అథ హేత్యాద్యుత్తరగ్రన్థమవతారయతి —
యస్యేత్యాదినా ।
జగతో మూలం చ వక్తవ్యమిత్యాఖ్యాయికామేవాఽఽశ్రిత్యాఽఽహేతి సంబన్ధః ।
ఆఖ్యాయికా కిమర్థేత్యత ఆహ —
ఆఖ్యాయికేతి ।
ఇతిశబ్దః సంబన్ధసమాప్త్యర్థః ।
నను బ్రాహ్మణేషు తూష్ణీమ్భూతేషు ప్రతిషేద్ధురభావాద్గోధనం హర్తవ్యం కిమితి తాన్ప్రతి యాజ్ఞవల్క్యో వదతీత్యత ఆహ —
న్యాయం మత్త్వేతి ।
బ్రహ్మస్వం హి బ్రాహ్మణానుమతిమనాపాద్య నీయమానమనర్థాయ స్యాదితి న్యాయః । సంబోధ్యోవాచేతి సంబన్ధః ।