हृदयपदेन नामाद्याधारवदहल्लिकशब्देनापि हृदयाधिकरणं विवक्ष्यते वाक्यच्छायासाम्यादित्याशङ्क्याह —

नामान्तरेणेति ।

अहनि लीयत इति विगृह्य प्रेतवाचिनेति शेषः ।

देहे हृदयं प्रतिष्ठितमिति व्युत्पादयति —

यत्रेत्यादिना ।

तस्मिन् काले शरीरं मृतं स्यादिति शेषः ।

शरीरस्य हृदयाश्रयत्वं विशदयति —

यद्धीत्यादिना ।

देहादन्यत्र हृदयस्यावस्थाने यथोक्तं दोषमितिशब्देन परामृश्य फलितमाह —

इतीत्यादिना ।

देहस्तर्हि कुत्र प्रतिष्ठित इत्यत्र आह —

शरीरस्येति ॥२५॥