యథోక్తం వస్తునిదర్శనం నిగమయతి —
తమీదృశమితి ।
నిత్యశుద్ధత్వాదిలక్షణమితి యావత్ ।
ఉక్తరీత్యా ప్రజ్ఞాకరణే కాని సాధనాని చేత్తాని దర్శయతి —
ఎవమితి ।
కర్మనిషిద్ధత్యాగః సంన్యాస ఉపరమో నిత్యనైమిత్తికత్యాగ ఇతి భేదః ।
బహూనితి విశేషణవశాదాయాతమర్థం దర్శయతి —
తత్రేతి ।
చిన్తనీయేషు శబ్దేష్వితి యావత్ ।
తత్ర శ్రుత్యన్తరం సంవాదయతి —
ఓమిత్యేవమితి ।
నానుధ్యాయాదిత్యత్ర హేతుమాహ —
వాచ ఇతి ।
తస్మాద్బహూఞ్ఛబ్దాన్నానుచిన్తయేదితి పూర్వేణ సంబన్ధః । ఇతిశబ్దః శ్లోకవ్యాఖ్యానసమాప్త్యర్థః ॥ ౨౧ ॥