உத்தரகண்டி³காமவதாரயிதும் வ்ருத்தம் கீர்தயதி —
யத்ப்ரஸ்துதமிதி ।
ஆத்மநைவேத்யாதி³நா யதா³த்மந: ஸ்வயஞ்ஜ்யோதிஷ்ட்வம் ப்³ராஹ்மணாதௌ³ ப்ரஸ்துதம் தத³த்ராயமித்யாதி³நா ப்ரத்யக்ஷத: ஸ்வப்நே ப்ரதிபாதி³தமிதி ஸம்ப³ந்த⁴: ।
வ்ருத்தமர்தா²ந்தரமநூத்³ய சோத்³யமுத்தா²பயதி —
யத்தூக்தமிதி ।
ம்ருத்யும் நாதிக்ராமதீத்யத்ர ஹேதுமாஹ —
ப்ரத்யக்ஷம் ஹீதி ।
இச்சா²த்³வேஷாதி³ராதி³ஶப்³தா³ர்த²: ।
ததா²(அ)பி குதோ ம்ருத்யும் நாதிக்ரமதி தத்ரா(அ)(அ)ஹ —
தஸ்மாதி³தி ।
கார்யஸ்ய காரணாத³ந்யத்ர ப்ரவ்ருத்த்யயோகா³தி³தி யாவத் ।
உக்தமுபபாத³யதி —
கர்மணோ ஹீதி ।
அத: ஸ்வப்நம் க³தோ ம்ருத்யும் கர்மாக்²யம் நாதிக்ராமதீதி ஶேஷ: ।
மா தர்ஹி ம்ருத்யோரதிக்ரமோ(அ)பூ⁴த்கோ தோ³ஷஸ்தத்ரா(அ)(அ)ஹ —
யதி³ சேதி ।
ஸ்வபா⁴வாத³பி ம்ருத்யோர்விமுக்திமாஶங்க்யா(அ)(அ)ஹ —
ந ஹீதி ।
உக்தம் ஹி - ‘ ந ஹி ஸ்வபா⁴வோ பா⁴வநாம் வ்யாவர்தேதௌஷ்ண்யத்³ரவே:’ இதி ॥
கத²ம் தர்ஹி மோக்ஷோபபத்திரித்யாஶங்க்யா(அ)(அ)ஹ —
அதே²தி ।
ஏஷா ச ஶங்கா ப்ராகே³வ ராஜ்ஞா க்ருதேதி த³ர்ஶயந்நுத்தரமுத்தா²பயதி —
யதே²த்யாதி³நா ।
தத்³தி³த³ர்ஶயிஷயேத்யத்ர தச்ச²ப்³தே³ந ம்ருத்யோரதிக்ரமணம் க்³ருஹ்யதே ।