अद्वैतशारदा | दक्षिणाम्नाय श्रीशारदापीठम्, शृङ्गेरी

ಸ ಯತ್ರಾಯಮಾತ್ಮಾ । ಸಂಸಾರೋಪವರ್ಣನಂ ಪ್ರಸ್ತುತಮ್ ; ‘ತತ್ರಾಯಂ ಪುರುಷ ಏಭ್ಯೋಽಂಗೇಭ್ಯಃ ಸಂಪ್ರಮುಚ್ಯ’ (ಬೃ. ಉ. ೪ । ೩ । ೩೬) ಇತ್ಯುಕ್ತಮ್ । ತತ್ಸಂಪ್ರಮೋಕ್ಷಣಂ ಕಸ್ಮಿನ್ಕಾಲೇ ಕಥಂ ವೇತಿ ಸವಿಸ್ತರಂ ಸಂಸರಣಂ ವರ್ಣಯಿತವ್ಯಮಿತ್ಯಾರಭ್ಯತೇ —

ಬ್ರಾಹ್ಮಣಾಂತರಮುತ್ಥಾಪಯತಿ —

ಸ ಯತ್ರೇತಿ ।

ತಸ್ಯ ಸಂಬಂಧಂ ವಕ್ತುಮುಕ್ತಂ ಕೀರ್ತಯತಿ —

ಸಂಸಾರೇತಿ ।

ವಕ್ಷ್ಯಮಾಣೋಪಯೋಗಿತ್ವೇನೋಕ್ತಮರ್ಥಾಂತರಮನುದ್ರವತಿ —

ತತ್ರೇತಿ ।

ಸಂಸಾರಪ್ರಕರಣಂ ಸಪ್ತಮ್ಯರ್ಥಃ ।

ಸಂಪ್ರತ್ಯಾಕಾಂಕ್ಷಾಪೂರ್ವಕಮುತ್ತರಬ್ರಾಹ್ಮಣಮಾದತ್ತೇ —

ತತ್ಸಂಪ್ರಮೋಕ್ಷಣಮಿತಿ ।