अद्वैतशारदा | दक्षिणाम्नाय श्रीशारदापीठम्, शृङ्गेरी

ಸ ಹೋವಾಚ ಯದೂರ್ಧ್ವಂ ಗಾರ್ಗಿ ದಿವೋ ಯದವಾಕ್ಪೃಥಿವ್ಯಾ ಯದಂತರಾ ದ್ಯಾವಾಪೃಥಿವೀ ಇಮೇ ಯದ್ಭೂತಂ ಚ ಭವಚ್ಚ ಭವಿಷ್ಯಚ್ಚೇತ್ಯಾಚಕ್ಷತ ಆಕಾಶ ಏವ ತದೋತಂ ಚ ಪ್ರೋತಂ ಚೇತಿ ಕಸ್ಮಿನ್ನು ಖಲ್ವಾಕಾಶ ಓತಶ್ಚ ಪ್ರೋತಶ್ಚೇತಿ ॥ ೭ ॥

ಸರ್ವಂ ಯಥೋಕ್ತಂ ಗಾರ್ಗ್ಯಾ ಪ್ರತ್ಯುಚ್ಚಾರ್ಯ ತಮೇವ ಪೂರ್ವೋಕ್ತಮರ್ಥಮವಧಾರಿತವಾನ್ ಆಕಾಶ ಏವೇತಿ ಯಾಜ್ಞವಲ್ಕ್ಯಃ । ಗಾರ್ಗ್ಯಾಹ — ಕಸ್ಮಿನ್ನು ಖಲ್ವಾಕಾಶ ಓತಶ್ಚ ಪ್ರೋತಶ್ಚೇತಿ । ಆಕಾಶಮೇವ ತಾವತ್ಕಾಲತ್ರಯಾತೀತತ್ವಾತ್ ದುರ್ವಾಚ್ಯಮ್ , ತತೋಽಪಿ ಕಷ್ಟತರಮ್ ಅಕ್ಷರಮ್ , ಯಸ್ಮಿನ್ನಾಕಾಶಮೋತಂ ಚ ಪ್ರೋತಂ ಚ, ಅತಃ ಅವಾಚ್ಯಮ್ — ಇತಿ ಕೃತ್ವಾ, ನ ಪ್ರತಿಪದ್ಯತೇ ಸಾ ಅಪ್ರತಿಪತ್ತಿರ್ನಾಮ ನಿಗ್ರಹಸ್ಥಾನಂ ತಾರ್ಕಿಕಸಮಯೇ ; ಅಥ ಅವಾಚ್ಯಮಪಿ ವಕ್ಷ್ಯತಿ, ತಥಾಪಿ ವಿಪ್ರತಿಪತ್ತಿರ್ನಾಮ ನಿಗ್ರಹಸ್ಥಾನಮ್ ; ವಿರುದ್ಧಾ ಪ್ರತಿಪತ್ತಿರ್ಹಿ ಸಾ, ಯದವಾಚ್ಯಸ್ಯ ವದನಮ್ ; ಅತೋ ದುರ್ವಚನಮ್ ಪ್ರಶ್ನಂ ಮನ್ಯತೇ ಗಾರ್ಗೀ ॥

ಗಾರ್ಗ್ಯೇತಿ ; ಆಕಾಶಮೇವೇತಿ ॥೭॥ ;

ಪ್ರತಿವಚನಾನುವಾದತಾತ್ಪರ್ಯಮಾಹ —

ಗಾರ್ಗ್ಯೇತಿ ।

ಪ್ರಶ್ನಾಭಿಪ್ರಾಯಂ ಪ್ರಕಟಯತಿ —

ಆಕಾಶಮೇವೇತಿ ॥೭॥