अद्वैतशारदा | दक्षिणाम्नाय श्रीशारदापीठम्, शृङ्गेरी

ತಾನ್ಹೈತೈಃ ಶ್ಲೋಕೈಃ ಪಪ್ರಚ್ಛ —
ಯಥಾ ವೃಕ್ಷೋ ವನಸ್ಪತಿಸ್ತಥೈವ ಪುರುಷೋಽಮೃಷಾ । ತಸ್ಯ ಲೋಮಾನಿ ಪರ್ಣಾನಿ ತ್ವಗಸ್ಯೋತ್ಪಾಟಿಕಾ ಬಹಿಃ ॥ ೧ ॥

ತೇಷ್ವಪ್ರಗಲ್ಭಭೂತೇಷು ಬ್ರಾಹ್ಮಣೇಷು ತಾನ್ ಹ ಏತೈಃ ವಕ್ಷ್ಯಮಾಣೈಃ ಶ್ಲೋಕೈಃ ಪಪ್ರಚ್ಛ ಪೃಷ್ಟವಾನ್ । ಯಥಾ ಲೋಕೇ ವೃಕ್ಷೋ ವನಸ್ಪತಿಃ, ವೃಕ್ಷಸ್ಯ ವಿಶೇಷಣಂ ವನಸ್ಪತಿರಿತಿ, ತಥೈವ ಪುರುಷೋಽಮೃಷಾ — ಅಮೃಷಾ ಸತ್ಯಮೇತತ್ ; ತಸ್ಯ ಲೋಮಾನಿ — ತಸ್ಯ ಪುರುಷಸ್ಯ ಲೋಮಾನಿ ಇತರಸ್ಯ ವನಸ್ಪತೇಃ ಪರ್ಣಾನಿ ; ತ್ವಗಸ್ಯೋತ್ಪಾಟಿಕಾ ಬಹಿಃ — ತ್ವಕ್ ಅಸ್ಯ ಪುರುಷಸ್ಯ ಇತರಸ್ಯೋತ್ಪಾಟಿಕಾ ವನಸ್ಪತೇಃ ॥

ತೇಷ್ವಿತಿ ; ವೃಕ್ಷಸ್ಯೇತಿ ; ತಸ್ಯೇತ್ಯಾದಿನಾ ;

ಸ್ವಕೀಯಜ್ಞಾನಪ್ರಕರ್ಷಪ್ರಕಟನಾರ್ಥಮೇವ ಪ್ರಶ್ನಾಂತರಮವತಾರಯತಿ —

ತೇಷ್ವಿತಿ ।

ವೃಕ್ಷೋ ವನಸ್ಪತಿರಿತಿ ಪರ್ಯಾಯತ್ವಾತ್ಪುನರುಕ್ತಿರಿತ್ಯಾಶಂಕ್ಯಾಽಽಹ —

ವೃಕ್ಷಸ್ಯೇತಿ ।

ತಚ್ಚ ತಸ್ಯ ಮಹತ್ತ್ವಮಾಹೇತ್ಯಪುನರುಕ್ತಿಃ । ಪುರುಷಸ್ಯ ವೃಕ್ಷಸಾಧರ್ಮ್ಯಮೇತದಿತ್ಯುಚ್ಯತೇ ।

ಸಾಧರ್ಮ್ಯಮೇವ ಸ್ಪಷ್ಟಯತಿ —

ತಸ್ಯೇತ್ಯಾದಿನಾ ।

ನೀರಸಾ ತ್ವಗುತ್ಪಾಟಿಕೇತ್ಯುಚ್ಯತೇ ॥೧॥ ಉತ್ಪಟೋ ವೃಕ್ಷನಿರ್ಯಾಸಃ ॥೨॥