ಕಿಂ ತದ್ವಚನಂ ತದಾಹ —

ತದೇವೇತಿ ।

ಬಹುಮಾನವಿಷಯಭೂತಂ ವಸ್ತು ಪೃಚ್ಛತಿ —

ಕಿಂ ತದಿತಿ ।

ಯದಾದೌ ಮದೀಯಂ ವಚನಂ ತದೇವ ಬಹುಮಾನಯೋಗ್ಯಮಿತ್ಯಾಹ —

ಯದಿತಿ ।

ತದ್ವ್ಯಾಕರೋತಿ —

ಅಸ್ಮಾ ಇತಿ ।

ನಮಸ್ಕಾರಂ ಕೃತ್ವಾಽಸ್ಮಾದನುಜ್ಞಾಂ ಪ್ರಾಪ್ಯೇತಿ ಶೇಷಃ । ತದೇವೇತಿ ಪ್ರಾಥಮಿಕವಚನೋಕ್ತಿಃ ।

ಕಿಮಿತಿ ತ್ವದೀಯಂ ಪೂರ್ವಂ ವಚೋ ಬಹು ಮನ್ಯಾಮಹೇ ಜೇತುಂ ಪುನರಿಮಮಾಶಾಸ್ಮಹೇ ನೇತ್ಯಾಹ —

ಜಯಸ್ತ್ವಿತಿ ।

ತತ್ರ ಪ್ರಶ್ನಪೂರ್ವಕಂ ಪೂರ್ವೋಕ್ತಮೇವ ಬಹುಮಾನವಿಷಯಭೂತಂ ವಾಕ್ಯಮವತಾರ್ಯ ವ್ಯಾಚಷ್ಟೇ —

ಕಸ್ಮಾದಿತ್ಯಾದಿನಾ ।

ಪರಾಜಿತಾಯಾ ಗಾರ್ಗ್ಯಾ ವಚೋ ನೋಪಾದೇಯಮಿತ್ಯಾಶಂಕ್ಯಾಽಽಹ —

ಪ್ರಶ್ನೌ ಚೇದಿತಿ ।

ತತಶ್ಚ ಪ್ರಶ್ನನಿರ್ಣಯಾದ್ಯಾಜ್ಞವಲ್ಕ್ಯಸ್ಯಾಪ್ರಕಂಪ್ಯತ್ವಂ ಪ್ರತಿಪಾದ್ಯ ಬ್ರಾಹ್ಮಣಾನ್ಪ್ರತಿ ಹಿತಂ ಚೋಕ್ತ್ವೇತ್ಯರ್ಥಃ ।