अद्वैतशारदा | दक्षिणाम्नाय श्रीशारदापीठम्, शृङ्गेरी

ಯದ್ವೈ ತನ್ನ ವಿಜಾನಾತಿ ವಿಜಾನನ್ವೈ ತನ್ನ ವಿಜಾನಾತಿ ನ ಹಿ ವಿಜ್ಞಾತುರ್ವಿಜ್ಞಾತೇರ್ವಿಪರಿಲೋಪೋ ವಿದ್ಯತೇಽವಿನಾಶಿತ್ವಾನ್ನ ತು ತದ್ದ್ವಿತೀಯಮಸ್ತಿ ತತೋಽನ್ಯದ್ವಿಭಕ್ತಂ ಯದ್ವಿಜಾನೀಯಾತ್ ॥ ೩೦ ॥

ಸಮಾನಮನ್ಯತ್ — ಯದ್ವೈ ತನ್ನ ಜಿಘ್ರತಿ, ಯದ್ವೈ ತನ್ನ ರಸಯತೇ, ಯದ್ವೈ ತನ್ನ ವದತಿ, ಯದ್ವೈ ತನ್ನ ಶೃಣೋತಿ, ಯದ್ವೈ ತನ್ನ ಮನುತೇ, ಯದ್ವೈ ತನ್ನ ಸ್ಪೃಶತಿ, ಯದ್ವೈ ತನ್ನ ವಿಜಾನಾತೀತಿ । ಮನನವಿಜ್ಞಾನಯೋಃ ದೃಷ್ಟ್ಯಾದಿಸಹಕಾರಿತ್ವೇಽಪಿ ಸತಿ ಚಕ್ಷುರಾದಿನಿರಪೇಕ್ಷೋ ಭೂತಭವಿಷ್ಯದ್ವರ್ತಮಾನವಿಷಯವ್ಯಾಪಾರೋ ವಿದ್ಯತ ಇತಿ ಪೃಥಗ್ಗ್ರಹಣಮ್ ॥

ಸಮಾನಮನ್ಯದಿತಿ ; ಮನನೇತಿ ;

ಯದ್ವೈ ತನ್ನ ಪಶ್ಯತೀತ್ಯಾದಾವುಕ್ತನ್ಯಾಯಮುತ್ತರವಾಕ್ಯೇಷ್ವತಿದಿಶತಿ —

ಸಮಾನಮನ್ಯದಿತಿ ।

ಮನೋಬುದ್ಧ್ಯೋಃ ಸಾಧಾರಣಕರಣತ್ವಾತ್ಪೃಥಗ್ವ್ಯಾಪಾರಾಭಾವೇ ಕಥಂ ಪೃಥಙ್ನಿರ್ದೇಶಃ ಸ್ಯಾದಿತ್ಯಾಶಂಕ್ಯಾಽಽಹ —

ಮನನೇತಿ ।