ಯದಿ ತೇ ಅದರ್ಶನಲಕ್ಷಣಂ ತಮಃ ಪ್ರವಿಶಂತಿ, ಕೋ ದೋಷ ಇತ್ಯುಚ್ಯತೇ — ಅನಂದಾಃ ಅನಾನಂದಾಃ ಅಸುಖಾ ನಾಮ ತೇ ಲೋಕಾಃ, ತೇನ ಅಂಧೇನಾದರ್ಶನಲಕ್ಷಣೇನ ತಮಸಾ ಆವೃತಾಃ ವ್ಯಾಪ್ತಾಃ, — ತೇ ತಸ್ಯ ಅಜ್ಞಾನತಮಸೋ ಗೋಚರಾಃ ; ತಾನ್ ತೇ ಪ್ರೇತ್ಯ ಮೃತ್ವಾ ಅಭಿಗಚ್ಛಂತಿ ಅಭಿಯಾಂತಿ ; ಕೇ ? ಯೇ ಅವಿದ್ವಾಂಸ ; ಕಿಂ ಸಾಮಾನ್ಯೇನ ಅವಿದ್ವತ್ತಾಮಾತ್ರೇಣ ? ನೇತ್ಯುಚ್ಯತೇ — ಅಬುಧಃ, ಬುಧೇಃ ಅವಗಮನಾರ್ಥಸ್ಯ ಧಾತೋಃ ಕ್ವಿಪ್ಪ್ರತ್ಯಯಾಂತಸ್ಯ ರೂಪಮ್ , ಆತ್ಮಾವಗಮವರ್ಜಿತಾ ಇತ್ಯರ್ಥಃ ; ಜನಾಃ ಪ್ರಾಕೃತಾ ಏವ ಜನನಧರ್ಮಾಣೋ ವಾ ಇತ್ಯೇತತ್ ॥