யத்³வை ததி³த்யாதி³வாக்யம் சோதி³தார்தா²நுவாத³ஸ்தத்பரிஹாரஸ்து பஶ்யந்நித்யாதி³வாக்யமிதி விப⁴ஜதே —
யத்தத்ரேதி ।
ந ஹீத்யாதி³வாக்யநிரஸ்யாமாஶங்காமாஹ —
நந்விதி ।
சக்ஷுராதி³வ்யாபாராபா⁴வே(அ)பி ஸுஷுப்தே த³ர்ஶநாதி³ கிம் ந ஸ்யாதி³த்யாஶங்க்யா(அ)(அ)ஹ —
வ்யாப்ருதேஷ்விதி ।
அஸ்து தர்ஹி தத்ராபி கரணவ்யாபாரோ நேத்யாஹ —
ந சேதி ।
அயமிதி ஸுஷுப்தபுருஷோக்தி: ।
ந பஶ்யத்யேவேதி நியமம் நிஷேத⁴தி —
ந ஹீதி ।
தத்ர ஹேதும் வக்தும் ப்ரஶ்நபூர்வகம் ப்ரதிஜ்ஞாம் ப்ரஸ்தௌதி —
கிம் தர்ஹீதி ।
தத்ரா(அ)(அ)காங்க்ஷாபூர்வகம் ஹேதுவாக்யமுத்தா²ப்ய வ்யாசஷ்டே —
கத²மித்யாதி³நா ।
அவிநாஶித்வாதி³த்யேதத்³வ்யாகுர்வந்த்³ருஷ்டேர்விநாஶாபா⁴வம் ஸ்பஷ்டயதி —
யதே²த்யாதி³நா ।
த்³ரஷ்டுர்த்³ருஷ்டிர்ந நஶ்யதீத்யத்ர விரோத⁴ம் சோத³யதி —
நந்விதி ।
விப்ரதிஷேத⁴மேவ ஸாத⁴யதி —
த்³ருஷ்டிஶ்சேதி ।
கார்யஸ்யாபி வசநாத³விநாஶ: ஸ்யாதி³தி ஶங்கதே —
நந்விதி ।
தஸ்யாகாரகத்வாந்நைவமிதி பரிஹரதி —
ந வசநஸ்யேதி ।
ததே³வ ஸ்பு²டயதி —
ந ஹீதி ।
யத்க்ருதகம் தத³நித்யமிதி வ்யாப்த்யநுக்³ருஹீதாநுமாநவிரோதா⁴த்³வசோ ந கார்யநித்யத்வபோ³த⁴கமித்யர்த²: ।
கூடஸ்த²த்³ருஷ்டிரேவாத்ர த்³ரஷ்ட்ருஶப்³தா³ர்தோ² ந த்³ருஷ்டிகர்தா தந்ந விப்ரஷேதோ⁴(அ)ஸ்தீதி ஸித்³தா⁴ந்தயதி —
நைஷ தோ³ஷ இதி ।
ஆதி³த்யாதி³ப்ரகாஶகத்வவதி³த்யுக்தம் த்³ருஷ்டாந்தம் வ்யாசஷ்டே —
யதே²தி ।
த்³ருஷ்டாந்தே(அ)பி விப்ரதிபந்நம் ப்ரத்யா(அ)(அ)ஹ —
ந ஹீதி ।
த³ர்ஶநோபபத்தேரித்யுக்தம் தா³ர்ஷ்டாந்திகம் விப⁴ஜதே —
ததே²தி ।
ஆத்மநோ நித்யத்³ருஷ்டித்வே தோ³ஷமாஶங்கதே —
கௌ³ணமிதி ।
கௌ³ணஸ்ய முக்²யாபேக்ஷத்வாந்முக்²யஸ்ய சாந்யஸ்ய த்³ரஷ்ட்ருத்வஸ்யாபா⁴வாந்மைவமித்யுத்தரமாஹ —
நேத்யாதி³நா ।
தாமேவோபபத்திமுபத³ர்ஶயதி —
யதி³ ஹீத்யாதி³நா ।
அந்யதா² கூடஸ்த²த்³ருஷ்டித்வமந்தரேணேதி யாவத் । த³ர்ஶநப்ரகாரஸ்யாந்யத்வம் க்ரியாத்மத்வம் । தஸ்ய நிஷ்க்ரியத்வஶ்ருதிஸ்ம்ருதிவிரோதா⁴தி³தி ஶேஷ: ।
த்³ரஷ்ட்ருத்வாந்தராநுபபத்தௌ ப²லிதமாஹ —
ததே³வமேவேதி ।
நித்யத்³ருஷ்டித்வேநைவேத்யர்த²: ।
உக்தே(அ)ர்தே² த்³ருஷ்டாந்தமாஹ —
யதே²த்யாதி³நா ।
ததா²(அ)(அ)த்மநோ(அ)பி த்³ரஷ்ட்ருத்வம் நித்யேநைவ ஸ்வாபா⁴விகேந சைதந்யஜ்யோதிஷா ஸித்⁴யதி ததே³வ ச த்³ரஷ்ட்ருத்வம் முக்²யம் த்³ரஷ்ட்ருத்வாந்தராநுபபத்தேரிதி ஶேஷ: ।
ஆத்மநோ நித்யத்³ருஷ்டிஸ்வபா⁴வத்வே ப²லிதமாஹ —
தஸ்மாதி³தி ।
த்ருஜந்தம் த்³ருஷ்ட்ருஶப்³த³மாஶ்ரித்ய ஶங்கதே —
நந்விதி ।
அத்ராப்யநித்யக்ரியாகர்த்ருவிஷயஸ்த்ருஜந்தஶப்³த³ப்ரயோக³ இதி ஶேஷ: ।
த்ருஜந்தஶப்³த³ப்ரயோக³ஸ்யாநித்யக்ரியாகர்த்ருவிஷயத்வம் வ்யபி⁴சரயந்நுத்தரமாஹ —
நேதி ।
வைஷம்யாஶங்கதே —
ப⁴வத்விதி ।
ஆதி³த்யாதி³ஷு ஸ்வாபா⁴விகப்ரகாஶேந ப்ரகாஶயித்ருத்வமஸ்து காதா³சித்கப்ரகாஶேந ப்ரகாஶயித்ருத்வஸ்ய தேஷ்வஸம்ப⁴வாந்ந த்வாத்மநி நித்யா த்³ருஷ்டிரஸ்தி தந்மாநாபா⁴வாத் । ததா² ச காதா³சித்கத்³ருஷ்ட்யைவ தஸ்ய த்³ரஷ்ட்ருதேத்யர்த²: ।
ப்ரதீசஶ்சித்³ரூபத்வஸ்ய ஶ்ரௌதத்வாத்கர்த்ருத்வம் விநா ப்ரகாஶயித்ருத்வமவிஶிஷ்டமித்யுத்தரமாஹ —
ந த்³ருஷ்டீதி ।
கூடஸ்த²த்³ருஷ்டிராத்மேத்யுக்தே ப்ரத்யக்ஷவிரோத⁴ம் ஶங்கதே —
பஶ்யாமீதி ।
த்³விவிதோ⁴(அ)நுப⁴வஸ்தஸ்ய கூடஸ்த²த்³ருஷ்டித்வமநுக்³ருஹ்ணாதி சக்ஷுராதி³வ்யாபாரபா⁴வாபேக்ஷயா பஶ்யாமி ந பஶ்யாமீதி தி⁴யோராத்மஸாக்ஷிகத்வாதி³த்யுத்தரமாஹ —
ந கரணேதி ।
ஆத்மத்³ருஷ்டேர்நித்யத்வே ஹேத்வந்தரமாஹ —
உத்³த்⁴ருதேதி ।
ஆத்மத்³ருஷ்டேர்நித்யத்வமுபஸம்ஹரதி —
தஸ்மாதி³தி ।
தந்நித்யத்வோக்திப²லமாஹ —
அத இதி ।