ஸார்த²வாத³ம் பாரிவ்ராஜ்யம் வ்யாக்²யாய ஸ ஏஷ இத்யாதி³ வ்யாகர்தும் ஶங்கயதி —
யதீ³தி ।
பரிஹரதி —
அத்ரேதி ।
தத³ர்தி²நோ நா(அ)(அ)ரப⁴ந்தே கர்மாணீதி ஶேஷ: ।
கர்மபி⁴ரஸம்ப³ந்த⁴மாத்மலோகஸ்ய ஸாத⁴யதி —
யமாத்மாநமிதி ।
தஸ்ய கர்மாஸம்ப³ந்தே⁴ நிஷ்ப்ரபஞ்சத்வம் ப²லிதமாஹ —
தஸ்மாதி³தி ।
ஆத்மநோ நிஷ்ப்ரபஞ்சத்வே(அ)பி கத²ம் தத³ர்தி²நாம் பாரிவ்ராஜ்யஸித்³தி⁴ரித்யாஶங்க்யா(அ)(அ)ஹ —
யஸ்மாதி³தி ।
நிர்விஶேஷஸ்தத்ர தத்ர வாக்யே த³ர்ஶிதஸ்வரூபோ(அ)யமாத்மேத்யேததா³க³மோபபத்திப்⁴யாம் யதா² பூர்வத்ர ஸ்தா²பிதம் ததை²வாத்ராபி ப்³ராஹ்மணத்³வயே விஶேஷதோ யஸ்மாந்நிர்தா⁴ரிதம் தஸ்மாத³ஸ்மிந்நாத்மந்யாபாததோ ஜ்ஞாதே கர்மாநுஷ்டா²நப்ரயத்நாஸித்³தி⁴ரிதி யோஜநா ।
உக்தாத்மவிஷயவிவேகவிஜ்ஞாநவதோ ந கர்மாநுஷ்டா²நமித்யத்ர த்³ருஷ்டாந்தமாஹ —
ந ஹீதி ।
ப்³ரஹ்மஜ்ஞாநப²லே ஸர்வகர்மப²லாந்தர்பா⁴வாச்ச தத³ர்தி²நோ முமுக்ஷோர்ந கர்தவ்யம் கர்மேத்யாஹ —
க்ருத்ஸ்நஸ்யேதி ।
ததா²(அ)பி விசித்ரப²லாநி கர்மாணீதி விவேகீ குதூஹலவஶாத³நுஷ்டா²ஸ்யதீத்யாஶங்க்யா(அ)(அ)ஹ —
ந சேதி ।
தத்ர லௌகிகம் ந்யாயம் த³ர்ஶயதி —
அங்கே சேதி³தி ।
புரோதே³ஶே மது⁴ லபே⁴த சேதி³தி யாவத் ।
ஜ்ஞாநப²லே கர்மப²லாந்தர்பா⁴வே மாநமாஹ —
ஸர்வமிதி ।
அகி²லம் ஸமக்³ராங்கோ³பேதமித்யர்த²: ।
தத்ரைவ ஶ்ருதிம் ஸம்வாத³யதி —
இஹாபீதி ।
நிஷேத⁴வாக்யதாத்பர்யமுபஸம்ஹரதி —
அத இதி ।