ಅಥೇಶ್ವರಸ್ಯಾಪಿ ಕಾಲಾನ್ಯತ್ವೇ ಸತಿ ವಸ್ತುತ್ವಾದ್ಘಟವತ್ಕಾಲಾವಚ್ಛಿನ್ನತ್ವಾನ್ನ ಕಾಲತ್ರಯಂ ಪ್ರತಿ ಯುಕ್ತಮೀಶ್ವರತ್ವಮತ ಆಹ —
ಕಿಂಚೇತಿ ।
ಯಸ್ಮಾದೀಶಾನಾದರ್ವಾಕ್ಸಂವತ್ಸರೋ ವರ್ತತೇ ತಮುಪಾಸತೇ ದೇವಾ ಇತಿ ಸಂಬಂಧಃ ।
ನನು ಕಥಂ ಸಂವತ್ಸರೋಽರ್ವಾಗಿತ್ಯುಚ್ಯತೇ ಕಾಲಸ್ಯ ಕಾಲಾಂತರಾಭಾವೇನ ಪೂರ್ವಕಾಲಸಂಬಂಧಾಭಾವಾದತ ಆಹ —
ಯಸ್ಮಾದಿತಿ ।
ಅನ್ವಯಸ್ತು ಪೂರ್ವವತ್ ।
ಆತ್ಮಜ್ಜ್ಯೋತಿಷೋ ಗುಣಮಾಯೌಷ್ಟ್ವಲಕ್ಷಣಂ ಸ್ಪಷ್ಟಯನ್ನುಪಾಸಕಸ್ಯ ಫಲಮಾಹ —
ಸರ್ವಸ್ಯೇತಿ ।
ಯಥೋಕ್ತೋಪಾಸನೇ ದೇವಾನಾಮೇವಾಧಿಕಾರೋ ವಿಶೇಷವಚನಾದಿತ್ಯಾಶಂಕ್ಯಾಽಽಹ —
ತಸ್ಮಾದಿತಿ ॥ ೧೬ ॥