హృదయపదేన నామాద్యాధారవదహల్లికశబ్దేనాపి హృదయాధికరణం వివక్ష్యతే వాక్యచ్ఛాయాసామ్యాదిత్యాశఙ్క్యాహ —
నామాన్తరేణేతి ।
అహని లీయత ఇతి విగృహ్య ప్రేతవాచినేతి శేషః ।
దేహే హృదయం ప్రతిష్ఠితమితి వ్యుత్పాదయతి —
యత్రేత్యాదినా ।
తస్మిన్ కాలే శరీరం మృతం స్యాదితి శేషః ।
శరీరస్య హృదయాశ్రయత్వం విశదయతి —
యద్ధీత్యాదినా ।
దేహాదన్యత్ర హృదయస్యావస్థానే యథోక్తం దోషమితిశబ్దేన పరామృశ్య ఫలితమాహ —
ఇతీత్యాదినా ।
దేహస్తర్హి కుత్ర ప్రతిష్ఠిత ఇత్యత్ర ఆహ —
శరీరస్యేతి ॥౨౫॥