ஸித்³தா⁴ந்தீ ஸ்வப்நாதி³ஸித்³த்⁴யநுபபத்த்யா தே³ஹாதிரிக்தமாத்மாநமப்⁴யுபக³மயந்நுத்தரமாஹ —
நேத்யாதி³நா ।
தத்ர நஞர்த²ம் விப⁴ஜதே —
யது³க்தமிதி ।
ஸ்வப்நே த்³ருஷ்டஸ்யைவ த³ர்ஶநாதி³தி ஹேதுபா⁴க³ம் வ்யதிரேகத்³வாரா விவ்ருணோதி —
யதி³ ஹீதி ।
ஜாக்³ரத்³தே³ஹஸ்ய த்³ரஷ்டு: ஸ்வப்நே நஷ்டத்வாத³தீந்த்³ரியஸ்ய ச ஸம்ஸ்காரஸ்ய சாநிஷ்டத்வாத³ந்யத்³ருஷ்டே சாந்யஸ்ய ஸ்வப்நாயோகா³ந்ந ஸ்வப்நே த்³ருஷ்டஸ்யைவ த³ர்ஶநம் தே³ஹாத்மவாதே³ ஸம்ப⁴வதீத்யர்த²: ।
மா பூ⁴த்³த்³ருஷ்டஸ்யைவ ஸ்வப்நே த்³ருஷ்டிரந்த⁴ஸ்யாபி ஸ்வப்நத்³ருஷ்டேரித்யாஶங்க்யா(அ)(அ)ஹ —
அந்த⁴ இதி।
அபிஶப்³தோ³(அ)த்⁴யாஹர்தவ்ய: ।
பூர்வத்³ருஷ்டஸ்யைவ ஸ்வப்நே த்³ருஷ்டத்வே(அ)பி குதோ தே³ஹவ்யதிரிக்தோ த்³ரஷ்டா ஸித்⁴யதீத்யாஶங்க்யா(அ)(அ)ஹ —
ததஶ்சேதி ।
அதோ²ப⁴யத்ர தே³ஹஸ்யைவ த்³ரஷ்ட்ருத்வே கா ஹாநிரிதி சேத³த ஆஹ —
தே³ஹஶ்சேதி³தி।
தத்ர ஸஹகாரிசக்ஷுரபா⁴வாச்சக்ஷுரந்தரஸ்ய சோத்பத்தௌ தே³ஹாந்தரஸ்யாபி ஸமுத்பத்திஸம்ப⁴வாத³ந்யத்³ருஷ்டே(அ)ந்யஸ்ய ந ஸ்வப்ந: ஸ்யாதி³த்யர்த²: ।
மா பூ⁴த்பூர்வத்³ருஷ்டே ஸ்வப்நோ ஹேத்வபா⁴வாதி³த்யாஶங்க்யா(அ)(அ)ஹ —
அஸ்தி சேதி।
கத²ம் தே ஜாத்யந்தா⁴நாமீத்³ருக்³த³ர்ஶநமிதி சேஜ்ஜந்மாந்தராநுப⁴வவஶாதி³தி ப்³ரூம: ।
அந்த⁴ஸ்ய தே³ஹஸ்யாத்³ரஷ்ட்ருத்வே(அ)பி சக்ஷுஷ்மதஸ்தஸ்ய ஸ்யாதே³வ த்³ரஷ்ட்ருத்வமித்யாஶங்க்யா(அ)(அ)ஹ —
தஸ்மாதி³தி ।
ஸ்வப்நே த்³ருஷ்டஸ்யைவ த³ர்ஶநாதி³தி ஹேதும் வ்யாக்²யாய ஸ்ம்ருதௌ த்³ருஷ்டஸ்யைவ த³ர்ஶநாதி³தி ஹேதும் வ்யாசஷ்டே —
ததே²தி ।
த்³ரஷ்ட்ருஸ்மர்த்ரோரேகத்வே(அ)பி குதோ தே³ஹாதிரிக்தோ த்³ரஷ்ட்ரேத்யாஶங்க்யா(அ)(அ)ஹ —
யதா³ சேதி ।
தே³ஹாதிரிக்தஸ்ய ஸ்மர்த்ருத்வே(அ)பி குதோ த்³ரஷ்ட்ருத்வமித்யாஶங்க்யா(அ)(அ)ஹ —
தஸ்மாதி³தி ।
த்³ரஷ்ட்ருஸ்மர்த்ரோரேகத்வஸ்யோக்தத்வாத்³தே³ஹாதிரிக்த: ஸ்மர்தா சேத்³த்³ரஷ்டா(அ)பி ததா² ஸித்⁴யதீதி பா⁴வ: ।
தே³ஹஸ்யாத்³ரஷ்ட்ருத்வே ஹேத்வந்தரமாஹ —
ம்ருதே சேதி ।
ந தஸ்ய த்³ரஷ்ட்ருதேதி ஶேஷ: ।
ததே³வோபபாத³யதி —
தே³ஹஸ்யைவேதி ।
தே³ஹவ்யதிரிக்தமாத்மாநமுபபாதி³தமுபஸம்ஹரதி —
தஸ்மாதி³தி ।
சைதந்யம் யத்ததோ³ரர்த²: ।
மா பூ⁴த்³தே³ஹஸ்யா(அ)(அ)த்மத்வமிந்த்³ரியாணாம் து ஸ்யாதி³தி ஶங்கதே —
சக்ஷுராதீ³நீதி ।
அந்யத்³ருஷ்டஸ்யேதரேணாப்ரத்யபி⁴ஜ்ஞாநாதி³தி ந்யாயேந பரிஹரதி —
நேத்யாதி³நா ।
ஆத்மப்ரதிபத்திஹேதூநாம் மநஸி ஸம்ப⁴வாதி³தி ந்யாயேந ஶங்கதே —
மந இதி ।
ஜ்ஞாதுர்ஜ்ஞாநஸாத⁴நோபபத்தே: ஸம்ஜ்ஞாபே⁴த³மாத்ரமிதி ந்யாயேந பரிஹரதி —
ந மநஸோ(அ)பீதி ।
தே³ஹாதே³ரநாத்மத்வே ப²லிதமாஹ —
தஸ்மாதி³தி ।
ஆத்மஜ்யோதி: ஸம்கா⁴தாதி³தி ஶேஷ: ।
பரோக்தமநுவத³தி —
யது³க்தமிதி ।
அநுக்³ராஹ்யாஸஜாதீயமநுக்³ராஹகமித்யத்ர ஹேதுமாஹ —
ஆதி³த்யாதி³பி⁴ரிதி।
உபகார்யோபகாரகத்வஸாஜாத்யநியமம் தூ³ஷயதி —
தத³ஸதி³தி ।
அநியமத³ர்ஶநமாகாங்க்ஷாபூர்வகமுதா³ஹரதி —
கத²ம் பார்தி²வைரிதி ।
உலபம் பா³லத்ருணம் ।
பார்தி²வஸ்யாக்³நிம் ப்ரத்யுபகாரகத்வநியமம் வாரயதி —
ந சேதி ।
தாவதா பார்தி²வேநாக்³நேருபக்ரியமாணத்வத³ர்ஶநேநேதி யாவத் ।
தத்ஸமாநஜாதீயைரிதி தச்ச²ப்³த³: பார்தி²வத்வவிஷய: । தத்ர ஹேதுமாஹ —
யேநேதி ।
த³ர்ஶநப²லம் நிக³மயதி —
தஸ்மாதி³தி।
உபகார்யோபகாரகபா⁴வே ஸாஜாத்யாநியமவத³பகார்யாபகாரகபா⁴வே(அ)பி வைஜாத்யநியமோ நாஸ்தீத்யர்த²: ।
தத்ரோபகார்யோபகாரகத்வே ஸாஜாத்யநியமாபா⁴வமுதா³ஹரணாந்தரேண த³ர்ஶயதி —
கதா³சிதி³தி ।
அம்ப⁴ஸா(அ)க்³நிநா வா(அ)க்³நேருபஶாந்த்யுபலம்பா⁴த³பகார்யாகாரகத்வே வைஜாத்யநியமோ(அ)பி நாஸ்தீதி மத்வோபஸம்ஹரதி —
தஸ்மாதி³தி।
உக்தாநியமத³ர்ஶநம் தச்ச²ப்³தா³ர்த²: । அஹேதுராத்மஜ்யோதிஷ: ஸம்கா⁴தேந ஸமாநஜாதீயதாமிதி ஶேஷ: ।
அநுக்³ராஹகமநுக்³ராஹ்யஸஜாதீயமநுக்³ராஹகத்வாதா³தி³த்யவதி³த்யபாஸ்தம் । ஸம்ப்ரத்யதீந்த்³ரியத்வஹேதோரநைகாந்த்யம் பரோக்தமநுபா⁴ஷ்ய தூ³ஷயதி —
யத்புநரித்யாதி³நா ।
விமதம் ஜ்யோதி: ஸம்கா⁴தத⁴ர்மஸ்தத்³பா⁴வபா⁴வித்வாத்³ரூபாதி³வதி³த்யுக்தமநூத்³ய நிராகரோதி —
கார்யேதி ।
அநுமாநவிரோத⁴மேவ ஸாத⁴யதி —
ஆதி³த்யாதி³தி ।
காலாத்யயாபதே³ஶமுக்த்வா ஹேத்வஸித்³தி⁴ம் தோ³ஷாந்தரமாஹ —
தத்³பா⁴வேதி ।
அத³ர்ஶநாதி³தி ச்சே²த³: ।
யத்புநர்விஶேஷே(அ)நுக³மாபா⁴வ: ஸாமாந்யே ஸித்³த⁴ஸாத்⁴யதேத்யநுமாநதூ³ஷணமபி⁴ப்ரேத்ய ஸாமாந்யதோ த்³ருஷ்டஸ்ய சேத்யாத்³யுக்தம் தத்³தூ³ஷயதி —
ஸாமாந்யதோ த்³ருஷ்டஸ்யேதி ।
விஶேஷதோ(அ)த்³ருஷ்டஸ்யேத்யபி த்³ரஷ்டவ்யம் ।
கிமித்யநுமாநாப்ராமாண்யே ஸர்வவ்யவஹாரஹாநிரித்யாஶங்க்யா(அ)(அ)ஹ —
பாநேதி ।
தத்ஸாமாந்யாத்பாநத்வபோ⁴ஜநத்வாதி³ஸாத்³ருஶ்யாதி³தி யாவத் ।
பாநபோ⁴ஜநாத்³யுபாதா³நம் த்³ருஶ்யமாநமித்யுக்தம் விஶத³யதி —
த்³ருஶ்யந்தே ஹீதி ।
தாத³ர்த்²யேந க்ஷுத்பிபாஸாதி³நிவ்ருத்யுபாயபோ⁴ஜநபாநாத்³யர்த²த்வேநேதி யாவத் ।
தே³ஹஸ்யைவ த்³ரஷ்ட்ருத்வமித்யுக்தமநூத்³ய பூர்வோக்தம் பரிஹாரம் ஸ்மாரயதி —
யது³க்தமித்யாதி³நா ।
ஜ்யோதிரந்தரமாதி³த்யாதி³வத³நாத்மேத்யுக்தம் ப்ரத்யாஹ —
அநேநேதி ।
ஸம்கா⁴தாதே³ர்த்³ரஷ்ட்ருத்வநிராகரணேநேதி யாவத் ।
தே³ஹஸ்ய காதா³சித்கம் த³ர்ஶநாதி³மத்த்வம் ஸ்வாபா⁴விகமித்யத்ர பரோக்தம் த்³ருஷ்டாந்தமநுபா⁴ஷ்ய நிராசஷ்டே —
யத்புநரித்யாதி³நா ।
ஸித்³தா⁴ந்திநா(அ)பி ஸ்வபா⁴வவாத³ஸ்ய க்வசிதே³ஷ்டவ்யத்வமுபதி³ஷ்டமநூத்³ய தூ³ஷயதி —
யத்புநரிதி ।
த⁴ர்மாதே³ர்யதி³ ஹேத்வந்தராதீ⁴நம் ப²லதா³த்ருத்வம் ததா³ ஹேத்வந்தரஸ்யாபி ஹேத்வந்தராதீ⁴நம் ப²லதா³த்ருத்வமித்யநவஸ்தே²த்யுக்தம் ப்ரத்யாஹ —
ஏதேநேதி।
ஸித்³தா⁴ந்தவிரோத⁴ப்ரஸம்ஜநேநேதி யாவத் ।
லோகாயதமதாஸம்ப⁴வே ஸ்வபக்ஷமுபஸம்ஹரதி —
தஸ்மாதி³தி ॥6॥