ஸம்ப்ரதி லோகாயதஶ்சோத³யதி —
நேத்யாதி³நா ।
தத்ர நஞர்த²ம் வ்யாசஷ்டே —
யதி³தி ।
உக்தம் ஹேதும் ப்ரஶ்நபூர்வகம் விப⁴ஜதே —
கஸ்மாதி³த்யாதி³நா।
யத்³யபி தே³ஹாதே³ருபகார்யாது³பகாரகமாதி³த்யாதி³ஸஜாதீயம் த்³ருஷ்டம் ததா²(அ)பி நா(அ)(அ)த்மஜ்யோதிருபகார்யஸஜாதீயமநுமேயமித்யாஶங்க்யா(அ)(அ)ஹ —
யதா²த்³ருஷ்டம் சேதி ।
ததே³வ ஸ்பஷ்டயதி —
யதி³ நாமேதி ।
விமதமந்த:ஸ்த²மதிரிக்தம் சாதீந்த்³ரியத்வாதா³தி³த்யவதி³தி பரோக்தம் வ்யதிரேக்யநுமாநமநூத்³ய தூ³ஷயதி —
யத்புநரித்யாதி³நா।
அநைகாந்திகத்வம் வ்யநக்தி —
யத இதி ।
அந்த:ஸ்தா²ந்யவ்யதிரிக்தாநி ச ஸம்கா⁴தாதி³தி த்³ரஷ்டவ்யம் ।
வ்யபி⁴சாரப²லமாஹ —
தஸ்மாதி³தி ।
விலக்ஷணமந்த:ஸ்த²ம் சேதி மந்தவ்யம் ।
கிஞ்ச சைதந்யம் ஶரீரத⁴ர்மஸ்தத்³பா⁴வபா⁴வித்வாத்³ரூபாதி³வதி³த்யாஹ —
கார்யகரணேதி ।
விமதம் ஸம்கா⁴தாத்³பி⁴ந்நம் தத்³பா⁴ஸகத்வாதா³தி³த்யவதி³த்யவதி³த்யநுமாநாந்ந ஸம்கா⁴தத⁴ர்மத்வம் சைதந்யஸ்யேத்யாஶங்க்யா(அ)(அ)ஹ —
ஸாமாந்யதோ த்³ருஷ்டஸ்யேதி।
லோகாயதஸ்த²ம் ஹி தே³ஹாவபா⁴ஸகமபி சக்ஷுஸ்ததோ ந பி⁴த்³யதே ததா² ச வ்யபி⁴சாராந்ந த்வத³நுமாநப்ராமாண்யமித்யர்த²: ।
மநுஷ்யோ(அ)ஹம் ஜாநாமீதி ப்ரத்யக்ஷவிரோதா⁴ச்ச த்வத³நுமாநமமாநமித்யாஹ —
ஸாமாந்யதோ த்³ருஷ்டேதி ।
நநு தேந ப்ரத்யக்ஷமுத்ஸார்யதாமிதி சேந்நேத்யாஹ —
ந சேதி ।
இதஶ்ச தே³ஹஸ்யைவ சைதந்யமித்யாஹ —
அயமேவேதி ।
ஜ்யோதிஷோ தே³ஹவ்யதிரேகமங்கீ³க்ருத்யாபி தூ³ஷயதி —
யதி³ நாமேதி ।
விமதம் ஜ்யோதிரநாத்மா தே³ஹோபகாரகத்வாதா³தி³த்யவதி³த்யர்த²: ।
ஆத்மத்வம் தர்ஹி கஸ்யேத்யாஶங்க்யா(அ)(அ)ஹ —
ய ஏவ த்விதி ।
அநுமாநாதா³த்மநோ தே³ஹவ்யதிரிக்தத்வமுக்தமித்யாஶங்க்யா(அ)(அ)ஹ —
ப்ரத்யக்ஷேதி ।
நாந்ய ஆத்மேதி பூர்வேண ஸம்ப³ந்த⁴: ।
தே³ஹஸ்யா(அ)(அ)த்மத்வே காதா³சித்கம் த்³ரஷ்ட்ருத்வஶ்ரோத்ருத்வாத்³யயுக்தமிதி ஶங்கதே —
நந்விதி ।
ஸ்வபா⁴வவாதீ³ பரிஹரதி —
நைஷ தோ³ஷ இதி।
காதா³சித்கே த³ர்ஶநாத³ர்ஶநே ஸம்ப⁴வதோ தே³ஹஸ்வாபா⁴வ்யாதி³த்யத்ர த்³ருஷ்டாந்தமாஹ —
ந ஹீதி ।
விமதம் காரணாந்தரபூர்வகம் காதா³சித்கத்வாத்³க⁴டவதி³த்யநுமாநம் த்³ருஷ்டாந்தே ப⁴விஷ்யதீத்யாஶங்க்யாக்³நிருஷ்ண இதிவது³ஷ்ணமுத³கமித்யபி த்³ரவ்யத்வாதி³நா(அ)நுமீயேதேத்யதிப்ரஸம்க³மாஹ —
அநுமேயத்வே சேதி ।
நநு யத்³ப⁴வதி தத்ஸநிமித்தமேவ ந ஸ்வபா⁴வாத்³ப⁴வேத்கிஞ்சித³ஸ்மாகம் ப்ரஸித்³த⁴ம் தத்ரா(அ)(அ)ஹ —
ந சேதி ।
அக்³நேரௌஷ்ண்யமுத³கஸ்ய ஶைத்யமித்யாத்³யபி ந நிர்நிமித்தம் கிந்து ப்ராண்யத்³ருஷ்டாபேக்ஷமிதி ஶங்கதே —
ப்ராணீதி ।
ஆதி³ஶப்³தே³நேஶ்வராதி³ க்³ருஹ்யதே ।
கூ³டா⁴பி⁴ஸந்தி⁴: ஸ்வபா⁴வவாத்³யாஹ —
த⁴ர்மேதி ।
ப்ரஸம்க³ஸ்யேஷ்டத்வம் ஶங்கித்வா ஸ்வாபி⁴ப்ராயமாஹ —
அஸ்த்வித்யாதி³நா ।