యోఽయం జనకయాజ్ఞవల్క్యాఖ్యాయికాయాం వ్యాఖ్యాత ఆత్మా స వై ఎషః మహాన్ అజః ఆత్మా అన్నాదః సర్వభూతస్థః సర్వాన్నానామత్తా, వసుదానః — వసు ధనం సర్వప్రాణికర్మఫలమ్ — తస్య దాతా, ప్రాణినాం యథాకర్మ ఫలేన యోజయితేత్యర్థః ; తమేతత్ అజమన్నాదం వసుదానమాత్మానమ్ అన్నాదవసుదానగుణాభ్యాం యుక్తమ్ యో వేద, సః సర్వభూతేష్వాత్మభూతః అన్నమత్తి, విన్దతే చ వసు సర్వం కర్మఫలజాతం లభతే సర్వాత్మత్వాదేవ, య ఎవం యథోక్తం వేద । అథవా దృష్టఫలార్థిభిరపి ఎవంగుణ ఉపాస్యః ; తేన అన్నాదః వసోశ్చ లబ్ధా, దృష్టేనైవ ఫలేన అన్నాత్తృత్వేన గోశ్వాదినా చ అస్య యోగో భవతీత్యర్థః ॥