ஸ வா அயமாத்மா ப்³ரஹ்மேதி பா⁴க³ம் வ்யாகுர்வந்நாத்மநோ ப்³ரஹ்மைக்யம் வாஸ்தவம் வ்ருத்தம் த³ர்ஶயதி —
ஸ வா இதி ।
யஸ்யைவாவாஸ்தவம் ரூபமுபந்யஸ்யதி —
விஜ்ஞாநமய இத்யாதி³நா ।
ஜ்யோதிர்ப்³ராஹ்மணே(அ)பி வ்யாக்²யாதம் விஜ்ஞாநமயத்வமித்யாஹ —
கதம இதி ।
கஸ்மிந்நர்தே² மயட் ப்ரயுஜ்யதே தத்ரா(அ)(அ)ஹ —
விஜ்ஞாநேதி ।
உக்தே மயட³ர்தே² ஹேதுமாஹ —
யஸ்மாதி³தி ।
பு³த்³த்⁴யைக்யாத்⁴யாஸாத்தத்³த⁴ர்மஸ்ய கர்த்ருத்வாதே³ராத்மநி ப்ரதீதிரித்யத்ர மாநமாஹ —
த்⁴யாயதீவேதி ।
மந:ஸம்நிகர்ஷாத்தேந த்³ரஷ்டவ்யதயா ஸம்ப³ந்தா⁴தி³தி யாவத் ।
சக்ஷுர்மயத்வாதே³ருபலக்ஷணத்வமங்கீ³க்ருத்யா(அ)(அ)ஹ —
ஏவமிதி ।
உக்தமநூத்³ய ஸாமாந்யேந பூ⁴தமயத்வமாஹ —
ஏவம் பு³த்³தீ⁴தி ।
பூ⁴தமயத்வே ஸத்யவாந்தரவிஶேஷமாஹ —
தத்ரேத்யாதி³நா ।
ந சா(அ)(அ)காஶபரமாண்வபா⁴வாதா³காஶஸ்ய ஶரீராநாரம்ப⁴கத்வம் ஶ்ருதிவிருத்³தா⁴ரம்ப⁴ப்ரக்ரியாநப்⁴யுபக³மாதி³த்யபி⁴ப்ரேத்யா(அ)(அ)ஹ —
ததா²(அ)(அ)காஶேதி ।
கத²ம் புநர்த⁴ர்மாதி³மயத்வே காமாதி³மயத்வமுபயுஜ்யதே தத்ரா(அ)(அ)ஹ —
ந ஹீதி ।
கத²ம் த⁴ர்மாதி³மயத்வம் ஸர்வமயத்வே காரணமித்யாஶங்க்யா(அ)(அ)ஹ —
ஸமஸ்தமிதி ।
தத்³யதே³ததி³த்யாதே³ரர்த²மாஹ —
கிம் ப³ஹுநேதி ।
விஷய: ஶப்³தா³தி³ஸ்ததோ(அ)ந்யத³பி ப்ரத்யக்ஷதோ அவக³திப்ரகாரமபி⁴நயதி —
இத³மஸ்யேதி ।
இத³ம்மயத்வமதோ³மயத்வம் சோபஸம்ஹரதி —
தேநேத்யாதி³நா ।
பரோக்ஷத்வம் வ்யாகரோதி —
அந்த:ஸ்த² இதி ।
வ்யவஹிதவிஷயவ்யவஹாரவாநிதி யாவத் । இதா³நீமித்யஸ்மாது³பரிஷ்டாத³பி தேநேதி ஸம்ப³த்⁴யதே । பரோக்ஷத்வாவஸ்தே²தா³நீமித்யுக்தா । த்ருதீயயா ச ப்ரக்ருதோ வ்யவஹாரே நிர்தி³ஶ்யதே । இதிஶப்³த³: ஸர்வமயத்வோபஸம்ஹாரார்த²: ।
விஜ்ஞாநமயாதி³வாக்யார்த²ம் ஸம்க்ஷிபதி —
ஸம்க்ஷேபதஸ்த்விதி ।
கரணசரணயோரைக்யேந பௌநருக்த்யமாஶங்க்யா(அ)(அ)ஹ —
கரணம் நாமேதி ।
ஆதி³ஶப்³த³: ஶிஷ்டாசாரஸம்க்³ரஹார்த²: ।
வாக்யாந்தரம் ஶங்கோத்தரத்வேநோத்தா²ப்ய வ்யாசஷ்டே —
தாச்சீ²ல்யேத்யாதி³நா ।
குத்ர தர்ஹி தாச்சீ²ல்யமுபயுஜ்யதே தத்ரா(அ)(அ)ஹ —
தாச்சீ²ல்யே த்விதி ।
பூர்வபக்ஷமுபஸம்ஹரதி —
தத்ரேத்யாதி³நா ।
கர்மண: ஸம்ஸாரகாரணத்வமுபஸம்ஹரதி —
ஏதத்ப்ரயுக்தோ ஹீதி ।
ஸம்ஸாரப்ரயோஜகே கர்மணி ப்ரமாணமாஹ —
ஏதத்³விஷயௌ ஹீதி ।
கத²ம் யதோ²க்தகர்மவிஷயத்வம் விதி⁴நிஷேத⁴யோரித்யாஶங்க்யா(அ)(அ)ஹ —
அத்ரேதி ।
இதிஶப்³த³: பூர்வபக்ஷஸமாப்த்யர்த²: ।