பூர்வஸ்மிந்நத்⁴யாயே ப்³ரஹ்மாத்மஜ்ஞாநம் ஸப²லம் ஸாங்கோ³பாங்க³ம் வாத³ந்யாயேநோக்தமிதா³நீம் காண்டா³ந்தரமவதாரயதி —
பூர்ணமிதி ।
பூர்வாத்⁴யாயேஷ்வேவ ஸர்வஸ்ய வக்தவ்யஸ்ய ஸமாப்தத்வாத³லம் கி²லகாண்டா³ரம்பே⁴ணேத்யாஶங்க்ய பூர்வத்ராநுக்தம் பரிஶிஷ்டம் வஸ்து கி²லஶப்³த³வாச்யமஸ்தீத்யாஹ —
அத்⁴யாயசதுஷ்டயேநேதி ।
ஸர்வாந்தர இத்யுக்த இதி ஶேஷ: । அம்ருதத்வஸாத⁴நம் நிர்தா⁴ரிதமிதி பூர்வேண ஸம்ப³ந்த⁴: । ஶப்³தா³ர்தா²தீ³த்யாதி³ஶப்³தே³ந மாநமேயாதி³க்³ரஹ: । த³யாம் ஶிக்ஷேதி³த்யுக்தாநீதி ஶேஷ: ।
ஓங்காராதி³ யத்ர ஸாத⁴நத்வேந விதி⁴த்ஸிதம் தத்பூர்வோக்தமைக்யஜ்ஞாநமநுவத³தி —
பூர்ணமிதி ।
அவயவார்த²முக்த்வா ஸமுதா³யார்த²மாஹ —
தத்ஸம்பூர்ணமிதி ।
அத³: பூர்ணமித்யநேந லக்ஷ்யம் தத்பதா³ர்த²ம் த³ர்ஶயித்வா த்வம்பதா³ர்த²ம் த³ர்ஶயதி —
ததே³வேதி ।
கத²ம் ஸோபாதி⁴கஸ்ய பூர்ணத்வமித்யாஶங்க்யா(அ)(அ)ஹ —
ஸ்வேநேதி ।
வ்யாவர்த்யமாஹ —
நோபாதீ⁴தி ।
ந வயமுபஹிதேந விஶிஷ்டேந ரூபேண பூர்ணதாம் வர்ணயாம: கிந்து கேவலேந ஸ்வரூபேணேத்யர்த²: ।
லக்ஷ்யௌ தத்த்வம்பதா³ர்த²முக்த்வா தாவேவ வாச்யௌ கத²யதி —
ததி³த³மிதி ।
கத²ம் கார்யாத்மநோத்³ரிச்யமாநஸ்ய பூர்ணத்வமித்யாஶங்க்யா(அ)(அ)ஹ —
யத்³யபீதி ।
லக்ஷ்யபதா³ர்தை²க்யஜ்ஞாநப²லமுபந்யஸ்யதி —
பூர்ணஸ்யேதி ।
உபக்ரமோபஸம்ஹாரயோரைகரூப்யமைக்யே ஶ்ருதிதாத்பர்யலிங்க³ம் ஸம்கி³ரதே —
யது³க்தமிதி ।
கத²ம் பூர்ணகண்டி³காயா ப்³ரஹ்மகண்டி³கயா ஸஹைகார்த²த்வேநைகவாக்யத்வமித்யாஶங்க்ய தத்³வ்யுத்பாத³யதி —
தத்ரேத்யாதி³நா ।
உபக்ரமோபஸம்ஹாரஸித்³தே⁴ ப்³ரஹ்மாத்மைக்யே கட²ஶ்ருதிம் ஸம்வாத³யதி —
ததா² சேதி ।
ப்³ரஹ்மாத்மநோரைக்யமுக்தமுபஜீவ்ய வாக்யார்த²மாஹ —
அத இதி ।
பூர்ணம் யத்³ப்³ரஹ்மேதி யச்ச²ப்³தோ³ த்³ரஷ்டவ்ய: ।
உக்தமேவ வ்யநக்தி —
தஸ்மாதே³வேதி ।
ஸம்ஸாராவஸ்தா²ம் த³ர்ஶயித்வா மோக்ஷாவஸ்தா²ம் த³ர்ஶயதி —
யத்³யதா³த்மாநமிதி ।
உக்தே வித்³யாப²லே வாக்யோபக்ரமமநுகூலயதி —
ததா² சோக்தமிதி ।
ந கேவலம் ப்³ரஹ்மகண்டி³கயைவாஸ்ய மந்த்ரஸ்யைகவாக்யத்வம் கிம் து ஸர்வாபி⁴ருபநிஷத்³பி⁴ரித்யாஹ —
ய: ஸர்வோபநிஷத³ர்த² இதி ।
அநுவாத³ப²லமாஹ —
உத்தரேதி ।
ததே³வ ஸ்பு²டயதி —
ப்³ரஹ்மவித்³யேதி ।
தஸ்மாத்³யுக்தோ ப்³ரஹ்மணோ(அ)நுவாத³ இதி ஶேஷ: ।
கத²ம் தர்ஹி ஸர்வோபாஸநஶேஷத்வேந விதி⁴த்ஸிதத்வமோங்காராதீ³நாமுக்தமத ஆஹ —
கி²லேதி ।