யத³ர்தோ²(அ)யமர்த²வாத³ஸ்தம் விதி⁴ம் நிக³மயதி —
தஸ்மாதி³தி ।
மஹாநுபா⁴வோ(அ)யமாத்மலோகோ யத்தத³ர்தி²நோ து³ஷ்கரமபி பாரிவ்ராஜ்யம் குர்வந்தீதி ஸ்துதிரத்ர விவக்ஷிதா ந விதி⁴ரித்யாஶங்க்யா(அ)(அ)ஹ —
ந ஹீதி ।
ததே³வ ப்ரபஞ்சயதி —
ப்ரவ்ரஜந்தீத்யஸ்யேதி ।
ததா²(அ)பி ப்ரவ்ரஜந்தீதிவாக்யஸ்யார்த²வாத³த்வம் கிம் ந ஸ்யாதி³த்யாஶங்க்யா(அ)(அ)ஹ —
அர்த²வாத³ஶ்சேதி³தி ।
அபேக்ஷாப்ரகாரமேவ ப்ரகடயந்நஸ்ய ஸ்துத்யபி⁴முக²த்வாபா⁴வாத்³விதி⁴த்வமேவேத்யாஹ —
யஸ்மாதி³தி ।
கிஞ்ச விதி³த்வா வ்யுத்தா²ய பி⁴க்ஷாசர்ய சரந்தீத்யத்ர விஜ்ஞாநேந ஸமாநகர்த்ருகத்வம் வ்யுத்தா²நாதே³ருபதி³ஶ்யதே விஜ்ஞாநம் ச ஸர்வாஸூபநிஷத்ஸு விதீ⁴யதே(அ)தோ வ்யுத்தா²நமபி விதி⁴மர்ஹதீத்யுக்தம் ததா² சாத்ராபி வ்யுத்தா²நாபரபர்யாயம் பரிவ்ராஜ்யம் விதே⁴யமித்யாஹ —
விஜ்ஞாநேதி ।
இதஶ்ச பாரிவ்ராஜ்யவாக்யமர்த²வாதோ³ ந ப⁴வதீத்யாஹ —
வேதே³தி ।
ததே³வ ஸாத⁴யதி —
யதே²த்யாதி³நா ।
பாரிவ்ராஜ்யஸ்ய விதே⁴யத்வே ஹேத்வந்தரமாஹ —
ப²லேதி ।
புத்ராதி³ப²லாபேக்ஷயா பாரிவ்ராஜ்யப²லம் விபா⁴கே³நோபதி³ஶ்யதே । ததா² ச ப²லவத்த்வாத்புத்ராதி³வத்பாரிவ்ராஜ்யஸ்ய விதே⁴யத்வஸித்³தி⁴ரித்யர்த²: ।
ததே³வ விவ்ருணோதி —
ஏதமேவேதி।
ப்ரக்ருதமாத்மாநம் ஸ்வம் லோகமாபாததோ விதி³த்வா தமேவ ஸாக்ஷாத்கர்துமிச்ச²ந்த: ப்ரவ்ரஜந்தீதி வசநாத்புத்ராதி³ஸாத்⁴யாந்மநுஷ்யாதி³லோகாதா³த்மாக்²யம் லோகம் பாரிவ்ராஜ்யஸ்ய ப²லாந்தரத்வேந யத: ஶ்ருதிர்விப⁴ஜ்யாபி⁴த³தா⁴தி । அதஸ்தஸ்ய விதே⁴யத்வமப்ரத்யூஹமித்யர்த²: ।
ப²லவிபா⁴கோ³பதே³ஶே த்³ருஷ்டாந்தமாஹ —
யதே²தி ।
ததா² பாரிவ்ராஜ்யே(அ)பி ப²லவிபா⁴கோ³க்தேர்விதே⁴யதேதி தா³ர்ஷ்டாந்திகமிதிஶப்³தா³ர்த²: ।
பாரிவ்ராஜ்யஸ்ய ஸ்துதிபரத்வாபா⁴வே ஹேத்வந்தரமாஹ —
ந சேதி ।
யதா² வாயுர்வை க்ஷேபிஷ்டே²த்யாதி³ரர்த²வாத³: ப்ராப்தார்தோ² தே³வதாதி³ஸ்துத்யர்த²: ஸ்தி²தோ ந ததே²த³ம் ஸ்துதிபரம் தத³வத்³யோதிஶப்³தா³பா⁴வாதி³த்யர்த²: ।
கிஞ்ச ப்ரதா⁴நஸ்ய த³ர்ஶபூர்ணமாஸாதே³ரர்த²வாதா³பேக்ஷாவத்பாரிவ்ராஜ்யமபி தத³பேக்ஷமுபலப்⁴யதே தேந தஸ்ய த³ர்ஶாதி³வத்³விதே⁴யத்வம் து³ர்வாரமித்யாஹ —
ப்ரதா⁴நவச்சேதி ।
கிஞ்ச பாரிவ்ராஜ்யம் ஸக்ருதே³வ ஶ்ருதம் சேத³விவக்ஷிதமந்யஸ்துதிபரம் ஸ்யாந்ந சேத³ம் ஸக்ருதே³வ ஶ்ரூயதே “பரிவ்ரஜந்தீ”த்யுபக்ரம்ய “ப்ரஜாம் ந காமயந்தே” “வ்யுத்தா²யாத² பி⁴க்ஷாசர்யம் சரந்தீ”(ப்³ரு. உ. 4 । 4। 22)த்யப்⁴யாஸாத³தோ(அ)பி ந ஸ்துதிமாத்ரமேததி³த்யாஹ —
ஸக்ருதி³தி ।
ந சேத்தர்ராபி ஸம்ப³த்⁴யதே கத²ம் தர்ஹி பாரிவ்ராஜ்யஸ்ய ஸ்துதிபரத்வப்ரதீதிஸ்தத்ரா(அ)(அ)ஹ —
தஸ்மாதி³தி ।
அஸ்து தர்ஹி விதே⁴யமபி பாரிவ்ராஜ்யம் ஸ்தாவகமபீதி சேந்நேத்யாஹ —
ந சேதி ।
விபக்ஷே தோ³ஷமாஹ —
யதீ³தி ।
அத² பாரிவ்ராஜ்யம் யஜ்ஞாதி³வத³ந்யத்ர விதீ⁴யதாமிஹ து ஸ்துதிரேவேத்யாஶங்க்யா(அ)(அ)ஹ —
ந சாந்யத்ரேதி ।
ஆத்மஜ்ஞாநாதி⁴காராத³ந்யத்ர பாரிவ்ராஜ்யவித்⁴யநுபலம்பா⁴தி³த்யர்த²: ।
அந்யத்ர வித்⁴யநுபலம்ப⁴ம் ஸமர்த²யதே —
யதீ³த்யாதி³நா ।
அந்யத்ர ப்ரக்ரியாயாமிதி யாவத் । கர்மாதி⁴காரே தத்த்யாக³விதே⁴ர்விருத்³த⁴த்வாதி³தி பா⁴வ: ।
ப⁴வத்விஹ பாரிவ்ராஜ்யே விதி⁴ஸ்ததா²(அ)பி ஸர்வகர்மாநதி⁴க்ருதவிஷய: ஸ்யாதி³த்யாஶங்க்யா(அ)(அ)ஹ —
யத³பீதி ।
தத்ர கர்மாநதி⁴க்ருதே பும்ஸீத்யேதத் ।
தத்ர ஹேதுமாஹ —
கர்தவ்யத்வேநேதி ।
கர்மாநதி⁴க்ருதேந கர்தவ்யதயா ஜ்ஞாதத்வம் வ்ருக்ஷாரோஹணாதா³விவ பாரிவ்ராஜ்யே(அ)பி நாஸ்தி ததா² சாநதி⁴க்ருதவிஷயே பாரிவ்ராஜ்யம் கல்ப்யதே சேத்தஸ்மிந்விஷயே வ்ருக்ஷாரோஹணாத்³யபி கல்ப்யேதாவிஶேஷாதி³த்யர்த²: ।
பாரிவ்ராஜ்யஸ்யாதி⁴க்ருதவிஷயத்வே விதே⁴யத்வே ச ஸித்³தே⁴ ப²லதீத்யாஹ —
தஸ்மாதி³தி ।