అథేశ్వరస్యాపి కాలాన్యత్వే సతి వస్తుత్వాద్ఘటవత్కాలావచ్ఛిన్నత్వాన్న కాలత్రయం ప్రతి యుక్తమీశ్వరత్వమత ఆహ —
కిఞ్చేతి ।
యస్మాదీశానాదర్వాక్సంవత్సరో వర్తతే తముపాసతే దేవా ఇతి సంబన్ధః ।
నను కథం సంవత్సరోఽర్వాగిత్యుచ్యతే కాలస్య కాలాన్తరాభావేన పూర్వకాలసంబన్ధాభావాదత ఆహ —
యస్మాదితి ।
అన్వయస్తు పూర్వవత్ ।
ఆత్మజ్జ్యోతిషో గుణమాయౌష్ట్వలక్షణం స్పష్టయన్నుపాసకస్య ఫలమాహ —
సర్వస్యేతి ।
యథోక్తోపాసనే దేవానామేవాధికారో విశేషవచనాదిత్యాశఙ్క్యాఽఽహ —
తస్మాదితి ॥ ౧౬ ॥