தஸ்மாதி³த்யாதி³வாக்யமவதார்ய வ்யாசஷ்டே —
யஸ்மாதி³த்யாதி³நா ।
உக்தமேவ வ்யுத்தா²நம் ஸ்பஷ்டயதி —
த்³ருஷ்டேதி ।
விவேகவைராக்³யாப்⁴யாமேஷணாப்⁴யோ வ்யுத்தா²ய ஶ்ருத்யாசார்யாப்⁴யாம் கர்தவ்யம் ஜ்ஞாநம் நி:ஶேஷம் க்ருத்வா பா³ல்யேந திஷ்டா²ஸேதி³தி வ்யவஹிதேந ஸம்ப³ந்த⁴: ।
பாண்டி³த்யம் நிர்வித்³யேத்யநேநைவ வ்யுத்தா²நம் விஹிதமித்யாஹ —
ஏஷணேதி ।
தத்³தி⁴ பாண்டி³த்யமேஷணாப்⁴யோ வ்யுத்தா²நஸ்யாவஸாநே ஸம்ப⁴வதி தத³த்ர வ்யுத்தா²நவிதி⁴ரித்யர்த²: ।
ததே³வ ஸ்பு²டயதி —
ஏஷணேத்யாதி³நா ।
தாஸாம் திரஸ்காரேண பாண்டி³த்யமுத்³ப⁴வதி தஸ்யைஷணாப்⁴யோ விருத்³த⁴த்வாத்ததா² ச பாண்டி³த்யம் நிர்வித்³யேத்யத்ர தாப்⁴யோ வ்யுத்தா²நவிதா⁴நமுசிதமித்யர்த²: ।
விநா(அ)பி வ்யுத்தா²நம் பாண்டி³த்யமுத்³ப⁴விஷ்யதீதி சேந்நேத்யாஹ —
ந ஹீதி ।
பாண்டி³த்யம் நிர்வித்³யேத்யத்ர வ்யுத்தா²நவிதி⁴முக்தமுபஸம்ஹரதி —
இத்யாத்மஜ்ஞாநேநேதி ।
தர்ஹி கிமிதி விதி³த்வா வ்யுத்தா²யேத்யத்ர வ்யுத்தா²நே விதி⁴ரப்⁴யுபக³தஸ்தத்ரா(அ)(அ)ஹ —
ஆத்மஜ்ஞாநேதி ।
தேந வ்யுத்தா²நஸ்ய ஸமாநகர்த்ருகத்வே க்த்வாப்ரத்யயஸ்யோபாதா³நமேவ லிங்க³பூ⁴தா ஶ்ருதிஸ்தயா த்³ருடீ⁴க்ருதம் நியமேந ப்ராபிதம் வ்யுத்தா²நமித்யர்த²: ।
பா³ல்யேநேத்யாதி³ வாக்யமுத்தா²ப்ய வ்யாகரோதி —
தஸ்மாதி³தி ।
விவேகாதி³வஶாதே³ஷணாப்⁴யோ வ்யுத்தா²ய பாண்டி³த்யம் ஸம்பாத்³ய தஸ்மாத்பாண்டி³த்யாஜ்ஜ்ஞாநப³லபா⁴வேந ஸ்தா²துமிச்சே²தி³தி யோஜநா ।
கேயம் ஜ்ஞாநப³லபா⁴வேந ஸ்தி²திரித்யாஶங்க்ய தாம் வ்யுத்பாத³யதி —
ஸாத⁴நேத்யாதி³நா ।
வித்³வாநிதி விவேகித்வோக்தி: ।
யதோ²க்தப³லபா⁴வாவஷ்டம்பே⁴ கரணாநாம் விஷயபாரவஶ்யநிவ்ருத்த்யா புருஷஸ்யாபி தத்பாரவஶ்யநிவ்ருத்தி: ப²லதீத்யாஹ —
ததா³ஶ்ரயணே ஹீதி ।
உக்தமேவார்த²ம் வ்யதிரேகமுகே²ந விஶத³யதி —
ஜ்ஞாநப³லேதி ।
நந்வத்³யாபி ஜ்ஞாநஸ்ய ப³லம் கீத்³ருகி³தி ந ஜ்ஞாயதே தத்ரா(அ)(அ)ஹ —
ப³லம் நாமேதி ।
பா³ல்யவாக்யார்த²முபஸம்ஹரதி —
அத இதி ।
யதா² ஜ்ஞாநப³லேந விஷயாபி⁴முகீ² தத்³வ்யாபகே த்³ருஷ்டிஸ்திரஸ்க்ரியதே ததே²தி யாவத் । ஆத்மநா தத்³விஜ்ஞாநாதிஶயேநேத்யர்த²: । வீர்யம் விஷயத்³ருஷ்டிதிரஸ்கரணஸாமர்த்²யமித்யேதத் । ப³லஹீநேந விஷயத்³ருஷ்டிதிரஸ்கரணஸாமர்த்²யரஹிதேநாயமாத்மா ந லப்⁴யோ ந ஶக்ய: ஸாக்ஷாத்கர்துமித்யர்த²: ।
பா³ல்யம் சேத்யாதி³ வாக்யமாதா³ய வ்யாசஷ்டே —
பா³ல்யம் சேதி ।
பூர்வோக்தயோருத்தரத்ர ஹேதுத்வத்³யோதநார்தோ²(அ)த²ஶப்³த³: ।
ததே³வோபபாத³யதி —
ஏதாவத்³தீ⁴தி ।
வாக்யாந்தரமுத்தா²ப்ய வ்யாகரோதி —
அமௌநம் சேத்யாதி³நா ।
மௌநாமௌநயோர்ப்³ராஹ்மண்யம் ப்ரதி ஸாமக்³ரீத்வத்³யோதகோ(அ)த²ஶப்³த³: ।
ப்³ராஹ்மண்யமுபபாத³யதி —
ப்³ரஹ்மைவேதி ।
ஆசார்யபரிசர்யாபூர்வகம் வேதா³ந்தாநாம் தாத்பர்யாவதா⁴ரணம் பாண்டி³த்யம் । யுக்திதோ(அ)நாத்மத்³ருஷ்டிதிரஸ்காரோ பா³ல்யம் । ‘அஹமாத்மா பரம் ப்³ரஹ்ம ந மத்தோ(அ)ந்யத³ஸ்தி கிஞ்சந’ இதி மநஸைவாநுஸந்தா⁴நம் மௌநம் । மஹாவாக்யார்தா²வக³திர்ப்³ராஹ்மண்யமிதி விபா⁴க³: ।
ப்ராக³பி ப்ரஸித்³த⁴ம் ப்³ராஹ்மண்யமிதி சேத்தத்ரா(அ)(அ)ஹ —
நிருபசரிதமிதி ।
ப்³ரஹ்மவித³: ஸமாசாரம் ப்ருச்ச²தி —
ஸ இதி ।
அநியதம் தஸ்ய சரணமித்யுத்தரமாஹ —
யேநேதி ।
உக்தலக்ஷணத்வம் க்ருதக்ருத்யத்வம் ।
அவ்யவஸ்தி²தம் சரணமிச்ச²தோ ப்³ரஹ்மவிதோ³ யதே²ஷ்டசேஷ்டா(அ)பீ⁴ஷ்டா ஸ்யாத்ததா² ச ‘யத்³யதா³சரதி ஶ்ரேஷ்ட²:’ (ப⁴. கீ³. 3-21) இதி ஸ்ம்ருதேரிதரேஷாமப்யாசாரே(அ)நாத³ர: ஸ்யாதி³த்யாஶங்க்யா(அ)(அ)ஹ —
யேந கேநசிதி³தி ।
விஹிதமாசரதோ நிஷித்³த⁴ம் ச த்யஜத: ஶுத்³த⁴பு³த்³தே⁴: ஶ்ருதாத்³வாக்யாத்ஸம்யக்³தீ⁴ருத்பத்³யதே தஸ்ய ச வாஸநாவஸாத்³வ்யவஸ்தி²தைவ சேஷ்டா நாவ்யவஸ்தி²தேதி ந யதே²ஷ்டாசரணப்ரயுக்தோ தோ³ஷ இத்யர்த²: ।
அதோ(அ)ந்யதி³த்யாதி³ வ்யாகரோதி —
அத இதி ।
ஸ்வப்நேத்யாதி³ ப³ஹுத்³ருஷ்டாந்தோபாதா³நம் தா³ர்ஷ்டாந்திகஸ்ய ப³ஹுரூபத்வத்³யோதநார்த²ம் ।
அதோ(அ)ந்யதி³தி குதோ விஶேஷணமித்யாஶங்க்யா(அ)(அ)ஹ —
ஆத்மைவேதி ॥1॥