ஸ ஸமாந: ஸந்நித்யாத்³யவதாரயிதும் வ்ருத்தம் கீர்தயதி —
பா³ஹ்யாநாமிதி।
தர்ஹி பா³ஹ்யஜ்யோதி:ஸத்³பா⁴வாவஸ்தா²யாமகிஞ்சிகரமாத்மஜ்யோதிரித்யாஶங்க்யா(அ)(அ)ஹ —
யதா³(அ)பீதி।
வ்யதிரேகமுகே²நோக்தமர்த²மந்வயமுகே²ந கத²யதி —
ஆத்மஜ்யோதிரிதி ।
ஆத்மஜ்யோதிஷ: ஸர்வாநுக்³ராஹகத்வே ப்ரமாணமாஹ —
யதே³ததி³தி ।
ஸர்வமந்த:கரணாதி³ ப்ரஜ்ஞாநேத்ரமித்யைதரேயகே ஶ்ரவணாத்³யுக்தமாத்மஜ்யோதிஷ: ஸர்வாநுக்³ராஹகத்வமித்யர்த²: ।
கிஞ்சாசேதநாநாம் கார்யகரணாநாம் சேதநத்வப்ரஸித்³த்⁴யநுபபத்த்யா ஸதா³ சிதா³த்மவ்யாப்திரேஷ்டவ்யேத்யாஹ —
ஸாபி⁴மாநோ ஹீதி ।
கத²மஸம்க³ஸ்ய ப்ரதீச: ஸர்வத்ர பு³த்³த்⁴யாதா³வஹம்மாந இத்யாஶங்க்யா(அ)(அ)ஹ —
அபி⁴மாநேதி ।
வ்ருத்தமநூத்³யோத்தரவாக்யமவதாரயதி —
யத்³யபீதி ।
யதோ²க்தமபி ப்ரத்யக்³ஜ்யோதிர்ஜாக³ரிதே த³ர்ஶயிதுமஶக்யமிதி ஶ்ருதி: ஸ்வப்நம் ப்ரஸ்தௌதீத்யர்த²: ।
அஶக்யத்வே ஹேதுத்³வயமாஹ —
ஸர்வேதி ।
ஸ்வப்நே நிஷ்க்ருஷ்டம் ஜ்யோதிரிதி ஶேஷ: । ஸத்³ருஶ: ஸந்நநுஸம்சரதீதி ஸம்வந்த⁴: ।
ஸாத்³ருஶ்யஸ்ய ப்ரதியோகி³ஸாபேக்ஷத்வமபேக்ஷ்ய ப்ருச்ச²தி —
கேநேதி ।
உத்தரம் —
ப்ரக்ருதத்வாதி³தி ।
ப்ராணாநாமபி துல்யம் ததி³தி சேத்தத்ரா(அ)(அ)ஹ —
ஸம்நிஹிதத்வாச்சேதி।
ஹேதுத்³வயம் ஸாத⁴யதி —
ஹ்ருதீ³த்யாதி³நா ।
ப்ரக்ருதத்வாதி³ப²லமாஹ —
தஸ்மாதி³தி ।
ஸாமாந்யம் ப்ரஶ்நபூர்வகம் விஶத³யதி —
கிம் புநரித்யாதி³நா ।
விவேகதோ(அ)நுபலப்³தி⁴ம் வ்யக்தீக்ருதம் பு³த்³தி⁴ஜ்யோதிஷோ: ஸ்வரூபமாஹ —
அவபா⁴ஸ்யேதி ।
அவபா⁴ஸகத்வே த்³ருஷ்டாந்தமாஹ —
ஆலோகவதி³தி ।
ததா²பி கத²ம் விவேகதோ(அ)நுபலப்³தி⁴ஸ்தத்ரா(அ)(அ)ஹ —
அவபா⁴ஸ்யேதி ।
ப்ரஸித்³தி⁴மேவ ப்ரகடயதி —
விஶுத்³த⁴த்வாத்³தீ⁴தி ।
உக்தமர்த²ம் த்³ருஷ்டாந்தேந பு³த்³தா⁴வாரோபயதி —
யதே²த்யாதி³நா ।
த்³ருஷ்டாந்தக³தநமர்த²ம் தா³ர்ஷ்டாந்திகே யோஜயதி —
ததே²தி ।
புநருக்திம் பரிஹரதி —
இத்யுக்தமிதி ।
ஸர்வாவபா⁴ஸகத்வே கத²ம் பு³த்³த்⁴யைவ ஸாம்யமித்யாஶங்க்யா(அ)(அ)ஹ —
தேநேதி।
ஸர்வாவபா⁴ஸகத்வம் தச்ச²ப்³தா³ர்த²: ।
கிமர்த²ம் தர்ஹி பு³த்³த்⁴யா ஸாமாந்யமுக்தமித்யாஶங்க்ய த்³வாரத்வேநேத்யாஹ —
பு³த்³தீ⁴தி ।
ஆத்மந: ஸர்வேண ஸமாநத்வ வாக்யஶேஷமநுகூலயதி —
ஸர்வமய இதி சேதி ।
வாக்யஶேஷஸித்³தே⁴(அ)ர்தே² லோகப்⁴ராந்தர்க³மகத்வமாஹ —
தேநேதி ।
ஸர்வமயத்வேநேதி யாவத் ।
ஆத்மாநாத்மநோர்விவேகத³ர்ஶநஸ்யாஶக்யத்வே பரஸ்பராத்⁴யாஸஸ்தத்³த⁴ர்மாத்⁴யாஸஶ்ச ஸ்யாத்ததஶ்ச லோகாநாம் மோஹோ ப⁴வேதி³த்யாஹ —
இதி ஸர்வேதி ।
த⁴ர்மிவிஷயம் மோஹமபி⁴நயதி —
அயமிதி ।
த⁴ர்மவிஷயம் மோஹம் த³ர்ஶயதி —
ஏவந்த⁴ர்மேதி ।
ததே³வ ஸ்பு²டயதி —
கர்தேத்யாதி³நா।
விகல்பை: ஸர்வோ லோகோ மோமுஹ்யத இதி ஸம்ப³ந்த⁴: ।
ஸ ஸமாந: ஸந்நித்யஸ்யார்த²முக்த்வா(அ)வஶிஷ்டம் பா⁴க³ம் வ்யாகரோதி —
அத இத்யாதி³நா ।
ஆத்மந: ஸ்வாபா⁴விகமுப⁴யலோகஸம்சரணமித்யாஶங்க்யாநந்தரவாக்யமாத³த்தே —
தத்ரேதி ।
ஆத்மா ஸப்தம்யர்த²: । யத:ஶப்³தோ³ வக்ஷ்யமாணாத:ஶப்³தே³ந ஸம்ப³த்⁴யதே ।
அக்ஷரோத்த²மர்த²முக்த்வா வாக்யார்த²மாஹ —
த்⁴யாநேதி ।
த்⁴யாநவதீம் பு³த்³தி⁴ம் வ்யாப்தஶ்சிதா³த்மா த்⁴யாயதீவேத்யத்ர த்³ருஷ்டாந்தமாஹ —
ஆலோகவதி³தி ।
யதா² கா²ல்வாலோகோ நீலம் பீதம் வா விஷயம் வ்யஶ்நுவாநஸ்ததா³காரோ த்³ருஶ்யதே ததா²(அ)யமபி த்⁴யாநவதீம் பு³த்³தி⁴ம் பா⁴ஸயந்த்⁴யாநவாநிவ ப⁴வதீத்யர்த²: ।
யதோ²க்தபு³த்³த்⁴யவபா⁴ஸகத்வமுக்தம் ஹேதுமநூத்³ய ப²லிதமாஹ —
அத இதி ।
இவ ஶப்³தா³ர்த²ம் கத²யதி —
ந த்விதி ।
பு³த்³தி⁴த⁴ர்மாணாமாத்மந்யௌபாதி⁴கத்வேந மித்²யாத்வமுக்த்வா ப்ராணத⁴ர்மாணாமபி தத்ர ததா²த்வம் கத²யதி —
ததே²தி ।
ஆத்மநி சலநஸ்யௌபாதி⁴கத்வம் ஸாத⁴யதி —
தேஷ்விதி ।
இவஶப்³த³ஸாமர்த்²யஸித்³த⁴மர்த²மாஹ —
ந த்விதி ।
ஸ ஹீத்யாத்³யநந்தரவாக்யமாகாங்க்ஷாத்³வாரோத்தா²பயதி —
கத²மித்யாதி³நா ।
தச்ச²ப்³தோ³ பு³த்³தி⁴விஷய: । ஸம்சரணாதீ³த்யாதி³ஶப்³தோ³ த்⁴யநாதி³வ்யாபாரஸம்க்³ரஹார்த²: । ஸ்வப்நோ பூ⁴த்வா லோகமதிக்ராமதீதி ஸம்ப³ந்த⁴: ।
கத²மாத்மா ஸ்வப்நோ ப⁴வதி தத்ரா(அ)(அ)ஹ —
ஸ யயேதி ।
உக்தே(அ)ர்தே² வாக்யமவதார்ய வ்யாகரோதி —
அத ஆஹேதி ।
உக்தம் ஹேதுமநூத்³ய ப²லிதமாஹ —
யஸ்மாதி³த்யாதி³நா ।
கார்யகரணாதீதத்வாத்ப்ரத்யகா³த்மநோ ந ஸ்வத: ஸம்சாரித்வமித்யாஹ —
ம்ருத்யோரிதி ।
ரூபாண்யதிக்ராமதீதி பூர்வேண ஸம்ப³ந்த⁴: । க்ரியாஸ்தத்ப²லாநி சா(அ)(அ)ஶ்ரயோ யேஷாம் யாநி வா க்ரியாணாம் தத்ப²லாநாம் சா(அ)(அ)ஶ்ரயஸ்தாநீதி யாவத் ।