अथ हेत्याद्युत्तरग्रन्थमवतारयति —

यस्येत्यादिना ।

जगतो मूलं च वक्तव्यमित्याख्यायिकामेवाऽऽश्रित्याऽऽहेति संबन्धः ।

आख्यायिका किमर्थेत्यत आह —

आख्यायिकेति ।

इतिशब्दः संबन्धसमाप्त्यर्थः ।

ननु ब्राह्मणेषु तूष्णीम्भूतेषु प्रतिषेद्धुरभावाद्गोधनं हर्तव्यं किमिति तान्प्रति याज्ञवल्क्यो वदतीत्यत आह —

न्यायं मत्त्वेति ।

ब्रह्मस्वं हि ब्राह्मणानुमतिमनापाद्य नीयमानमनर्थाय स्यादिति न्यायः । संबोध्योवाचेति संबन्धः ।