ఆత్మనః స్థానత్రయసంచారాదసిద్ధోఽసంగత్వహేతురితి శఙ్కతే —
తత్రేతి ।
ప్రతిజ్ఞాహేత్వోర్హేతునిర్ధారణం సప్తమ్యర్థః । సప్రయోజకాద్దేహద్వయాద్వైలక్షణ్యం తు దూరనిరస్తమిత్యేవశబ్దార్థః ।
ఎవం చోదితే హేతుసమర్థనార్థం మహామత్స్యవాక్యమితి సంగతిమభిప్రేత్య సంగత్యన్తరమాహ —
పూర్వమపీతి ।
యథాప్రదర్శితోఽర్థోఽసంగత్వం కార్యకరణవినిర్ముక్తత్వం చ అహార్యత్వమప్రకమ్ప్యత్వమ్ ।
స్వచ్ఛన్దచారిత్వం ప్రకటయతి —
సంచరన్నపీతి ।
కిం పునర్దృష్టాన్తేన దార్ష్టాన్తికే లభ్యతే తదాహ —
దృష్టాన్తేతి ॥ ౧౮ ॥