நநு அத்ர கத²ம் புருஷ: ஸ்வயம் ஜ்யோதி: ? யேந ஜாக³ரித இவ க்³ராஹ்யக்³ராஹகாதி³லக்ஷண: ஸர்வோ வ்யவஹாரோ த்³ருஶ்யதே, சக்ஷுராத்³யநுக்³ராஹகாஶ்ச ஆதி³த்யாத்³யாலோகா: ததை²வ த்³ருஶ்யந்தே யதா² ஜாக³ரிதே — தத்ர கத²ம் விஶேஷாவதா⁴ரணம் க்ரியதே — அத்ர அயம் புருஷ: ஸ்வயம் ஜ்யோதிர்ப⁴வதீதி । உச்யதே — வைலக்ஷண்யாத் ஸ்வப்நத³ர்ஶநஸ்ய ; ஜாக³ரிதே ஹி இந்த்³ரியபு³த்³தி⁴மநஆலோகாதி³வ்யாபாரஸங்கீர்ணமாத்மஜ்யோதி: ; இஹ து ஸ்வப்நே இந்த்³ரியாபா⁴வாத் தத³நுக்³ராஹகாதி³த்யாத்³யாலோகாபா⁴வாச்ச விவிக்தம் கேவலம் ப⁴வதி தஸ்மாத்³விலக்ஷணம் । நநு ததை²வ விஷயா உபலப்⁴யந்தே ஸ்வப்நே(அ)பி, யதா² ஜாக³ரிதே ; தத்ர கத²ம் இந்த்³ரியாபா⁴வாத் வைலக்ஷண்யமுச்யத இதி । ஶ்ருணு —