కిం తద్వచనం తదాహ —

తదేవేతి ।

బహుమానవిషయభూతం వస్తు పృచ్ఛతి —

కిం తదితి ।

యదాదౌ మదీయం వచనం తదేవ బహుమానయోగ్యమిత్యాహ —

యదితి ।

తద్వ్యాకరోతి —

అస్మా ఇతి ।

నమస్కారం కృత్వాఽస్మాదనుజ్ఞాం ప్రాప్యేతి శేషః । తదేవేతి ప్రాథమికవచనోక్తిః ।

కిమితి త్వదీయం పూర్వం వచో బహు మన్యామహే జేతుం పునరిమమాశాస్మహే నేత్యాహ —

జయస్త్వితి ।

తత్ర ప్రశ్నపూర్వకం పూర్వోక్తమేవ బహుమానవిషయభూతం వాక్యమవతార్య వ్యాచష్టే —

కస్మాదిత్యాదినా ।

పరాజితాయా గార్గ్యా వచో నోపాదేయమిత్యాశఙ్క్యాఽఽహ —

ప్రశ్నౌ చేదితి ।

తతశ్చ ప్రశ్ననిర్ణయాద్యాజ్ఞవల్క్యస్యాప్రకమ్ప్యత్వం ప్రతిపాద్య బ్రాహ్మణాన్ప్రతి హితం చోక్త్వేత్యర్థః ।