अद्वैतशारदा | दक्षिणाम्नाय श्रीशारदापीठम्, शृङ्गेरी

ಸ ಹೋವಾಚ ಯದೂರ್ಧ್ವಂ ಗಾರ್ಗಿ ದಿವೋ ಯದವಾಕ್ಪೃಥಿವ್ಯಾ ಯದಂತರಾ ದ್ಯಾವಾಪೃಥಿವೀ ಇಮೇ ಯದ್ಭೂತಂ ಚ ಭವಚ್ಚ ಭವಿಷ್ಯಚ್ಚೇತ್ಯಾಚಕ್ಷತ ಆಕಾಶೇ ತದೋತಂ ಚ ಪ್ರೋತಂ ಚೇತಿ ॥ ೪ ॥

ಸ ಹೋವಾಚ ಇತರಃ — ಹೇ ಗಾರ್ಗಿ, ಯತ್ ತ್ವಯೋಕ್ತಮ್ ‘ಊರ್ಧ್ವಂ ದಿವಃ’ ಇತ್ಯಾದಿ, ತತ್ಸರ್ವಮ್ — ಯತ್ಸೂತ್ರಮಾಚಕ್ಷತೇ — ತತ್ ಸೂತ್ರಮ್ , ಆಕಾಶೇ ತತ್ ಓತಂ ಚ ಪ್ರೋತಂ ಚ — ಯದೇತತ್ ವ್ಯಾಕೃತಂ ಸೂತ್ರಾತ್ಮಕಂ ಜಗತ್ ಅವ್ಯಾಕೃತಾಕಾಶೇ, ಅಪ್ಸ್ವಿವ ಪೃಥಿವೀಧಾತುಃ, ತ್ರಿಷ್ವಪಿ ಕಾಲೇಷು ವರ್ತತೇ ಉತ್ಪತ್ತೌ ಸ್ಥಿತೌ ಲಯೇ ಚ ॥

ಸ ಹೋವಾಚೇತಿ ; ಯದೇತದಿತಿ ; ಉತ್ಪತ್ತಾವಿತಿ ॥೪॥೫॥ ;

ಯಥಾಪ್ರಶ್ನಮನೂದ್ಯ ಪ್ರತ್ಯುಕ್ತಿಮಾದತ್ತೇ —

ಸ ಹೋವಾಚೇತಿ ।

ತಾಂ ವ್ಯಾಚಷ್ಟೇ —

ಯದೇತದಿತಿ ।

ಯಜ್ಜಗದ್ವ್ಯಾಕೃತಂ ಸೂತ್ರಾತ್ಮಕಮೇತದವ್ಯಾಕೃತಾಕಾಶೇ ವರ್ತತ , ಇತಿ ಸಂಬಂಧಃ ।

ತ್ರಿಷ್ವಪಿ ಕಾಲೇಷ್ವಿತಿ ಯದುಕ್ತಂ ತದ್ವ್ಯನಕ್ತಿ —

ಉತ್ಪತ್ತಾವಿತಿ ॥೪॥೫॥