ஸ யோ மநுஷ்யாணாமித்யதி³வாக்யதாத்பர்யமாஹ —
யஸ்யேதி ।
யதா² ஸைந்த⁴வாவயவை: ஸைந்த⁴வாசலம் லோகோ போ³த⁴யதி ததா² தஸ்யா(அ)(அ)நந்த³ஸ்ய மாத்ரா நாமாவயவாஸ்தத்ப்ரத³ர்ஶநத்³வாரேணாவயவிநம் பரமாநந்த³மதி⁴க³மயிதுமிச்ச²ந்நநந்தரோ க்³ரந்த²: ப்ரவ்ருத்த இத்யர்த²: ।
தாத்பர்யமுக்த்வா(அ)க்ஷராணி வ்யாசஷ்டே —
ஸ ய: கஶ்சிதி³த்யாதி³நா ।
ராத்³த⁴த்வமவிகலத்வம் சேத்ஸம்ருத்³த⁴த்வேந புநருக்திரித்யாஶங்க்யா(அ)(அ)ஹ —
ஸமக்³ரேதி ।
ததே³வ ஸம்ருத்³த⁴த்வமபீத்யாஶங்க்ய வ்யாகரோதி —
உபபோ⁴கே³தி ।
அந்தர்ப³ஹி:ஸம்பத்திபே⁴தா³த³புநருக்திரிதி பா⁴வ: ।
ந கேவலமுக்தமேவ தஸ்ய விஶேஷணம் கிந்து விஶேஷணாந்தரம் சாஸ்தீத்யாஹ —
கிஞ்சேதி ।
விஶேஷணதாத்பர்யமாஹ —
தி³வ்யேதி ।
தத³நிவர்தநே த்வஸ்ய வக்ஷ்யமாணக³ந்த⁴ர்வாதி³ஷ்வந்தர்பா⁴வ: ஸ்யாதி³தி பா⁴வ: । அதிஶயேந ஸம்பந்ந இதி ஶேஷ: ।
அபே⁴த³நிர்தே³ஶஸ்யாபி⁴ப்ராயமாஹ —
தத்ரேதி ।
ப்ரக்ருதம் வாக்யம் ஸப்தம்யர்த²: । ஆத்மந: ஸகாஶாதா³நந்த³ஸ்யேதி ஶேஷ: ।
ஔபசாரிகத்வமபே⁴த³நிர்தே³ஶஸ்ய ப⁴விஷ்யதீத்யாஶங்க்யா(அ)(அ)ஹ —
பரமாநந்த³ஸ்யேதி ।
தஸ்யைவ விஷயத்வம் விஷயித்வமிதி ஸ்தி²தே ப²லிதமாஹ —
தஸ்மாதி³தி ।
யதோ²க்தோ மநுஷ்யோ ந த்³ருஷ்டிபத²மவதரதீத்யாஶங்க்யா(அ)(அ)ஹ —
யுதி⁴ஷ்டி²ராதீ³தி ।
அத² யே ஶதம் மநுஷ்யாணாமித்யாதே³ஸ்தாத்பர்யமாஹ —
த்³ருஷ்டமிதி ।
ஶதகு³ணேநோத்தரத்ரா(அ)(அ)நந்த³ஸ்யோத்கர்ஷப்ரத³ர்ஶநக்ரமேண பரமாநந்த³முந்நீய தமதி⁴க³மயத்யுத்தரேண க்³ரந்தே²நேதி ஸம்ப³ந்த⁴: ।
பரமாநந்த³மேவ விஶிநஷ்டி —
யத்ரேதி ।
பே⁴த³: ஸம்க்²யாவ்யவஹார: ।
உக்தமேவ ப்ரபஞ்சயதி —
யத்ரேத்யாதி³நா ।
பரமாநந்தே³ விவ்ருத்³தி⁴காஷ்டா²யாம் ஹேதுமாஹ —
அந்யேதி ।
யத்³யபி யஸ்யேத்யாதி³நோக்தமேதத்ததா²(அ)பீஹாக்ஷரவ்யாக்²யாநாவஸரே ததே³வ விவ்ருதமித்யவிரோத⁴: । தத்ததா³நந்த³ப்ரத³ர்ஶநாநந்தர்யம் தத்ர தத்ராத²ஶப்³தா³ர்த²: । தத்தத்³வாக்யோபக்ரமோ வா । ஏவம்ப்ரகாரத்வம் ஸம்ருத்³த⁴த்வாதி³ । பித்ருணாமாநந்த³ இதி ஸம்ப³ந்த⁴: । ஶ்ராத்³தா⁴தி³கர்மபி⁴ரித்யாதி³ஶப்³தே³ந பிண்ட³பித்ருயஜ்ஞாதி³ க்³ருஹ்யதே ।
கே தே கர்மதே³வா நாம தத்ரா(அ)(அ)ஹ —
அக்³நிஹோத்ராதீ³தி ।
யதா² க³ந்த⁴ர்வாநந்த³: ஶதகு³ணீக்ருத: கர்மதே³வாநாமேக ஆநந்த³ஸ்ததா² கர்மதே³வாநந்த³: ஶதகு³ணீக்ருத: ஸந்நாஜாநதே³வாநாமேக ஆநந்தோ³ ப⁴வதீத்யாஹ —
ததை²வேதி ।
குத்ர வீதத்ருஷ்ணத்வம் தத்ரா(அ)(அ)ஹ —
ஆஜாநதே³வேப்⁴ய இதி ।
ஶ்ரோத்ரியாதி³வாக்யஸ்ய ப்ரக்ருதாஸம்க³திமாஶங்க்யா(அ)(அ)ஹ —
தஸ்ய சேதி ।
ஏவம்பூ⁴தஸ்ய விஶேஷணத்ரயவிஶிஷ்டஸ்யேதி யாவத் ।
ப்ரஜாபதிலோகஶப்³த³ஸ்ய ப்³ரஹ்மலோகாஶப்³தா³த³ர்த²பே⁴த³மாஹ —
விராடி³தி ।
யதா² விராடா³த்மந்யாஜாநதே³வாநந்த³: ஶதகு³ணீக்ருத: ஸந்நேக ஆநந்தோ³ ப⁴வதி ததா² விராடா³த்மோபாஸிதா ஶ்ரோத்ரியத்வாதி³விஶேஷணோ விராஜா துல்யாநந்த³: ஸ்யாதி³த்யாஹ —
ததே²தி ।
தச்ச²தகு³ணீக்ருதேதி தச்ச²ப்³தோ³ விராடா³நந்த³விஷய: ।
ஶ்ரோத்ரியத்வாதி³விஶேஷணவாநபி ஹிரண்யக³ர்போ⁴பாஸகஸ்தேந துல்யாநந்தோ³ ப⁴வதீத்யாஹ —
யஶ்சேதி ।
ஹிரண்யக³ர்பா⁴நந்தா³து³பரிஷ்டாத³பி ப்³ரஹ்மாநந்தே³ க³ணிதபே⁴தே³ ப்ராகரணிகே ப்ராப்தே ப்ரத்யாஹ —
அத: பரமிதி ।
ஏஷோ(அ)ஸ்ய பரம ஆநந்த³ இத்யுபக்ரம்ய கிமித்யாநந்தா³ந்தரமுபத³ர்ஶிதமித்யாஶங்க்யா(அ)(அ)ஹ —
ஏஷ இதி ।
ததா²(அ)பி ஸௌஷுப்தம் ஸர்வாத்மத்வமுபேக்ஷிதமிதி சேந்நேத்யாஹ —
யஸ்ய சேதி ।
ப்ரக்ருதஸ்ய ப்³ரஹ்மாநந்த³ஸ்யாபரிச்சி²ந்நத்வமாஹ —
தத்ர ஹீதி ।
அநவச்சி²ந்நத்வப²லமாஹ —
பூ⁴மத்வாதி³தி।
ப்³ரஹ்மாநந்தா³தி³தரே பரிச்சி²ந்நா மர்த்யாஶ்சேத்யாஹ —
இதர இதி ।
அத² யத்ராந்யத்பஶ்யதீத்யாதி³ஶ்ருதேரிதி பா⁴வ: ।
ஶ்ரோத்ரியாதி³பதா³நி வ்யாக்²யாய தாத்பர்யம் த³ர்ஶயதி —
அத்ர சேதி ।
மத்⁴யே விஶேஷணேஷு த்ரிஷ்விதி யாவத் । துல்யே ஸர்வபர்யாயேஷ்விதி ஶேஷ: ।
விஶேஷணாந்தரே விஶேஷமாஹ —
அகாமஹதத்வேதி ।
யதோ²க்தம் விபா⁴க³முபபாத³யிதும் ஸித்³த⁴மர்த²மாஹ —
அத்ரைதாநீதி ।
யஶ்சேத்யாதி³வாக்யம் ஸப்தம்யர்த²: । தஸ்ய தஸ்யா(அ)(அ)நந்த³ஸ்யேதி தை³வப்ராஜாபத்யாதி³நிர்தே³ஶ: ।
அர்தா²த³பி⁴ஹிதத்வே த்³ருஷ்டாந்தமாஹ —
யதே²தி।
யே கர்மணா தே³வத்வமித்யாதி³ஶ்ருதிஸாமர்த்²யாத்³தே³வாநந்தா³ப்தௌ யதா² கர்மாணி ஸாத⁴நாந்யுக்தாநி ததா² யஶ்சேத்யாதி³ஶ்ருதிஸாமர்த்²யாதே³தாந்யபி ஶ்ரோத்ரியத்வாதீ³நி தத்ததா³நந்த³ப்ராப்தௌ ஸாத⁴நாநி விவக்ஷிதாநீத்யர்த²: ।
நநு த்ரயாணாமவிஶேஷஶ்ருதௌ கத²ம் ஶ்ரோத்ரியத்வாவ்ருஜிநத்வயோ: ஸர்வத்ர துல்யத்வம் ந ஹி தே பூர்வபூ⁴மிஷு ஶ்ருதே ததா² சாகாமஹதத்வவதா³நந்தோ³த்கர்ஷே தயோரபி ஹேதுதேதி தத்ரா(அ)(அ)ஹ —
தத்ர சேதி ।
நிர்தா⁴ரணார்தா² ஸப்தமீ । ந ஹி ஶ்ரோத்ரியத்வாதி³ஶூந்ய: ஸார்வபௌ⁴மாதி³தி³ஸுக²மநுப⁴விதுமுத்ஸஹதே । ததா² ச ஸர்வத்ர ஶ்ரோத்ரிந்த்³ரியத்வாதே³ஸ்துல்யத்வாந்ந ததா³நந்தா³திரேகப்ராப்தாவஸாதா⁴ரணம் ஸாத⁴நமித்யர்த²: ।
யது³க்தமாநந்த³ஶதகு³ணவ்ருத்³தி⁴ஹேதுரகாமஹதத்வக்ருதோ விஶேஷ இதி தது³பபாத³யதி —
அகாமஹதத்வம் த்விதி ।
பூர்வபூர்வபூ⁴மிஷு வைராக்³யமுத்தரோத்தரபூ⁴ம்யாநந்த³ப்ராப்திஸாத⁴நம் வைராக்³யஸ்ய தரதமபா⁴வேந பரமகாஷ்டோ²பபத்தேர்நிரதிஶயஸ்ய தஸ்ய பரமாநந்த³ப்ராப்திஸாத⁴நத்வஸம்ப⁴வாதி³த்யர்த²: ।
யஶ்சேத்யாதி³வாக்யஸ்யேத்த²ம் தாத்பர்யமுக்த்வா ப்ரக்ருதே பரமாநந்தே³ வித்³வத³நுப⁴வம் ப்ரமாணயதி —
ஸ ஏஷ இதி ।
நிரதிஶயமகாமஹதத்வம் பரமாநந்த³ப்ராப்திஹேதுரித்யத்ர ப்ரமாணமாஹ —
ததா² சேதி ।
ப்ரக்ருதம் ப்ரத்யக்³பூ⁴தம் பரமாநந்த³மேஷ இதி பராம்ருஶதி ।
ஶ்ருதிர்மேதா⁴வீத்யாத்³யா தாம் வ்யாசஷ்டே —
நேத்யாதி³நா ।
ததா²(அ)பி கிம் தத்³ப⁴யகாரணம் ததா³ஹ —
யத்³யதி³தி ।
மேதா⁴வித்வாத்ப்ரஜ்ஞாதிஶயஶாலித்வாதி³தி யாவத் ।
ததே³வ ப⁴யகாரணம் ப்ரகடயதி —
ஸர்வமிதி ॥ 33 ॥