ஸ வா ஏஷ ஏதஸ்மிந்நித்யாத்³யுத்தரக்³ரந்த²ஸ்ய ஸம்ப³ந்த⁴ம் வக்தும் வ்ருத்தம் கீர்தயதி —
அத்ரேதி ।
அத்ராயம் புருஷ: ஸயம் ஜ்யோதிர்ப⁴வதீதி வாக்யம் ஸப்தம்யர்த²: ।
வ்ருத்தமர்தா²ந்தரமநுத்³ரவதி —
ஸ்வப்நாந்தேதி ।
கார்யகரணவ்யதிரிக்தத்வம் ப்ரத³ர்ஶிதமிதி ஸம்ப³ந்த⁴: ।
உக்தமர்தா²ந்தரமாஹ —
காமேதி ।
அத² யத்ரைநம் க்⁴நந்தீவேத்யாதா³வுக்தமநுபா⁴ஷதே —
புநஶ்சேதி ।
கிம் தத்ர கார்யப்ரத³ர்ஶநஸாமர்த்²யாந்நிர்தா⁴ரிதமவித்³யாயா: ஸதத்த்வம் ததா³ஹ —
அதத்³த⁴ர்மேதி ।
அநாத்மத⁴ர்மத்வமாத்மநி சைதந்யவத³ஸ்வாபா⁴விகத்வம் ।
அவித்³யாகார்யவத்³வித்³யாகார்யம் ச ஸ்வப்நே ஸர்வாத்மபா⁴வலக்ஷணம் ப்ரத்யக்ஷத ஏவ ப்ரத³ர்ஶிதமித்யாஹ —
ததே²தி ।
ஸுஷுப்தே(அ)பி ஸ்வப்நவதே³தத்³த³ர்ஶிதமித்யாஹ —
ஏவமிதி ।
ஸாக்ஷாத்ஸ்வரூபசைதந்யவஶாதி³த்யேதத் । அந்யதோ²த்தி²தஸ்ய ஸுக²பராமர்ஶோ ந ஸ்யாதி³தி பா⁴வ: ।
உக்தம் வித்³யாகார்யம் நிக³மயதி —
ஏஷ இதி ।
தமேவ வித்³யாவிஷயம் விஶத³யதி —
ஸ ஏஷ இதி ।
வ்ருத்தாநுவாத³முபஸம்ஹரதி —
இத்யேததி³தி ।
ஏவமந்தேந க்³ரந்தே²ந ப்³ரஹ்மலோகாந்தவாக்யேநேதி யாவத் ।
ஸோ(அ)ஹமித்யாதே³ஸ்தாத்பர்யமநுவத³தி —
தச்சேதி ।
யதோ ராஜேத்த²ம் மந்யதே(அ)தஸ்தஸ்ய ஸஹஸ்ரதா³நே யுக்தா ப்ரவ்ருத்திரித்யர்த²: ।
அத ஊர்த்⁴வமித்யாதே³ரபி⁴ப்ராயமநுத்³ரவதி —
தே சேதி ।
யத்³யபி யதோ²க்தலக்ஷணே மோக்ஷப³ந்த⁴நே ப்ராகே³வோபதி³ஷ்டே ததா²(அ)பி பூர்வோக்தம் ஸர்வம் த்³ருஷ்டாந்தபூ⁴தமேவ தயோரிதி யதோ ராஜா ப்⁴ராம்யத்யதோ மோக்ஷப³ந்த⁴நே தா³ர்ஷ்டாந்திகபூ⁴தே வக்தவ்யே யாஜ்ஞவல்க்யேநேதி மந்யமாநஸ்தம் ப்ரேரயதீத்யர்த²: ।
ப³ந்த⁴மோக்ஷயோர்வக்தவ்யத்வேந ப்ராப்தயோரபி ப்ரத²மம் ப³ந்தோ⁴ வர்ண்யத இதி வக்தும் த்³ருஷ்டாந்தம் ஸ்மாரயதி —
தத்ரேதி ।
த்³ருஷ்டாந்தமநூத்³ய தா³ர்ஷ்டாந்திகஸ்ய ப³ந்த⁴ஸ்ய ஸூத்ரிதத்வம் த³ர்ஶயதி —
யதா² சேத்யாதி³நா ।
உபௌ⁴ லோகாவித்யத்ர ப்ரத²மமேவம்ஶப்³தோ³ த்³ரஷ்டவ்ய: ।
வ்ருத்தமநூத்³யாநந்தரப்ரகரணமுத்தா²பயதி —
ததி³ஹேதி ।
அஜ்ஞ: ஸம்ஸாரீ ஸப்தம்யர்த²: । ஸநிமித்தம் காமாதி³நா நிமித்தேந ஸஹிதமித்யேதத் ।
ப்ரகரணாரம்ப⁴முக்த்வா ஸமநந்தரவாக்யஸ்ய வ்யவஹிதேந ஸம்ப³ந்த⁴மாஹ —
தத்ர சேதி ।
ஸ வா ஏஷ ஏதஸ்மிந்பு³த்³தா⁴ந்தே ரத்வேத்யுபக்ரம்ய ஸ்வப்நாந்தாயைவேதி வாக்யம் ஸப்தம்யா பராம்ருஶ்யதே ।
ஸ்வப்நாந்தஶப்³த³ஸ்ய ஸ்வப்நவிஷயவ்யாவ்ருத்யர்த²ம் விஶிநஷ்டி —
ஸம்ப்ரஸாதே³தி ।
கத²ம் புந: ஸம்ப்ரஸந்நஸ்ய ஸம்ஸாரோபவர்ணநமித்யாஶங்க்யா(அ)(அ)ஹ —
தத இதி ।
ப்ராகு³க்த: ஸப்தம்யர்தோ² வ்யவஹிதோ க்³ரந்த²ஸ்தேநேதி பராம்ருஶ்யதே । ஸமநந்தரக்³ரந்த²: ஷஷ்ட்²யோச்யதே ।
வாக்யஸ்ய வ்யவஹிதேந ஸம்ப³ந்த⁴முக்த்வா தத³க்ஷராணி யோஜயதி —
ஸ வை பு³த்³தா⁴ந்தாதி³தி ।
ஸ்வப்நாந்தே ரத்வா சரித்வேத்யாதி³ பு³த்³தா⁴ந்தாயைவா(அ)(அ)த்³ரவதீத்யேதத³ந்தம் பூர்வவதி³தி யோஜநா ॥ 34 ॥