अद्वैतशारदा | दक्षिणाम्नाय श्रीशारदापीठम्, शृङ्गेरी

యద్వై తన్న విజానాతి విజానన్వై తన్న విజానాతి న హి విజ్ఞాతుర్విజ్ఞాతేర్విపరిలోపో విద్యతేఽవినాశిత్వాన్న తు తద్ద్వితీయమస్తి తతోఽన్యద్విభక్తం యద్విజానీయాత్ ॥ ౩౦ ॥

సమానమన్యత్ — యద్వై తన్న జిఘ్రతి, యద్వై తన్న రసయతే, యద్వై తన్న వదతి, యద్వై తన్న శృణోతి, యద్వై తన్న మనుతే, యద్వై తన్న స్పృశతి, యద్వై తన్న విజానాతీతి । మననవిజ్ఞానయోః దృష్ట్యాదిసహకారిత్వేఽపి సతి చక్షురాదినిరపేక్షో భూతభవిష్యద్వర్తమానవిషయవ్యాపారో విద్యత ఇతి పృథగ్గ్రహణమ్ ॥

సమానమన్యదితి ; మననేతి ;

యద్వై తన్న పశ్యతీత్యాదావుక్తన్యాయముత్తరవాక్యేష్వతిదిశతి —

సమానమన్యదితి ।

మనోబుద్ధ్యోః సాధారణకరణత్వాత్పృథగ్వ్యాపారాభావే కథం పృథఙ్నిర్దేశః స్యాదిత్యాశఙ్క్యాఽఽహ —

మననేతి ।