வைஶப்³த³ஸ்ய ப்ரஸித்³தா⁴ர்த²த்வமுபேத்ய ஸஶப்³தா³ர்த²மாஹ —
ப்ரக்ருத இதி ।
ஏஷஶப்³த³மநூத்³ய வ்யாகரோதி —
ஏஷ இதி ।
ஸம்ப்ரதா³நே ஸ்தி²த்வா ம்ருத்யுமதிக்ராமதீதி ஶேஷ: ।
ஸுஷுப்தஸ்ய ஸம்ப்ரஸாத³த்வம் ஸாத⁴யதி —
ஜாக³ரித இத்யாதி³நா ।
தத்ர வாக்யஶேஷமநுகூலயதி —
தீர்ணோ ஹீதி ।
அஸ்து ஸம்ப்ரஸாத³: ஸுஷுப்தம் ஸ்தா²நம் ததா²(அ)பி கிமாயாதமித்யத ஆஹ —
ஸ வா இதி ।
பூர்வோக்தேந க்ரமேண ஸம்ப்ரஸாதே³ ஸுஷுப்தே ஸ்தி²த்வா ஸம்ப்ரஸந்ந: ஸந்ம்ருத்யுமதிக்ராமதீத்யர்த²: ।
உக்தமர்த²முபபாத³யிதுமாகாங்க்ஷாமாஹ —
கத²மிதி ।
ரத்வேத்யாதி³ வ்யாகுர்வந்பரிஹரதி —
ஸ்வப்நாதி³தி ।
புண்யபாபஶப்³த³யோர்யதா²ர்த²த்வமாஶங்க்யா(அ)(அ)ஹ —
ந த்விதி ।
அவோசாமோப⁴யாந்பாப்மந ஆநந்தா³ம்ஶ்ச பஶ்யதீத்யத்ரேதி ஶேஷ: ।
புண்யபாபயோர்த³ஶநமேவ ந கரணமித்யத்ர ப²லிதமாஹ —
தஸ்மாதி³தி ।
தத்³த்³ரஷ்டுரபி தத³நுப³ந்த⁴: ஸ்யாதி³த்யாஶங்க்யாதிப்ரஸம்கா³ந்மைவமித்யாஹ —
யோ ஹீத்யாதி³நா ।
புண்யபாபாப்⁴யாமாத்மநோ(அ)ஸம்ஸ்பர்ஶே ப²லிதமாஹ —
தஸ்மாதி³தி ।
ம்ருத்யோரதிக்ரமணே கிம் ஸ்யாதி³த்யாஶங்க்யா(அ)(அ)ஹ —
அதோ நேதி ।
ம்ருத்யோரஸ்வபா⁴வத்வமுபபாத³யதி —
ம்ருத்யுஶ்சேதி³தி ।
இஷ்டாபத்திமாஶங்க்யா(அ)(அ)ஹ —
ந த்விதி ।
அநந்வாக³தவாக்யாத³ஸம்க³வாக்யஶ்சேத்யர்த²: ।
மோக்ஷஶாஸ்த்ரப்ராமாண்யாத³பி ம்ருத்யோரஸ்வபா⁴வத்வமித்யாஹ —
ஸ்வபா⁴வஶ்சேதி³தி ।
இதஶ்ச ம்ருத்யு: ஸ்வபா⁴வோ ந ப⁴வதீத்யாஹ —
ந த்விதி ।
அபா⁴வாதி³தி ச்சே²த³: ।
தஸ்யா: ஸ்வபா⁴வத்வே லப்³த⁴மர்த²ம் கத²யதி —
அத இதி ।
ம்ருத்யுமேவ வ்யாசஷ்டே —
புண்யபாபாப்⁴யாமிதி ।
ஸ்வப்நே ம்ருத்யோ: ஸ்வபா⁴வத்வாபா⁴வே(அ)பி ஜாக்³ரத³வஸ்தா²யாம் கர்த்ருத்வமாத்மந: ஸ்வபா⁴வஸ்ததா² ச நியமேந தஸ்ய ம்ருத்யோரதிக்ரமோ ந ஸித்⁴யதீதி ஶங்கதே —
நந்விதி ।
ஔபாதி⁴கத்வாத்கர்த்ருத்வஸ்ய ஸ்வாபா⁴விகத்வாபா⁴வாதா³த்மநோ ம்ருத்யோரதிக்ரம: ஸம்ப⁴வதீதி பரிஹரதி —
நேதி ।
கத²மௌபாதி⁴கத்வம் கர்த்ருத்வஸ்ய ஸித்³த⁴வது³ச்யதே தத்ரா(அ)(அ)ஹ —
தச்சேதி ।
த்⁴யாயதீவேத்யாதௌ³ ஸாத்³ருஶ்யவாசகாதி³வஶப்³தா³தௌ³பாதி⁴கத்வம் கர்த்ருத்வஸ்ய ப்ராகே³வ த³ர்ஶிதமித்யர்த²: ।
ஜாக³ரிதே(அ)பி கர்த்ருத்வஸ்ய ஸ்வாபா⁴விகத்வாபா⁴வே ப²லிதமாஹ —
தஸ்மாதி³தி ।
ம்ருத்யோ: ஸ்வாபா⁴விகத்வாஶங்காபா⁴வக்ருதம் ப²லமாஹ —
அநிர்மோக்ஷதா வேதி ।
வாஶப்³தோ³ நஞநுகர்ஷணார்த²: ।
புண்யம் ச பாபம் சேத்யேதத³ந்தம் வாக்யம் வ்யாக்²யாய புநரித்யாதி³ வ்யாசஷ்டே —
தத்ரேதி ।
ஸ்வப்நாத்³வ்யுத்தா²ய ஸுஷுப்திமநுபூ⁴யோத்தரகாலமிதி யாவத் । ஸ்தா²நாத்ஸ்தா²நாந்தரப்ராப்தாவப்⁴யாஸம் வக்தும் புந:ஶப்³த³: ।
ப்ரதிந்யாயமித்யஸ்யாவயவார்த²முக்த்வா விவக்ஷிதமர்த²மாஹ —
புநரிதி ।
ஸம்ப்ரஸாதா³தூ³ர்த்⁴வமிதி யாவத் ।
ஜாக³ரிதாத்ஸ்வப்நம் தத: ஸுஷுப்தம் க³ச்ச²தீதி பூர்வக³மநம் ததோ வைபரீத்யேந ஸுஷுப்தாத்ஸ்வப்நம் ஜாக³ரிதம் வா க³ச்ச²தீதி யதா³க³மநம் ஸ ப்ரதிந்யாய: । தமேவ ஸம்க்ஷிபதி —
யதே²தி ।
யதா²ஸ்தா²நமாத்³ரவதீத்யேதத்³விவ்ருணோதி —
ஸ்வப்நஸ்தா²நாதி³தி ।
உக்தே(அ)ர்தே² வாக்யம் பாதயதி —
ப்ரதியோநீதி ।
கிமர்த²ம் யதா²ஸ்தா²நமாக³மநம் ததா³ஹ —
ஸ்வப்நாயேதி ।
ஸ யதி³த்யாதி³வாக்யஸ்ய வ்யாவர்த்யாமாஶங்காமாஹ —
நந்விதி ।
தத்ர வாக்யமுத்தரத்வேநாவதார்ய வ்யாகரோதி —
அத ஆஹேதி ।
அநநுப³த்³த⁴ இத்யஸ்யார்த²ம் ஸ்பு²டயதி —
நைவேதி ।
ஸ யதி³த்யாதி³வாக்யஸ்யாக்ஷரார்த²முக்த்வா தாத்பர்யமாஹ —
யதி³ ஹீதி ।
தேநா(அ)(அ)த்மநேதி யாவத் । ஸ்வப்நே க்ருதம் கர்ம புநஸ்தேநேத்யுக்தம் ।
அநுப³ந்தே⁴ தோ³ஷமாஹ —
ஸ்வப்நாதி³தி ।
இஷ்டாபத்திமாஶங்க்யா(அ)(அ)ஹ —
ந சேதி ।
ஸ்வப்நக்ருதேந கர்மணா ஜாக்³ரத³வஸ்த²ஸ்ய புருஷஸ்யாந்வாக³தத்வப்ரஸித்³தி⁴ரிதி யது³ச்யதே தந்ந வ்யவஹாரபூ⁴மௌ ஸம்ப்ரதிபந்நமித்யர்த²: ।
ஸ்வப்நத்³ருஷ்டேந ஜாக்³ரத்³க³தஸ்ய ந ஸம்க³திரித்யத்ர ஸ்வாநுப⁴வம் த³ர்ஶயதி —
ந ஹீதி ।
யதோ²க்தே(அ)நுப⁴வே லோகஸ்யாபி ஸம்மதிம் த³ர்ஶயதி —
ந சேதி ।
தத்ர ப²லிதமாஹ —
அத இதி ।
கத²ம் தர்ஹி ஸ்வப்நே கர்த்ருத்வப்ரதீதிஸ்தத்ரா(அ)(அ)ஹ —
தஸ்மாதி³தி ।
ஸ்வப்நஸ்யா(அ)(அ)பா⁴ஸத்வாச்ச ந தத்ர வஸ்துதோ(அ)ஸ்தி க்ரியேத்யாஹ —
உதேவேதி ।
ததா³பா⁴ஸத்வே லோகப்ரஸித்³தி⁴மநுகூலயதி —
ஆக்²யாதாரஶ்சேதி ।
ஸ்வப்நஸ்யா(அ)(அ)பா⁴ஸத்வே ப²லிதமாஹ —
அத இதி ।
அநந்வாக³தவாக்யம் ப்ரதிஜ்ஞாரூபம் வ்யாக்²யாயாஸம்க³வாக்யம் ஹேதுரூபமவதாரயிதுமாகாங்க்ஷாமாஹ —
கத²மிதி ।
மூர்தஸ்ய மூர்தாந்தரேண ஸம்யோகே³ க்ரியோபலம்பா⁴த³மூர்தஸ்ய தத³பா⁴வாதா³த்மநஶ்சாமூர்தத்வேநாஸம்யோகா³த்க்ரியாயோகா³த³கர்த்ருத்வஸித்³தி⁴ரித்யுத்தரம் ஹேதுவாக்யார்த²கத²நபூர்வகம் கத²யதி —
கார்யகரணைரித்யாதி³நா ।
ஆத்மநோ(அ)ஸம்க³த்வேநாகர்த்ருத்வமுக்தம் ஸமர்த²யதே —
அத ஏவேதி ।
அத:ஶப்³தா³ர்த²ம் விஶத³யதி —
கார்யேதி ।
க்ரியாவத்த்வாபா⁴வே ஜந்மமரணதி³ராஹித்யம் கௌடஸ்த்²யம் ப²லதீத்யாஹ —
தஸ்மாதி³தி ।
கர்மப்ரவிவேகமுக்தமங்கீ³கரோதி —
ஏவமிதி ।
தத்ப்ரவிவிக்தாத்மஜ்ஞாநே தா³ர்ட்⁴யம் ஸூசயதி —
ஸோ(அ)ஹமிதி ।
நைராகாங்க்ஷ்யம் வ்யாவர்தயதி —
அத இதி ।
கத²ம் தர்ஹி ஸஹஸ்ரதா³நமித்யாஶங்க்யா(அ)(அ)ஹ —
மோக்ஷேதி।
காமப்ரவிவேகவிஷயநியோக³மபி⁴ப்ரேத்ய புநரநுக்ராமதி —
அத ஊர்த்⁴வமிதி॥15॥