ப்ரஶ்நசதுஷ்டயமநூத்³ய தது³த்தரத்வேந ஸ யத்ரேத்யாதி³ வாக்யமாதா³ய வ்யாகரோதி —
தத³ஸ்யேத்யாதி³நா ।
ப்ரஶ்நபூர்வகம் கார்ஶ்யநிமித்தம் ஸ்வாபா⁴விகமாக³ந்துகம் சேதி த³ர்ஶயதி —
கிம்ந்நிமித்தமித்யாதி³நா ।
கத²ம் ஜ்வராதி³நா கார்ஶ்யப்ராப்திரித்யாஶங்க்யா(அ)(அ)ஹ —
உபதப்யமாநோ ஹீதி ।
யதோ²க்தநிமித்தத்³வயவஶாத்கார்ஶ்யப்ராப்திம் நிக³மயதி —
அணிமாநமிதி ।
கஸ்மிந்காலே ததூ³ர்த்⁴வோச்ச்²வாஸித்வமஸ்யேதி ப்ரஶ்நஸ்யோத்தரமுக்தயா வித⁴யா ஸித்³த⁴மித்யாஹ —
யதே³தி ।
அவஶிஷ்டப்ரஶ்நத்ரயஸ்யோத்தரமாஹ —
யதோ³ர்த்⁴வோச்ச்²வாஸீதி ।
தத்ர ஹி கார்ஶ்யநிமித்தம் ஸம்ப்⁴ருதஶகடவந்நாநாஶப்³த³கரணம் ஸ்வரூபம் ஶரீரவிமோக்ஷணம் ப்ரயோஜநமித்யர்த²: ।
ஸ யத்ரேத்யாதி³வாக்யாத³ர்த²ஸித்³த⁴மர்த²மாஹ —
ஜரேதி ।
தத்³யதே²த்யாதி³வாக்யம் ப்ரஶ்நபூர்வகமாதா³ய வ்யாசஷ்டே —
யதே³த்யாதி³நா ।
கத²ம் ப³ந்த⁴நாத்ப்ரமுச்யத இதி ஸம்ப³ந்த⁴: ।
கிமிதி விஷமநேகத்³ருஷ்டாந்தோபாதா³நமேகேநாபி விவக்ஷிதஸித்³தே⁴ரித்யாஶங்க்யா(அ)(அ)ஹ —
விஷமேதி ।
கத²ம் மரணஸ்யாநியதாந்யநேகாநி நிமித்தாநி ஸம்ப⁴வந்தீத்யாஶங்க்யாநுப⁴வமநுஸ்ருத்யா(அ)(அ)ஹ —
அநியதாநீதி ।
அத² மரணஸ்யாநேகாநியதநிமித்தவத்த்வஸம்கீர்தநம் குத்ரோபயுஜ்யதே தத்ரா(அ)(அ)ஹ —
ஏதத³பீதி ।
தத³ர்த²வத்வமேவ ஸமர்த²யதே —
யஸ்மாதி³தி ।
இத்யப்ரமத்தைர்ப⁴விதவ்யமிதி ஶேஷ: ।
வ்ருத்தேந ஸஹ ப²லம் யேந ரஸேந ஸம்ப³த்⁴யதே ஸ ரஸோ ப³ந்த⁴நகாரணபூ⁴தோ ப³ந்த⁴நம் வ்ருந்தமேவ வா ப³ந்த⁴நம் யஸ்மிந்ப²லம் ப³த்⁴யதே ரஸேநேதி வ்யுத்பத்தேஸ்தஸ்மாத்³ப³ந்த⁴நாத³நேகாநிமித்தவஶாத்பூர்வோக்தஸ்ய ப²லஸ்ய ப⁴வதி ப்ரமோக்ஷணமித்யாஹ —
ப³ந்த⁴நாதி³த்யாதி³நா ।
லிங்க³மாத்மோபாதி⁴ரஸ்யேதி தத்³விஶிஷ்ட: ஶாரீரஸ்ததோ²ச்யதே । ஸம்ப்ரமுச்யா(அ)(அ)த்³ரவதீதி ஸம்ப³ந்த⁴: ।
ஸமித்யுபஸர்க³ஸ்ய தாத்பர்யமாஹ —
நேத்யாதி³நா ।
யதி³ ஸ்வப்நாவஸ்தா²யாமிவ மரணாவஸ்தா²யாம் ப்ராணேந தே³ஹம் ரக்ஷந்நாத்³ரவதீதி நா(அ)(அ)த்³ரியதே கேந ப்ரகாரேண தர்ஹி ததா³ தே³ஹாந்தரம் ப்ரதி க³மநமித்யாஶங்க்யா(அ)(அ)ஹ —
கிம் தர்ஹீதி ।
வாயுநா ப்ராணேந ஸஹ கரணஜாதமுபஸம்ஹ்ருத்யா(அ)(அ)த்³ரவதீதி பூர்வவத்ஸம்ப³ந்த⁴: ।
புந: ப்ரதிந்யாயமிதி ப்ரதீகமாதா³ய புந:ஶப்³த³ஸ்ய தாத்பர்யமாஹ —
புநரித்யாதி³நா ।
ததா² புநராத்³ரவதீதி ஸம்ப³ந்த⁴: ।
யதா² பூர்வமிமம் தே³ஹம் ப்ராப்தவாந்புநரபி ததை²வ தே³ஹாந்தரம் க³ச்ச²தீத்யாஹ —
ப்ரதிந்யாயமிதி ।
தே³ஹாந்தரக³மநே காரணமாஹ —
கர்மேதி ।
ஆதி³ஶப்³தே³ந பூர்வப்ரஜ்ஞா க்³ருஹ்யதே । ப்ராணவ்யூஹாய ப்ராணாநாம் விஶேஷாபி⁴வ்யக்திலாபா⁴யேதி யாவத் ।
ப்ராணாயேதி ஶ்ருதி: கிமர்த²மித்த²ம் வ்யாக்²யாயதே தத்ரா(அ)(அ)ஹ —
ஸப்ராண இதி ।
ஏதச்ச தத³நந்தரப்ரதிபத்த்யதி⁴கரணே நிர்தா⁴ரிதம் ।
ப்ராணாயேதி விஶேஷணஸ்யா(அ)(அ)நர்த²க்யாத்³யுக்தம் ப்ராணவ்யூஹாயேதி விஶேஷணமித்யாஹ —
ப்ராணேதி।
நந்வஸ்ய ப்ராண: ஸஹ வர்ததே சேத்தாவதைவ போ⁴க³ஸித்³தே⁴ரலம் ப்ராணவ்யூஹேநேத்யாஶங்க்யா(அ)(அ)ஹ —
தேந ஹீதி ।
அந்யதா² ஸுஷுப்திமூர்ச²யோரபி போ⁴க³ப்ரஸக்தேரித்யர்த²: । தாத³ர்த்²யாய ப்ராணஸ்ய போ⁴க³ஶேஷத்வஸித்⁴யர்த²மிதி யாவத் ॥ 36 ॥