పేశస్కారివాక్యవ్యావర్త్యామాశఙ్కామాహ —

తత్రేతి ।

సంసారిణో హి ప్రకృతే దేహాన్తరారమ్భే కిముపాదానమస్తి కిం వా నాస్తి ? నాస్తి చేన్న భావరూపం కార్యం సిధ్యేత । అస్తి చేత్తత్కిం భూతపఞ్చకముతాన్యత్ । ఆద్యేఽపి తన్నిత్యోపాత్తమేవ పూర్వపూర్వదేహోపమర్దేనాన్యమన్యం దేహమారభతే కింవాఽన్యద్దూతపఞ్చకమన్యమన్యం దేహం జనయతి । నాఽద్యః । భూతపఞ్చకస్య తత్తదేహోపాదానత్వే మాయాయాః సర్వకరణత్వస్వీకారవిరోధాత్ । న ద్వితీయః । భూతపాఞ్చకోత్పత్తావపి కారణాన్తరస్య మృగ్యత్వాత్తస్యైవ దేహాన్తరకారణత్వసంభవాన్నేతరో దేహస్య పాఞ్చభౌతికత్వప్రసిద్ధివిరోధాదితి భావః ।

ఉత్తరం వాక్యముత్తరత్వేనాఽఽదత్తే —

అత్రేతి ।

తచ్ఛబ్దార్థమపేక్షితం పూరయన్నాహ —

దృష్టాన్త ఇతి ।