ப்³ருஹதா³ரண்யகோபநிஷத்³பா⁴ஷ்யம்
த்ருதீயோ(அ)த்⁴யாய:அஷ்டமம் ப்³ராஹ்மணம்
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (ப்³ருஹதா³ரண்யக)
 
ஸா ஹோவாச ப்³ராஹ்மணா ப⁴க³வந்தஸ்ததே³வ ப³ஹுமந்யேத்⁴வம் யத³ஸ்மாந்நமஸ்காரேண முச்யேத்⁴வம் ந வை ஜாது யுஷ்மாகமிமம் கஶ்சித்³ப்³ரஹ்மோத்³யம் ஜேதேதி ததோ ஹ வாசக்நவ்யுபரராம ॥ 12 ॥
ஸா ஹோவாச — ஹே ப்³ராஹ்மணா ப⁴க³வந்த: ஶ்ருணுத மதீ³யம் வச: ; ததே³வ ப³ஹுமந்யேத்⁴வம் ; கிம் தத் ? யத³ஸ்மாத் யாஜ்ஞவல்க்யாத் நமஸ்காரேண முச்யேத்⁴வம் — அஸ்மை நமஸ்காரம் க்ருத்வா, ததே³வ ப³ஹுமந்யத்⁴வமித்யர்த²: ; ஜயஸ்த்வஸ்ய மநஸாபி நாஶம்ஸநீய:, கிமுத கார்யத: ; கஸ்மாத் ? ந வை யுஷ்மாகம் மத்⁴யே ஜாது கதா³சித³பி இமம் யாஜ்ஞவல்க்யம் ப்³ரஹ்மோத்³யம் ப்ரதி ஜேதா । ப்ரஶ்நௌ சேந்மஹ்யம் வக்ஷ்யதி, ந வை ஜேதா ப⁴விதா — இதி பூர்வமேவ மயா ப்ரதிஜ்ஞாதம் ; அத்³யாபி மமாயமேவ நிஶ்சய: — ப்³ரஹ்மோத்³யம் ப்ரதி ஏதத்துல்யோ ந கஶ்சித்³வித்³யத இதி । ததோ ஹ வாசக்நவ்யுபரராம ॥

கிம் தத்³வசநம் ததா³ஹ —

ததே³வேதி ।

ப³ஹுமாநவிஷயபூ⁴தம் வஸ்து ப்ருச்ச²தி —

கிம் ததி³தி ।

யதா³தௌ³ மதீ³யம் வசநம் ததே³வ ப³ஹுமாநயோக்³யமித்யாஹ —

யதி³தி ।

தத்³வ்யாகரோதி —

அஸ்மா இதி ।

நமஸ்காரம் க்ருத்வா(அ)ஸ்மாத³நுஜ்ஞாம் ப்ராப்யேதி ஶேஷ: । ததே³வேதி ப்ராத²மிகவசநோக்தி: ।

கிமிதி த்வதீ³யம் பூர்வம் வசோ ப³ஹு மந்யாமஹே ஜேதும் புநரிமமாஶாஸ்மஹே நேத்யாஹ —

ஜயஸ்த்விதி ।

தத்ர ப்ரஶ்நபூர்வகம் பூர்வோக்தமேவ ப³ஹுமாநவிஷயபூ⁴தம் வாக்யமவதார்ய வ்யாசஷ்டே —

கஸ்மாதி³த்யாதி³நா ।

பராஜிதாயா கா³ர்க்³யா வசோ நோபாதே³யமித்யாஶங்க்யா(அ)(அ)ஹ —

ப்ரஶ்நௌ சேதி³தி ।

ததஶ்ச ப்ரஶ்நநிர்ணயாத்³யாஜ்ஞவல்க்யஸ்யாப்ரகம்ப்யத்வம் ப்ரதிபாத்³ய ப்³ராஹ்மணாந்ப்ரதி ஹிதம் சோக்த்வேத்யர்த²: ।