మనసో బ్రహ్మదర్శనసాధనత్వే కథం బ్రహ్మణో వాఙ్మనసాతీతత్వశ్రుతిరిత్యాశఙ్క్యాఽఽహ —

పరమార్థేతి ।

కేవలం మనో బ్రహ్మావిషయీకుర్వదపి శ్రవణాదిసంస్కృతం తదాకారం జాయతే తేన ద్రష్టవ్యం తదుచ్యతేఽత ఎవ వృత్తివ్యాప్యం బ్రహ్మేత్యుపగచ్ఛతీతి భావః ।

అనుశబ్దార్థమాహ —

ఆచార్యేతి ।

ద్రష్టృద్రష్టవ్యాదిభావేన భేదమాశఙ్క్యాఽఽహ —

తత్ర చేతి ।

ఎవకారార్థమాహ —

నేహేతి ।

కథమాత్మని వస్తుతో భేదరహితేఽపి భేదో భాతీత్యాశఙ్క్యాఽఽహ —

అసతీతి ।

నేహేత్యాదేః సంపిణ్డితమర్థం కథయతి —

అవిద్యేతి ॥ ౧౯ ॥