நேயமந்த⁴பரம்பரேதி பரிஹரதி —
நேத்யாதி³நா ।
ப்³ரஹ்மசர்யாதே³வ ப்ரவ்ரஜேதி³த்யாதி³வித்⁴யுபலம்பே⁴(அ)தி ப்ரௌட⁴வாதே³நா(அ)(அ)த்மஜ்ஞாநவிதி⁴ப³லாதே³வ ஸம்ந்யாஸம் ஸாத⁴யிதுமாத்மஜ்ஞாநபரத்வம் தாவது³பநிஷதா³முபந்யஸ்யதி —
அபி சேதி ।
இதஶ்சாஸ்தி ஸம்ந்யாஸே விதி⁴ரிதி யாவத் । தத்³த்³விதி⁴ப³லாதே³வ ஸம்ந்யாஸஸித்³தி⁴ரிதி ஶேஷ: ।
கத²ம் ஸர்வோபநிஷதா³த்மஜ்ஞாநபரேஷ்யதே கர்த்ருஸ்துதித்³வாரா கர்மவிதி⁴ஶேஷத்வேநார்த²வாத³த்வாதி³த்யாஶங்க்யா(அ)(அ)ஹ —
ஆத்மேத்யாதி³நா ।
அஸ்து யதோ²க்தம் வஸ்து விஜ்ஞேயம் ததா²(அ)பி ப்ரஸ்துதே கிம் ஜாதம் ததா³ஹ —
ஸர்வா ஹீதி ।
நநு தஸ்ய கர்தவ்யத்வே(அ)பி கத²ம் கர்மதத்ஸாத⁴நத்யாக³ஸித்³தி⁴ரத ஆஹ —
ஆத்மா சேதி ।
விபக்ஷே தோ³ஷமாஹ —
அத இதி ।
ஸாத⁴நப²லாந்தர்பூ⁴தத்வேநா(அ)(அ)த்மநோ ஜ்ஞாநமவித்³யேத்யத்ர ப்ரமாணமாஹ —
அந்யோ(அ)ஸாவித்யாதி³நா ।
க்ரியாகாரகப²லவிலக்ஷணஸ்யா(அ)(அ)த்மநோ ஜ்ஞாநம் கர்தவ்யம் தத்ஸாமர்த்²யாத்ஸாத்⁴யஸாத⁴நத்யாக³: ஸித்⁴யதீத்யுக்தம் ஸம்ப்ரத்யவித்³யாவிஷயத்வாச்ச ஸாத்⁴யஸாத⁴நயோர்வித்³யாவதாம் த்யாஜ்யதேத்யாஹ —
க்ரியேதி ।
தஸ்யாவித்³யாவிஷயத்வே ஶ்ருதீருதா³ஹரதி —
யத்ரேதி ।
அவித்³யாவிஷயத்வே(அ)பி ஸாத⁴நாதி³ வித்³யாவத ஏவ ப⁴விஷ்யதி வித்³யாவித்³யயோரஸ்மதா³தி³ஷு ஸாஹித்யோபலம்பா⁴தி³த்யாஶங்க்யா(அ)(அ)ஹ —
ந சேதி ।
வித்³யாவித்³யயோ: ஸாஹித்யாஸம்ப⁴வே ப²லிதமாஹ —
தஸ்மாதி³தி ।
இதஶ்ச ப்ரயோஜகஜ்ஞாநவதா ஸாத்⁴யஸாத⁴நபே⁴தோ³ ந த்³ரஷ்டவ்யோ விவக்ஷிததத்த்வஸாக்ஷாத்காரவிரோதி⁴த்வாதி³த்யாஹ —
ஸர்வேதி ।
ப⁴வத்வவித்³யாவிஷயாணாம் வித்³யாவதஸ்த்யாக³ஸ்ததா²(அ)பி குதோ யஜ்ஞோபவீதாதீ³நாம் த்யாக³ஸ்தத்ரா(அ)(அ)ஹ —
யஜ்ஞோபவீதாதீ³தி ।
தத்³விஷயத்வாதி³த்யத்ர தச்ச²ப்³தோ³(அ)வித்³யாவிஷய: ।
ஏஷணாத்வாச்ச யஜ்ஞோபவீதாதீ³நாம் த்யாஜ்யதேத்யாஹ —
தஸ்மாதி³தி ।
ஜ்ஞேயத்வேந ப்ரஸ்துதாதி³தி யாவத் ।
ஸாத்⁴யஸாத⁴நவிஷயா ததா³த்மிகைஷணா த்யாஜ்யேத்யத்ர ஹேதுமாஹ —
விலக்ஷணேதி ।
புருஷார்த²ரூபாத்³விபரீதா ஸா ஹேயேத்யர்த²: ।
ஸாத்⁴யஸாத⁴நயோரேஷணாத்வம் ஸாத⁴யதி ।
உபே⁴ ஹீதி ।
ததா²(அ)பி யஜ்ஞோபவீதாதீ³நாம் கர்மாணாம் ச கத²மேஷணாத்வமித்யாஶங்க்ய ஸாத⁴நாந்தர்பா⁴வாதி³த்யாஹ —
யஜ்ஞோபவீதாதே³ரிதி ।
தயோரேஷணாத்வம் கத²ம் ப்ரதிஜ்ஞாமாத்ரேண ஸேத்ஸ்யதீத்யாஶங்க்யா(அ)(அ)ஹ —
உபே⁴ ஹீதி ।
தயோரேஷணாத்வே ஸித்³தே⁴ ப²லிதமாஹ —
யஜ்ஞோபவீதாதீ³தி ।
ஆத்மஜ்ஞாநவிதி⁴ரேவ ஸம்ந்யாஸவிதி⁴ரித்யுக்தத்வாத்³வ்யுத்தா²யேத்யஸ்ய நாஸ்தி விதி⁴த்வமிதி ஶங்கதே —
நந்விதி ।
வ்யுத்தா²ய விதி³த்வேதி பாட²க்ரமமதிக்ரம்ய வ்யாக்²யாநே ப⁴வத்யேவாயம் விவிதி³ஷோர்விதி⁴ரிதி பரிஹரதி —
ந விதி⁴த்ஸிதேதி ।
பாட²க்ரமே(அ)பி ப்ரயோஜகஜ்ஞாநவதோ விரக்தஸ்ய ப⁴வத்யேவாயம் விதி⁴ரித்யபி⁴ப்ரேத்யா(அ)(அ)ஹ —
ந ஹீதி ।
உக்தமேவாந்வயமுகே²நோதா³ஹரணத்³வாரா விவ்ருணோதி —
கர்தவ்யாநாமிதி ।
அபி⁴ஷுத்ய ஸோமஸ்ய கண்ட³நம் க்ருத்வா ரஸமாதா³யேத்யர்த²: ।
பாட²க்ரமமேவா(அ)(அ)ஶ்ரித்ய ஶங்கதே —
அவித்³யேதி ।
ப்ரயோஜகஜ்ஞாநவதோ விரக்தஸ்யா(அ)(அ)த்மஜ்ஞாநவிதி⁴ஸாமர்த்²யலப்³த⁴ஸ்ய யஜ்ஞோபவீதாதி³த்யாக³ஸ்ய கர்தவ்யாத்மஜ்ஞாநேந ஸமாநகர்த்ருகத்வஶ்ரவணாத³திஶயேநா(அ)(அ)வஶ்யகத்வஸித்³தி⁴ரித்யுத்தரமாஹ —
ந ஸுதராமிதி ।
வ்யுத்தா²நே த³ர்ஶிதம் ந்யாயம் பி⁴க்ஷாசர்யே(அ)ப்யதிதி³ஶதி —
ததே²தி ।
பி⁴க்ஷாசர்யஸ்ய சா(அ)(அ)த்மஜ்ஞாநவிதி⁴நைகவாக்யஸ்ய ததை²வ தா³ர்ட்⁴யோபபத்திரிதி ஸம்ப³ந்த⁴: ।
வ்யுத்தா²நாதி³வாக்யஸ்யார்த²வாத³த்வமுக்தமநூத்³ய தூ³ஷயதி —
யத்புநரித்யாதி³நா ।
ஔது³ம்ப³ரோ யூபோ ப⁴வதீத்யாதௌ³ லேட்பரிக்³ரஹேண விதி⁴ஸ்வீகாரவத³த்ராபி பஞ்சமலகாரேண விதி⁴ஸித்³தே⁴ர்நார்த²வாத³த்வஶங்கேத்யர்த²: ।