ಅಂಧಮ್ ಅದರ್ಶನಾತ್ಮಕಂ ತಮಃ ಸಂಸಾರನಿಯಾಮಕಂ ಪ್ರವಿಶಂತಿ ಪ್ರತಿಪದ್ಯಂತೇ ; ಕೇ ? ಯೇ ಅವಿದ್ಯಾಂ ವಿದ್ಯಾತೋಽನ್ಯಾಂ ಸಾಧ್ಯಸಾಧನಲಕ್ಷಣಾಮ್ , ಉಪಾಸತೇ, ಕರ್ಮ ಅನುವರ್ತಂತ ಇತ್ಯರ್ಥಃ ; ತತಃ ತಸ್ಮಾದಪಿ ಭೂಯ ಇವ ಬಹುತರಮಿವ ತಮಃ ಪ್ರವಿಶಂತಿ ; ಕೇ ? ಯೇ ಉ ವಿದ್ಯಾಯಾಮ್ ಅವಿದ್ಯಾವಸ್ತುಪ್ರತಿಪಾದಿಕಾಯಾಂ ಕರ್ಮಾರ್ಥಾಯಾಂ ತ್ರಯ್ಯಾಮೇವ ವಿದ್ಯಾಯಾಮ್ , ರತಾ ಅಭಿರತಾಃ ; ವಿಧಿಪ್ರತಿಷೇಧಪರ ಏವ ವೇದಃ, ನಾನ್ಯೋಽಸ್ತಿ — ಇತಿ, ಉಪನಿಷದರ್ಥಾನಪೇಕ್ಷಿಣ ಇತ್ಯರ್ಥಃ ॥