ததே³வ விசாரத்³வாரா ஶ்ருதிஸ்ம்ருதீநாமாபாததோ விருத்³தா⁴நாமவிரோத⁴ம் ப்ரதிபத்³யாத² வம்ஶம் இத்யஸ்யார்த²மாஹ —
அதே²தி ।
ஸாங்கோ³பாங்க³ஸ்ய ஸப²லஸ்யா(அ)(அ)த்மவிஜ்ஞாநஸ்ய ப்ரவசநாநந்தர்யமத²ஶப்³தா³ர்த²மாஹ —
அநந்தரமிதி ।
யதா² ப்ரத²மாந்த: ஶிஷ்யோ கு³ருஸ்து பஞ்சம்யந்த இதி சதுர்தா²ந்தே வ்யாக்²யாதம் ததா²(அ)த்ராபீத்யாஹ —
வ்யாக்²யாநம் த்விதி ।
இத்யாக³மோபபத்திப்⁴யாம் ஸஸம்ந்யாஸம் ஸேதிகர்தவ்யதாகமாத்மஜ்ஞாநமம்ருதத்வஸாத⁴நம் ஸித்³த⁴மித்யுபஸம்ஹர்துமிதிஶப்³த³: ।
பரிஸமாப்தௌ மங்க³லமாசரதி —
ப்³ரஹ்மேதி ॥ 1 ॥ 2 ॥ 3 ॥