பூர்வோக்தவஸ்தூபஸம்ஹாரார்த²ம் ஸலிலவாக்யமுத்தா²பயதி —
யத்ரேத்யாதி³நா ।
தேநாவித்³யாயா: ஶாந்தத்வேநேதி யாவத் । வஸ்துநோ(அ)பா⁴வாத்தத்ரேதி ஶேஷ: ।
ஸுஷுப்தே விஶேஷவிஜ்ஞாநாபா⁴வப்ரயுக்தம் ப²லமாஹ —
அத இதி ।
பூர்வமேவாஸ்யார்த²ஸ்யோக்தத்வம் த்³யோதயிதும் ஹி ஶப்³த³: । ஸம்பரிஷ்வங்க³ப²லம் ஸமஸ்தத்வமபரிச்சி²ந்நத்வம் தத்ப²லம் ஸம்ப்ரஸந்நத்வம் । அஸம்ப்ரஸாதோ³ ஹி பரிச்சே²தா³பி⁴மாநக்ருத: ।
ஸம்ப்ரஸந்நத்வே ஹேத்வந்தரமாஹ —
ஆப்தகாம இதி ।
ததே³வ ஸம்ப்ரஸந்நத்வம் த்³ருஷ்டாந்தேந ஸ்பஷ்டயதி —
ஸலிலவதி³தி ।
உக்தே(அ)ர்தே² வாக்யாக்ஷராணி யோஜயதி —
ஸலில இவேதி ।
த்³விதீயஸ்யாபா⁴வம் ஸுஷுப்தே வ்யக்தீகரோதி —
அவித்³யயேதி ।
அத்³ரஷ்டா த்³ரஷ்டேதி வா சே²த³: ।
ஏகோ(அ)த்³வைத இத்யப்⁴யாஸஸ்தாத்பர்யலிங்க³ம் தஸ்ய பரமபுருஷார்த²த்வம் த³ர்ஶயந்கூடஸ்த²த்வமாஹ —
ஏததி³தி ।
கிமிதி ஷஷ்டீ²ஸமாஸமுபேக்ஷ்ய கர்மதா⁴ரயோ க்³ருஹ்யதே தத்ரா(அ)(அ)ஹ —
பர ஏவேதி ।
அஸ்மிந்காலே ஸுஷுப்த்யவஸ்தா²யாமித்யேதத் ।
பரமத்வம் ஸாத⁴யதி —
யாஸ்த்விதி ।
ப்ரஸ்துதம் ஸமஸ்தாத்மபா⁴வம் விஶேஷவிஜ்ஞாநராஹித்யேந விஶிநஷ்டி —
யத்ரேதி ।
ஸர்வாத்மபா⁴வாக்²யஸ்ய லோகஸ்ய பரமத்வமுபபாத³யதி —
யே(அ)ந்ய இதி ।
மீயதே பரிச்சி²த்³யதே ஸாத்⁴யத இதி யாவத் ।
ஸௌஷுப்தஸ்ய ஸர்வாத்மபா⁴வஸ்ய பரமாநந்த³த்வம் விஶத³யதி —
யாநீதி ।
ஆத்மநோ(அ)நவச்சி²ந்நாநந்த³த்வே சா²ந்தோ³க்³யஶ்ருதிம் ஸம்வாத³யதி —
யோ வை பூ⁴மேதி ।
நநு வைஷயிகமேகம் ஸுகா²மாத்மரூபம் சாபரமிதி ஸுக²பே⁴தா³ங்கீ³காராத³பஸித்³தா⁴ந்த: ஸ்யாதி³த்யாஶங்க்ய முக்²யாமுக்²யபே⁴தே³ந தது³பபத்தேர்மைவமித்யாஹ —
யத்ரேத்யதி³நா ।
கிஞ்ச வஸ்துதோ நாஸ்த்யேவா(அ)(அ)த்மஸுகா²திரிக்தம் வைஷயிகம் ஸுக²மித்யாஹ —
ஏதஸ்யேதி ।
ப்³ரஹ்மாதிரிக்தசேதநாபா⁴வே காந்யுபஜீவிகாநி ஸ்யுரித்யாஶங்க்ய பரிஹரதி —
காநீத்யாதி³நா ।
விபா⁴வ்யமாநாமாநந்த³ஸ்ய மாத்ராமிதி பூர்வேண ஸம்ப³ந்த⁴: ॥ 32 ॥