யத்³வை தந்ந பஶ்யதீத்யாதே³: ஸம்ப³ந்த⁴ம் வக்தும் வ்ருத்தம் கீர்தயதி —
ஸ்த்ரீபும்ஸயோரிதி ।
சகாராது³க்தம் ஸ்வயஞ்ஜ்யோதிஷ்ட்வமிதி ஸம்ப³த்⁴யதே ।
கிமித³ம் ஸ்வயஞ்ஜ்யோதிஷ்ட்வமிதி ததா³ஹ —
ஸ்வயஞ்ஜ்யோதிஷ்ட்வம் நாமேதி ।
ஏவம் வ்ருத்தமநூத்³யோத்தரவாக்யவ்யாவர்த்யாம் ஶங்காமாஹ —
யதீ³த்யாதி³நா ।
ஸ்வபா⁴வத்யாக³மேவாபி⁴நயதி —
ந ஜாநீயாதி³தி ।
தத்த்யாகா³பா⁴வே ஸுஷுப்தே விஶேஷவிஜ்ஞாநராஹித்யமயுக்தமித்யாஹ —
அதே²த்யாதி³நா ।
ஆத்மா சித்³ரூபோ(அ)பி ஸுஷுப்தே விஶேஷம் ந ஜாநாதி சேத்கிம் து³ஷ்யதீத்யாஶங்க்யா(அ)(அ)ஹ —
விப்ரதிஷித்³த⁴மிதி ।
பரிஹரதி —
நேதி ।
உப⁴யம் சைதந்யஸ்வபா⁴வத்வம் விஶேஷவிஜ்ஞாநராஹித்யம் சேத்யர்த²: ।
உப⁴யஸ்வீகாரே ஶங்கிதம் விப்ரஷேத⁴மாகாங்க்ஷாபூர்வகம் ஶ்ருத்யா நிராகரோதி —
கத²மித்யாதி³நா ।