பூர்வப்³ராஹ்மணயோராத்மந: ஸர்வாந்தரத்வமுக்தம் தந்நிர்ணயார்த²முத்தரம் ப்³ராஹ்மணத்ரயமிதி ஸம்க³திமாஹ —
யத்ஸாக்ஷாதி³தி ।
உக்தமேவ ஸம்ப³ந்த⁴ம் விவ்ருணோதி —
ப்ருதி²வ்யாதீ³நீதி ।
அந்தர்ப³ஹிர்பா⁴வேந ஸூக்ஷ்மஸ்தூ²லதாரதம்யக்ரமேணேத்யர்த²: । பா³ஹ்யம் பா³ஹ்யமிதி வீப்ஸோபரிஷ்டாத்தச்ச²ப்³தோ³ த்³ரஷ்டவ்யோ யத்ததோ³ர்நித்யஸம்ப³ந்தா⁴த் । நிராகுர்வந்யதா² முமுக்ஷு: ஸர்வாந்தரமாத்மாநம் ப்ரதிபத்³யதே ததா² ஸ யதோ²க்தவிஶேஷணோ த³ர்ஶயிதவ்ய இத்யுத்தரக்³ரந்தா²ரம்ப⁴ இதி யோஜநா । கஹோலப்ரஶ்நநிர்ணயாநந்தர்யமத²ஶப்³தா³ர்த²: । யத்பார்தி²வம் தா⁴துஜாதம் ததி³த³ம் ஸர்வமப்ஸ்வித்யாதி³ யோஜநீயம் ।
பதா³ர்த²முக்த்வா வாக்யார்த²மாஹ —
அத்³பி⁴ரிதி ।
பார்தி²வஸ்ய தா⁴துஜாதஸ்யாத்³பி⁴ர்வ்யாப்த்யபா⁴வே தோ³ஷமாஹ —
அந்யதே²தி ।
கிமத்ர கா³ர்க்³யா விவக்ஷிதமிதி ததா³ஹ —
இத³ம் தாவதி³தி ।
ததே³வ த³ர்ஶயிதும் வ்யாப்திமாஹ —
யத்கார்யமிதி ।
காரணேந வ்யாபகேநேதி ஶேஷ: । யத்கார்யம் தத்காரணேந வ்யாப்தம் யத்பரிச்சி²ந்நம் தத்³வ்யாபகேந வ்யாப்தம் யச்ச ஸ்த²லம் தத்ஸூக்ஷ்மேண வ்யாப்தமிதி த்ரிப்ரகாரா வ்யாப்தி: । இதி ஶப்³த³ஸ்தத்ஸமாப்த்யர்த²: ।
வ்யாப்திபூ⁴மிமாஹ —
யதே²தி ।
ஸம்ப்ரத்யநுமாநமாஹ —
ததே²தி ।
பூர்வம் பூர்வமித்யபா³தே³ர்த⁴ர்மிணோ நிர்தே³ஶ: । உத்தரேணோத்தரேண வாய்வாதி³காரணேநாபரிச்சி²ந்நேந ஸூக்ஷ்மேண வ்யாப்தமிதி ஶேஷ:। விமதம் காரணேந வ்யாபகேந ஸூக்ஷ்மேண வ்யாப்தம் கார்யத்வாத்பரிச்சி²ந்நத்வாத்ஸ்தூ²லத்வாச்ச ப்ருதி²வீவதி³த்யர்த²: ।
ஸர்வாந்தராதா³த்மநோ(அ)ர்வாகு³க்தந்யாயம் ஸர்வத்ர ஸம்சாரயதி —
இத்யேஷ இதி ।
நநு ததா²(அ)பி பூ⁴தபஞ்சகவ்யதிரிக்தாநாம் க³ந்த⁴ர்வலோகாதீ³நாமப்யாந்தரத்வேநோபதே³ஶாத்கத²ம் பூ⁴தபஞ்சகவ்யுதா³ஸேந ஸர்வாந்தரப்ரதிபத்திர்விவக்ஷிதேதி தத்ரா(அ)(அ)ஹ —
தத்ரேதி ।
உக்தநீத்யா ப்ரஶ்நார்தே² ஸ்தி²தே ஸதீதி யாவத் । பூ⁴தாத்மஸ்தி²திநிர்தா⁴ரணே வா ஸப்தமீ ।
அத² பரமாத்மாநம் பூ⁴தாநி ச ஹித்வா ப்ருத²கே³வ க³ந்த⁴ர்வலோகாதீ³நி வஸ்த்வந்தராணி ப⁴விஷ்யந்தி நேத்யாஹ —
ந சேதி ।
க³ந்த⁴ர்வலோகாதீ³ந்யபி பூ⁴தாநாமேவாவஸ்தா²விஶேஷாஸ்தத: ஸத்யம் பூ⁴தபஞ்சகம் தஸ்ய ஸத்யம் பரம் ப்³ரஹ்ம நாந்யத³ந்தராலே ப்ரதிபத்தவ்யமித்யந்யப்ரதிஷேதா⁴ர்தோ² ச ஶப்³தௌ³ ।
தாத்பர்யமுக்த்வா ப்ரஶ்நமுத்தா²ப்ய தத³க்ஷராணி வ்யாகரோதி —
கஸ்மிந்நித்யாதி³நா ।
கஸ்மிந்நு க²லு வாயுரித்யாதா³வுக்தந்யாயமதிதி³ஶதி —
ஏவமிதி ।
வாயாவித்யயுக்தா ப்ரத்யுக்திரபாமக்³நிகார்யத்வாத³க்³நாவிதி வக்தவ்யத்வாதி³தி ஶங்கதே —
நந்விதி ।
அக்³நேருத³கவ்யாபகத்வே(அ)பி காஷ்ட²வித்³யுதா³தி³பாரதந்த்ர்யாத்ஸ்வதந்த்ரேண கேநசித³பாம் வ்யாப்திர்வக்தவ்யேத்யக்³நிம் ஹித்வா தத்கரணே வாயாவித்யுக்தம் வாயோஶ்ச ஸ்வகாரணதந்த்ரத்வே(அ)பி நோத³கதந்த்ரதேதி தத்³வ்யாபகத்வஸித்³தி⁴ரித்யுத்தரமாஹ —
நைஷ தோ³ஷ இத்யாதி³நா ।
அந்தரிக்ஷலோகஶப்³தா³ர்த²மாஹ —
தாந்யேவேதி ।
ப்ரஜாபதிலோகஶப்³தா³ர்த²ம் கத²யதி —
விராடி³தி ।
அந்தரிக்ஷலோகாதீ³நாம் ப்ரத்யேகமேகத்வாத்குதோ ப³ஹுவசநமித்யாஶங்க்யா(அ)(அ)ஹ —
ஸர்வத்ர ஹீதி ।
பூர்வவத³நுமாநேந ஸூத்ரம் ப்ருச்ச²ந்தீம் கா³ர்கீ³ம் ப்ரதிஷேத⁴தி —
ஸ ஹோவாசேத்யாதி³நா ।
உக்தமேவ ஸ்பஷ்டயந்வாக்யார்த²மாஹ —
ஆக³மேநேதி ।
ப்ரதிஷேதா⁴திக்ரமே தோ³ஷமாஹ —
ப்ருச்ச²ந்த்யாஶ்சேதி ।
மூர்த⁴பாதப்ரஸம்க³ம் ப்ரகடயந்ப்ரதிஷேத⁴முபஸம்ஹரதி —
தே³வதாயா இத்யாதி³நா ॥1॥