருத்தே: ஸித்³தே⁴ரிதி ஶங்கதே —
ததா²(அ)பீதி ।
யதி³ நிஷ்க்ரியாத்மஜ்ஞாநாத³ஶேஷநிவ்ருத்தி: ஸ்யாத்தர்ஹி தத³ஸ்மாபி⁴ரபி ஸ்வீக்ரியதே ஸத்யமித்யங்கீ³கரோதி —
யதீ³தி ।
யதி³ து க்ஷுதா³தி³தோ³ஷப்ராப³ல்யாதா³த்மாநம் நிஷ்க்ரியமபி விஸ்ம்ருத்ய ப்ரார்த²நாதி³பரோ ப⁴வதி ததா³ நிவ்ருத்த்யுபதே³ஶோ(அ)பி ப⁴வத்யர்த²வாநிதி பா⁴வ: ।
ப்ராகு³க்தவாக்யவிரோதா⁴ந்நிவ்ருத்த்யுபதே³ஶோ(அ)ஶக்ய இதி சேத்தத்ரா(அ)(அ)ஹ —
யாநீதி ।
முக்²யபரிவ்ராட்³விஷயத்வே தோ³ஷம் ஸ்மாரயதி —
இதரதே²தி ।
நிவ்ருத்த்யுபதே³ஶாநுக்³ராஹகத்வேந ஸ்ம்ருதீருதா³ஹரதி —
நிராஶிஷமித்யாதி³நா ।
அமுக்²யஸம்ந்யாஸிவிஷயத்வாஸம்ப⁴வாந்முக்²யபரிவ்ராட்³விஷயம் வ்யுத்தா²நவாக்யமித்யுபஸம்ஹரதி —
தஸ்மாதி³தி ।
இதி ஶப்³தோ³ வ்யுத்தா²நவாக்யவ்யாக்²யாநஸமாப்த்யர்த²: ।