த்³விதீயத்ருதீயபக்ஷயோரருசிம் ஸூசயந்நாத்³யம் பக்ஷமங்கீ³கரோதி —
யோ(அ)யமிதி ।
யஸ்த்வயா ப்ருஷ்ட: ஸோ(அ)யமித்யாத்மநஶ்சித்³ரூபத்வேந ப்ரத்யக்ஷத்வாத³யமிதி நிர்தே³ஶ இதி பத³த்³வயஸ்யார்த²: ।
தே³ஹவ்யவச்சே²தா³ர்த²ம் விஶிநஷ்டி —
விஜ்ஞாநமய இதி ।
விஜ்ஞாநஶப்³தா³ர்த²மாசக்ஷாணஸ்தத்ப்ராயத்வம் ப்ரகடயதி —
பு³த்³தீ⁴தி ।
பு³த்³தி⁴ரேவ விஜ்ஞாநம் விஜ்ஞாயதே(அ)நேநேதி வ்யுத்பத்தேஸ்தேநோபாதி⁴நா ஸம்பர்க ஏவாவிவேகஸ்தஸ்மாதி³தி யாவத் ।
தத்ஸம்பர்கே ப்ரமாணமாஹ —
பு³த்³தி⁴விஜ்ஞாநேதி।
தஸ்மாத்³விஜ்ஞாநமய இதி ஶேஷ: ।
நநு சக்ஷுர்மய: ஶ்ரோத்ரமய இத்யாதி³ ஹித்வா விஜ்ஞாநமய இத்யேவம் கஸ்மாது³பதி³ஶ்யதே தத்ரா(அ)(அ)ஹ —
பு³த்³தி⁴ர்ஹீதி ।
தஸ்யா: ஸாதா⁴ரணகரணத்வே ப்ரமாணாமாஹ —
மநஸா ஹீதி ।
மநஸ: ஸர்வார்த²த்வம் ஸமர்த²யதே —
பு³த்³தீ⁴தி ।
கிமர்தா²நி தர்ஹி சக்ஷுராதீ³நி கரணாநீத்யாஶங்க்யா(அ)(அ)ஹ —
த்³வாரமாத்ராணீதி।
பு³த்³தே⁴: ஸதி ப்ராதா⁴ந்யே ப²லிதமாஹ —
தஸ்மாதி³தி ।
விஜ்ஞாநம் பரம் ப்³ரஹ்ம தத்ப்ரக்ருதிகோ ஜீவோ விஜ்ஞாநமய இதி ப⁴ர்த்ருப்ரபஞ்சைருக்தமநுவத³தி —
யேஷாமிதி ।
விஜ்ஞாநமயாதி³க்³ரந்தே² மயடோ ந விகாரார்த²தேதி தைரேவோச்யதே தத்ர மந:ஸமபி⁴வ்யாஹாராத்³விஜ்ஞாநம் பு³த்³தி⁴ர்ந சா(அ)(அ)த்மா தத்³விகாரஸ்தஸ்மாத³ஸ்மிந்ப்ரயோகே³ மயடோ விகாரார்த²த்வம் வத³தாம் ஸ்வோக்திவிரோத⁴: ஸ்யாதி³தி தூ³ஷயதி —
தேஷாமிதி ।
கத²ம் விஜ்ஞாநமயபதா³ர்த²நிர்ணயார்த²ம் ப்ரயோகா³ந்தரமநுஶ்ரீயதே தத்ரா(அ)(அ)ஹ —
ஸந்தி³க்³த⁴ஶ்சேதி ।
யதா² புரோடா³ஶம் சதுர்தா⁴ க்ருத்வா ப³ர்ஹிஷத³ம் கரோதீதி புரோடா³ஶமாத்ரசதுர்தா⁴கரணவாக்யமேகார்த²ஸம்ப³ந்தி⁴நா ஶாகாந்தரீயேணா(அ)(அ)க்³நேயம் சதுர்தா⁴ கரோதீத்யநேந விஶேஷவிஷயதயா நிஶ்சிதார்தே²நா(அ)(அ)க்³நேய ஏவ புரோடா³ஶே வ்யவஸ்தா²ப்யதே யதா² சாக்தா: ஶர்கரா உபத³தா⁴தீத்யத்ர கேநாக்ததேத்யபேக்ஷாயாம் தேஜோ வை க்⁴ருதமிதி வாக்யஶேஷாந்நிர்ணயஸ்ததே²ஹாபீத்யர்த²: ।
ஆத்மவிகாரத்வே மோக்ஷாநுபபத்த்யா ஹ்யபா³தி⁴தந்யாயாத்³வா விஜ்ஞாநமயபதா³ர்த²நிஶ்சய இத்யாஹ —
நிஶ்சிதேதி ।
யது³க்தம் நிர்ணயோ வாக்யஶேஷாதி³தி ததே³வ வ்யநக்தி —
ஸதீ⁴ரிதி சேதி ।
ஆதா⁴ராத்³யர்தா² ஸப்தமீ த்³ருஷ்டா ஸா கத²ம் வ்யதிரேகப்ரத³ர்ஶநார்தே²த்யாஶங்க்யா(அ)(அ)ஹ —
யதே²தி।
ப⁴வத்வத்ராபி ஸாமீப்யலக்ஷணா ஸப்தமீ ததா²(அ)பி கத²ம் வ்யதிரேகப்ரத³ர்ஶநமித்யாஶங்க்யா(அ)(அ)ஹ —
ப்ராணேஷு இதி ।
ப²லிதம் ஸப்தம்யர்த²மபி⁴நயதி —
ப்ராணேஷ்விதி ।
தேஷு ஸமீபஸ்தோ²(அ)பி கத²ம் தேப்⁴யோ வ்யதிரிச்யதே தத்ரா(அ)(அ)ஹ —
யோ ஹீதி ।
விஶேஷணாந்தரமாதா³ய வ்யாவர்த்யாம் ஶங்காமுக்த்வா புநரவதார்ய வ்யாகரோதி —
ஹ்ருதீ³த்யாதி³நா।
விஶேஷணாந்தரஸ்ய தாத்பர்யமாஹ —
அந்தரிதீதி ।
ஜ்யோதி:ஶப்³தா³ர்த²மாஹ —
ஜ்யோதிரிதி।
தஸ்ய ஜ்யோதிஷ்ட்வம் ஸ்பஷ்டயதி —
தேநேதி ।
ஆத்மஜ்யோதிஷா வ்யாப்தஸ்ய கார்யகரணஸம்கா⁴தஸ்ய வ்யவஹாரக்ஷமத்வே த்³ருஷ்டாந்தமாஹ —
யதே²தி ।
சேதநாவாநிவேத்யுக்தம் த்³ருஷ்டாந்தேநோபபாத³யதி —
யதா² வேதி ।
ஹ்ருத³யம் பு³த்³தி⁴ஸ்ததோ(அ)பி ஸூக்ஷ்மத்வாதா³த்மஜ்யோதிஸ்தத³ந்த:ஸ்த²மபி ஹ்ருத³யாதி³கம் ஸம்கா⁴தம் ச ஸர்வமேகீக்ருத்ய ஸ்வச்சா²யம் கரோதீதி க்ருத்வா யதோ²க்தமணிஸாத்³ருஶ்யமுசிதமிதி தா³ர்ஷ்டாந்திகே யோஜநா ।
கத²மித³மாத்மஜ்யோதி: ஸர்வமாத்மச்சா²யம் கரோதி தத்ரா(அ)(அ)ஹ —
பாரம்பர்யேணேதி।
விஷயாதி³ஷு ப்ரத்யகா³த்மாந்தேஷூத்தரோத்தரம் ஸூக்ஷ்மதாதாரதம்யாத்தேஷ்வேவா(அ)(அ)த்மாதி³விஷயாந்தேஷு ஸ்தூ²லதாதாரதம்யாச்ச ப்ரதீச: ஸர்வஸ்மாத³ந்தரதமத்வாத்தத்ர தத்ர ஸ்வாகாரஹேதுத்வமஸ்தீத்யர்த²: ।
பு³த்³தே⁴ராத்மச்சா²யத்வம் ஸமர்த²யதே —
பு³த்³தி⁴ஸ்தாவதி³தி ।
லௌகிகபரீக்ஷகாணாம் பு³த்³தா⁴வாத்மாபி⁴மாநப்⁴ராந்திமுக்தே(அ)ர்தே² ப்ரமாணயதி —
தேந ஹீதி ।
பு³த்³தே⁴: பஶ்சாந்மநஸ்யபி சிச்சா²யதேத்யத்ர ஹேதுமாஹ —
பு³த்³தீ⁴தி ।
ஆத்மந: ஸர்வாவபா⁴ஸகத்வமுக்தமுபஸம்ஹரதி —
ஏவமிதி ।
ஆத்மந: ஸர்வாவபா⁴ஸகத்வே கிமிதி கஸ்யசித்க்வசிதே³வா(அ)(அ)த்மதீ⁴ரித்யாஶங்க்யா(அ)(அ)ஹ —
தேந ஹீதி ।
பு³த்³த்⁴யாதே³ருக்தக்ரமேணா(அ)(அ)த்மச்சா²யத்வம் தச்ச²ப்³தா³ர்த²: ।
ஆத்மஜ்யோதிஷ: ஸர்வாவபா⁴ஸகத்வே லோகப்ரஸித்³தி⁴ரேவ ந ப்ரமாணம் கிந்து ப⁴க³வத்³வாக்யமபீத்யாஹ —
ததா² சேதி ।
நாஶிநாமயமநாஶீ சேதநாஶ்சேதயிதாரோ ப்³ரஹ்மாத³யஸ்தேஷாமயமேவ சேதநோ யதோ²த³காதீ³நாமநக்³நீநாமக்³நிநிமித்தம் தா³ஹகத்வம் ததா²(அ)(அ)த்மசைதந்யநிமித்தமேவ சேதயித்ருத்வமந்யேஷாமித்யாஹ —
நித்ய இதி ।
அநுக³மநவத³நுபா⁴நம் ஸ்வக³தயா பா⁴ஸா ஸ்யாதி³தி ஶங்காம் ப்ரத்யாஹ —
தஸ்யேதி ।
யேநேதி ।
தத்ர நாவேத³விந்மநுதே தம் ப்³ருஹந்தமித்யுத்தரத்ர ஸம்ப³ந்த⁴: ।
ஜ்யோதி:ஶப்³த³வ்யாக்²யாநமுபஸம்ஹரதி —
தேநேதி ।
ஹ்ருத்³யந்த:ஸ்தி²தோ(அ)யமாத்மா ஸர்வாவபா⁴ஸகத்வேந ஜ்யோதிர்ப⁴வதீதி யோஜநா ।
பதா³ந்தரமாதா³ய வ்யாசஷ்டே —
புருஷ இதி।
ஆதி³த்யாதி³ஜ்யோதிஷ: ஸகாஶாதா³த்மஜ்யோதிஷி விஶேஷமாஹ —
நிரதிஶயம் சேதி ।
ப்ரதிவசநவாக்யார்த²முபஸம்ஹரதி —
ஸ ஏஷ இதி ।