ஸஸம்ந்யாஸமாத்மஜ்ஞாநமம்ருதத்வஸாத⁴நமித்யுபபாத்³ய ஸம்ந்யாஸமதி⁴க்ருத்ய விசாரமவதாரயதி —
இதா³நீமிதி ।
தத்ர தத்ர ப்ராகே³வ விசாரிதத்வாத்கிம் புநர்விசாரேணேத்யாஶங்க்யா(அ)(அ)ஹ —
ஶாஸ்த்ரார்தே²தி ।
விரக்தஸ்ய ஸம்ந்யாஸோ ஜ்ஞாநஸ்யாந்தரங்க³ஸாத⁴நம் ஜ்ஞாநம் து கேவலமம்ருதத்வஸ்யேதி ஶாஸ்த்ரார்தே² விவேகரூபா ப்ரதிபத்திரபி ப்ராகே³வ ஸித்³தே⁴தி கிம் தத³ர்தே²ந விசாராரம்பே⁴ணேத்யாஶங்க்யா(அ)(அ)ஹ —
யத இதி ।
அதோ விசார: கர்தவ்யோ நாந்யதா² ஶாஸ்த்ரார்த²விவேக: ஸ்யாதி³த்யுபஸம்ஹாரார்தோ² ஹிஶப்³த³: ।
வாக்யாநாமாகுலத்வமேவ த³ர்ஶயதி —
யாவதி³தி ।
யத³க்³நிஹோத்ரமித்யாதீ³நீத்யாதி³ஶப்³தா³தை³காஶ்ரம்யம் த்வாசார்யா: ப்ரத்யக்ஷவிதா⁴நாத்³கா³ர்ஹஸ்த்²யஸ்யேத்யாதி³ஸ்ம்ருதிவாக்யம் க்³ருஹ்யதே ।
கத²மேதாவதா வாக்யாநி வ்யாகுலாநீத்யாஶங்க்யா(அ)(அ)ஹ —
அந்யாநி சேதி ।
விதி³த்வா வ்யுத்தா²ய பி⁴க்ஷாசர்யம் சரந்தீதி வாக்யம் பாட²க்ரமேண வித்³வத்ஸம்ந்யாஸபரமர்த²க்ரமேண து விவிதி³ஷாஸம்ந்யாஸபரமாத்மாநமேவ லோகமிச்ச²ந்த: ப்ரவ்ரஜந்தீதி து விவிதி³ஷாஸம்ந்யாஸபரமேவேதி விபா⁴க³: ।
க்ரமஸம்ந்யாஸபராம் ஶ்ருதிமுதா³ஹரதி —
ப்³ரஹ்மசர்யமிதி ।
அக்ரமஸம்ந்யாஸவிஷயம் வாக்யம் பட²தி —
யதி³ வேதி ।
கர்மஸம்ந்யாஸயோ: கர்மஸம்ந்யாஸஸ்யா(அ)(அ)தி⁴க்யப்ரத³ர்ஶநபராம் ஶ்ருதிம் த³ர்ஶயதி —
த்³வாவேவேதி ।
அநுநிஷ்க்ராந்ததரௌ ஶாஸ்த்ரே க்ரமேணாப்⁴யுத³யநி:ஶ்ரேயஸோபாயத்வேந புந:புநருக்தாவித்யர்த²: ।
ஜ்ஞாநத்³வாரா ஸம்ந்யாஸஸ்ய மோக்ஷோபாயத்வே ஶ்ருத்யந்தரமாஹ —
ந கர்மணேதி ।
’தாநி வா ஏதாந்யவராணி தபாம்ஸி ந்யாஸ ஏவாத்யரேசயத்’ இத்யாதி³வாக்யமாதி³ஶப்³தா³ர்த²: ।
யதா² ஶ்ருதயஸ்ததா² ஸ்ம்ருதயோ(அ)ப்யாகுலா த்³ருஶ்யந்த இத்யாஹ —
ததே²தி ।
தத்ராக்ரமஸம்ந்யாஸே ஸ்ம்ருதிமாதா³வுதா³ஹரதி —
ப்³ரஹ்மசர்யவாநிதி ।
யதே²ஷ்டாஶ்ரமப்ரதிபத்தௌ ப்ரமாணபூ⁴தாம் ஸ்ம்ருதிம் த³ர்ஶயதி —
அவிஶீர்ணேதி ।
ஆஶ்ரமவிகல்பவிஷயாம் ஸ்ம்ருதிம் பட²தி —
தஸ்யேதி ।
ப்³ரஹ்மசாரீ ஷஷ்ட்²யர்த²: ।
க்ரமஸம்ந்யாஸே ப்ரமாணமாஹ —
ததே²தி ।
தத்ரைவ வாக்யாந்தரம் பட²தி —
ப்ராஜாபாத்யமிதி ।
ஸர்வவேத³ஸம் ஸர்வஸ்வம் த³க்ஷிணா யஸ்யாம் தாம் நிர்வர்த்யேத்யர்த²: । ஆதி³பதே³ந முண்டா³ நிஸ்தந்தவஶ்சேத்யாதி³வாக்யம் க்³ருஹ்யதே । இத்யாத்³யா: ஸ்ம்ருதயஶ்சேதி பூர்வேண ஸம்ப³ந்த⁴: ।
வ்யாகுலாநி வாக்யாநி த³ர்ஶிதாந்யுபஸம்ஹரதி —
ஏவமிதி ।
இதஶ்ச கர்தவ்யோ விசார இத்யாஹ —
ஆசாரஶ்சேதி ।
ஶ்ருதிஸ்ம்ருதிவிதா³மாசார: ஸவிருத்³தோ⁴ லக்ஷ்யதே । கேசித்³ப்³ரஹ்மசர்யாதே³வ ப்ரவ்ரஜந்தி । அபரே து தத்பரிஸமாப்ய கா³ர்ஹஸ்த்²யமேவா(அ)(அ)சரந்தி । அந்யே து சதுரோ(அ)ப்யாஶ்ரமாந்க்ரமேணா(அ)(அ)ஶ்ரயந்தே । ததா² ச விநா விசாரம் நிர்ணயாஸித்³தி⁴ரித்யர்த²: ।
இதஶ்சாஸ்தி விசாரஸ்ய கார்யதேத்யாஹ —
விப்ரதிபத்திஶ்சேதி ।
யத்³யபி ப³ஹுவித³: ஶாஸ்த்ரார்த²ப்ரதிபத்தாரோ ஜைமிநிப்ரப்⁴ருதயஸ்ததா²(அ)பி தேஷாம் விப்ரதிபத்திருபலப்⁴யதே கேசிதூ³ர்த்⁴வரேதஸ ஆஶ்ரமா: ஸந்தீத்யாஹுர்ந ஸந்தீத்யபரே । தத்குதோ விசாராத்³ருதே நிஶ்சயஸித்³தி⁴ரித்யர்த²: ।
அத² கேஷாஞ்சித³ந்தரேணாபி விசாரம் ஶாஸ்த்ரார்தோ² விவேகேந ப்ரதிபா⁴ஸ்யதி தத்ரா(அ)(அ)ஹ —
அத இதி ।
ஶ்ருதிஸ்ம்ருத்யாசாரவிப்ரதிபத்தேரிதி யாவத் ।
கைஸ்தர்ஹி ஶாஸ்த்ரார்தோ² விவேகேந ஜ்ஞாதும் ஶக்யதே தத்ரா(அ)(அ)ஹ —
பரிநிஷ்டி²தேதி ।
நாநாஶ்ருதித³ர்ஶநாதி³வஶாது³பபாதி³தம் விசாராரம்ப⁴முபஸம்ஹரதி —
தஸ்மாதி³தி ।