ಮನಸೋ ಬ್ರಹ್ಮದರ್ಶನಸಾಧನತ್ವೇ ಕಥಂ ಬ್ರಹ್ಮಣೋ ವಾಙ್ಮನಸಾತೀತತ್ವಶ್ರುತಿರಿತ್ಯಾಶಂಕ್ಯಾಽಽಹ —

ಪರಮಾರ್ಥೇತಿ ।

ಕೇವಲಂ ಮನೋ ಬ್ರಹ್ಮಾವಿಷಯೀಕುರ್ವದಪಿ ಶ್ರವಣಾದಿಸಂಸ್ಕೃತಂ ತದಾಕಾರಂ ಜಾಯತೇ ತೇನ ದ್ರಷ್ಟವ್ಯಂ ತದುಚ್ಯತೇಽತ ಏವ ವೃತ್ತಿವ್ಯಾಪ್ಯಂ ಬ್ರಹ್ಮೇತ್ಯುಪಗಚ್ಛತೀತಿ ಭಾವಃ ।

ಅನುಶಬ್ದಾರ್ಥಮಾಹ —

ಆಚಾರ್ಯೇತಿ ।

ದ್ರಷ್ಟೃದ್ರಷ್ಟವ್ಯಾದಿಭಾವೇನ ಭೇದಮಾಶಂಕ್ಯಾಽಽಹ —

ತತ್ರ ಚೇತಿ ।

ಏವಕಾರಾರ್ಥಮಾಹ —

ನೇಹೇತಿ ।

ಕಥಮಾತ್ಮನಿ ವಸ್ತುತೋ ಭೇದರಹಿತೇಽಪಿ ಭೇದೋ ಭಾತೀತ್ಯಾಶಂಕ್ಯಾಽಽಹ —

ಅಸತೀತಿ ।

ನೇಹೇತ್ಯಾದೇಃ ಸಂಪಿಂಡಿತಮರ್ಥಂ ಕಥಯತಿ —

ಅವಿದ್ಯೇತಿ ॥ ೧೯ ॥