விசாரகர்தவ்யதாமுக்த்வா பூர்வபக்ஷம் க்³ருஹ்ணாதி —
யாவதி³த்யாதி³நா ।
ஶ்ருத்யாதீ³த்யாதி³ஶப்³தே³ந குர்வந்நித்யாதி³மந்த்ரவாதோ³ க்³ருஹ்யதே ।
ஐகாஶ்ரம்யே ஹேத்வந்தரமாஹ —
தமிதி ।
ஏதத்³வை ஜராமர்யம் ஸத்ரம் யத³க்³நிஹோத்ரமிதி ஶ்ருதேஶ்ச பாரிவ்ராஜ்யாஸித்³தி⁴ரித்யாஹ —
ஜரேதி ।
தத்ரைவ ஹேத்வந்தரமாஹ —
லிங்கா³ச்சேதி ।
பாரிவ்ராஜ்யபக்ஷே(அ)பி தது³பபத்திமாஶங்க்யா(அ)(அ)ஹ —
ந ஹீதி ।
இதஶ்ச நாஸ்தி பாரிவ்ராஜ்யமித்யாஹ —
ஸ்ம்ருதிஶ்சேதி।
தஸ்யாஸ்தாத்பர்யமாஹ —
ஸமந்த்ரகம் ஹீதி।
ந்யாயஸ்ய கஸ்யசிதி³த்யத்ர ஸூசிதமர்த²ம் கத²யதி —
அதி⁴காரேதி ।
க்³ருஹஸ்த²ஸ்ய பாரிவ்ராஜ்யாபா⁴வே ஹேத்வந்தரமாஹ —
அக்³நீதி ।
பூர்வபக்ஷமாக்ஷிபதி —
நந்விதி ।
உப⁴யவிதி⁴த³ர்ஶநே ஷோட³ஶீக்³ரஹணாக்³ரஹணவத³தி⁴காரிபே⁴தே³ந விகல்போ யுக்தோ ந து க்ரியாவஸாந ஏவ வேதா³ர்த² இதி பக்ஷபாதே நிப³ந்த⁴நமஸ்தீத்யர்த²: ।
துல்யவிதி⁴த்³வயத³ர்ஶநே ஹி விகல்போ ப⁴வத்யத்ர து ஸாவகாஶாநவகாஶத்வேநாதுல்யத்வாந்நைவமித்யாஹ —
நாந்யார்த²த்வாதி³தி ।
ததே³வ ஸ்பு²டயதி —
யாவஜ்ஜீவமித்யாதி³நா ।
கர்மாநதி⁴க்ருதவிஷயத்வாந்ந வைகல்பிகமிதி ஸம்ப³ந்த⁴: । க்ரியாவஸாநத்வம் வேதா³ர்த²ஸ்யேதி ஶேஷ: ।
தத்ரைவ ஹேத்வந்தராண்யாஹ —
குர்வந்நித்யாதி³நா ।
ந வைகல்பிகமித்யத்ர பூர்வவத³ந்வய: ।
வ்யுத்தா²நாதி³வாக்யாநாம் கத²மநதி⁴க்ருதவிஷயத்வமித்யாஶங்க்யா(அ)(அ)ஹ —
காணேதி ।
அநதி⁴க்ருதவிஷயத்வம் தேஷாமஶக்யம் வக்தும் ப்³ரஹ்மசர்யம் ஸமாப்யேத்யாதா³வதி⁴க்ருதவிஷயே க்ரமத³ர்ஶநாதி³தி ஶங்கதே —
பாரிவ்ராஜ்யேதி ।
க³த்யந்தரம் த³ர்ஶயந்நுத்தரமாஹ —
ந விஶ்வஜிதி³தி ।
யாவஜ்ஜீவமக்³நிஹோத்ரம் ஜுஹோதீத்யுத்ஸர்க³ஸ்தஸ்யாபவாதோ³ விஶ்வஜித்ஸர்வமேதௌ⁴ தத³நுஷ்டா²நே ஸர்வஸ்வதா³நாதே³வ ஸாத⁴நஸம்பத்³விரஹாத்பாரிவ்ராஜ்யஸ்யாவஶ்யம்பா⁴வித்வாத³தஸ்தத்³விஷயம் க்ரமவிதா⁴நமித்யர்த²: ।
ததே³வ ஸ்பு²டயதி —
யாவஜ்ஜீவேதி ।
கத²ம் க்ரமவிதே⁴ரேவம்விஷயத்வம் கல்பகாபா⁴வாதி³த்யாஶங்க்யா(அ)(அ)ஹ —
விரோதா⁴நுபபத்தேரிதி ।
க்³ருஹஸ்த²ஸ்யாபி விரக்தஸ்ய பாரிவ்ராஜ்யமிதி கிமிதி க்ரமவிஷயோ நேஷ்யதே தத்ரா(அ)(அ)ஹ —
அந்யவிஷயேதி ।
க்ரமவிதே⁴ரபி த்வத்பக்ஷே ஸம்கோச: ஸ்யாதி³த்யாஶங்க்யா(அ)(அ)ஹ —
க்ரமப்ரதிபத்தேஸ்த்விதி ।